Heydər Əliyev
yeni azerbaycan logo

Ana səhifə / YAP xəbərləri / YAP Səbail rayon təşkilatında bu il tələbə adını qazanmış gənclərlə görüş olub

YAP Səbail rayon təşkilatında bu il tələbə adını qazanmış gənclərlə görüş olub

23.09.2020 [09:20]

Yeni Azərbaycan Partiyası (YAP) Səbail rayon təşkilatında 2020-2021-ci il tədris ili üçün ali məktəblərə keçirilən qəbul imtahanlarında yüksək bal toplayaraq tələbə adını qazanmış gənclərlə görüş keçirilib. YAP Səbail rayon təşkilatının sədri Şəmsəddin Hacıyev qəbul imtahanlarında Səbail rayonu üzrə xüsusi fərqlənərək ən yüksək nəticələri əldə edən gəncləri təbrik edib, onlara təhsildə, elmdə, ictimai-siyasi fəaliyyətlərində uğurlar arzulayıb.
Ş.Hacıyev Azərbaycanın milli təhsil sisteminin inkişafı, bütün təhsil pillələri üzrə qanunvericilik bazası, Ulu Öndər Heydər Əliyevin təhsilə, elmə, gənclərə verdiyi yüksək dəyər, Prezident İlham Əliyevin təhsil siyasəti, neft kapitalının insan kapitalına çevrilməsi istiqamətində Azərbaycanda əldə olunan uğurlar haqqında gənclərə geniş məlumat verib. Vurğulanıb ki, Azərbaycan Respublikasının Birinci vitse-prezidenti Mehriban xanım Əliyevanın rəhbərliyi ilə Heydər Əliyev Fondu tərəfindən təhsil sektorunda önəmli layihələr, proqramlar həyata keçirilib.
O, Yeni Azərbaycan Partiyasının yaranması və inkişaf tarixi, eləcə də YAP Səbail rayon təşkilatının ictimai-siyasi fəaliyyəti haqqında da gənclərə geniş məlumat verərək gənclərimizi asudə vaxtlarından səmərəli istifadə etməyə, ölkəmizdə gedən çoxşaxəli ictimai-siyasi proseslərə biganə qalmamağa və sağlam vətəndaş mövqeyi bildirməyə dəvət edib.
Görüşdə iştirak edən tələbələr ölkəmizdə gənclərə göstərilən diqqət və qayğıya, yaradılan şəraitə görə dövlət başçısı cənab İlham Əliyevə, Birinci vitse-prezident Mehriban xanım Əliyevaya minnətdarlıqlarını bildiriblər.
Sonda ali məktəblərə keçirilən qəbul imtahanlarında Səbail rayonu üzrə yüksək bal toplayan tələbələrə xatirə hədiyyələri və Ulu Öndər Heydər Əliyevin zəngin dövlətçilik irsinə, ölkə başçısı cənab İlham Əliyevin rəhbərliyi ilə ölkəmizdə həyata keçirilən və Azərbaycan xalqının milli maraqlarına əsaslanan dövlət siyasətinə həsr olunmuş kitablar təqdim edilib.
MÜŞFİQƏ

Paylaş:
Baxılıb: 534 dəfə

Xəbər lenti

Hamısına bax

İqtisadiyyat

Gündəm

701,6 milyon avro...

29 Aprel 10:34

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30