YAP Nərimanov rayon təşkilatı Gənclər Birliyinin təşəbbüsü ilə “Vətənpərvər Azərbaycan gəncliyi” mövzusunda videokonfrans formatında tədbir keçirilib

Bakı:

24 °C

66 %

3 m/s

AZ RU EN

Ana səhifə / YAP xəbərləri / YAP Nərimanov rayon təşkilatı Gənclər Birliyinin təşəbbüsü ilə “Vətənpərvər Azərbaycan gəncliyi” mövzusunda videokonfrans formatında tədbir keçirilib

YAP Nərimanov rayon təşkilatı Gənclər Birliyinin təşəbbüsü ilə “Vətənpərvər Azərbaycan gəncliyi” mövzusunda videokonfrans formatında tədbir keçirilib

14.08.2020 [11:46]

Yeni Azərbaycan Partiyasının (YAP) Nərimanov rayon təşkilatı Gənclər Birliyinin təşəbbüsü ilə 12 iyul Tovuz döyüşləri və 12 avqust - Beynəlxalq Gənclər Gününə həsr olunmuş “Vətənpərvər Azərbaycan gəncliyi” mövzusunda videokonfrans formatında tədbir keçirilib.
Tədbirdə çıxış edən YAP Nərimanov rayon təşkilatının sədri Təmraz Tağıyev işğalçı Ermənistanın hər zaman təxribatlara əl atdığını bildirib. O, qeyd edib ki, düşmən bu ilin iyul ayında da Tovuz rayonu istiqamətində hərbi təxribat törədib və bu təxribatın qarşısı Azərbaycan Ordusu tərəfindən qətiyyətlə alınıb. T.Tağıyevin sözlərinə görə, ölkə Prezidenti, Ali Baş Komandan İlham Əliyevin rəhbərliyi ilə ordumuz düşmənə layiqli cavab verib.
Rayon təşkilatının sədri Tovuz döyüşləri zamanı xalqımızın ordumuzla və Ali Baş Komandanımızla güclü birlik nümayiş etdirdiyini diqqətə çatdırıb. O, xalqımızın Tovuz döyüşlərində şəhid olmuş hərbçilərimizin əziz xatirəsini böyük ehtiramla yad etdiyini söyləyib.
Azərbaycan Silahlı Qüvvələrinin Cənubu Qafqazın ən güclü ordusu olduğunu deyən T.Tağıyevin sözlərinə görə, Azərbaycan gəncliyi fəxr edir ki, belə bir ordunun sıralarında xidmət edir: “Cənab Prezidentin qayğısı ilə Vətən qarşısında borcunu ləyəqətlə yerinə yetirib, ordudan tərxis olunan gənclərin məşğulluğunun təmin edilməsi dövlətin diqqət yetirdiyi sahələrdən biridir. Dövlət gənclər siyasətinə uyğun olaraq gənclərin hərtərəfli inkişafı, onların yüksək təhsil alması, işlə təmin edilməsi, onların asudə vaxtlarının səmərəli təşkili üçün ölkəmizdə davamlı tədbirlər həyata keçirilir”.
Sonra YAP Nərimanov rayon təşkilatı Gənclər Birliyinin sədri Nərminə Yunusova, tarix elmləri üzrə fəlsəfə doktoru Aynur Əliyeva, YAP Nərimanov rayon təşkilatının məsləhətçisi Vüsal Əliyev, Avrasiya Universitetinin əməkdaşı Kamil Məhəmmədli və YAP Nərimanov rayon təşkilatı Gənclər Birliyinin sədr müavini Faiq Məmmədli çıxış edərək söyləyiblər ki, bütün dünyanın COVID-19 virusu ilə mübarizə apardığı bir dönəmdə Ermənistan silahlı qüvvələri tərəfindən iyulun 12-dən etibarən Azərbaycanın Tovuz rayonu istiqamətində dövlət sərhədində təxribat törədilməsi, dinc əhalinin və ordumuzun bölmələrinin artilleriya atəşinə tutulması qarşı tərəfin məkrli siyasətinin aydın təzahürüdür. Atəşkəs dövründə düşmənin növbəti hərbi təxribat məqsədli səyləri illərdir dünyaya anlatmağa çalışdığımız erməni təcavüzünün və işğalçı siyasətinin daha bir bariz mənzərəsidir.
Həmçinin qeyd olunub ki, bütün Azərbaycan xalqı, o cümlədən gənc nəsil çox yaxşı anlayır ki, yaşadığımız bu Vətən hər birimizindir. Və Azərbaycan gəncliyi böyük bir axınla könüllü olaraq ordu sıralarına yazılması ilə bir daha Ali Baş Komandan, cənab Prezident İlham Əliyevin ətrafında sıx birləşdiyini və Azərbaycan Ordusunun yanında olduğunu nümayiş etdirmiş oldu.

Paylaş:

Baxılıb: 645 dəfə