Heydər Əliyev
yeni azerbaycan logo

Ana səhifə / YAP xəbərləri / Hövsanda YAP Suraxanı rayon təşkilatının yeni ərazi partiya təşkilatı yaradılıb

Hövsanda YAP Suraxanı rayon təşkilatının yeni ərazi partiya təşkilatı yaradılıb

01.11.2021 [15:06]

Yeni Azərbaycan Partiyası (YAP) Suraxanı rayon təşkilatının sədri Vüqar Seyidov “Bakı Hövsan Beynəlxalq Ticarət Dəniz Limanı” Açıq Səhmdar Cəmiyyətində (ASC) çalışan YAP üzvü olan bir qrup əməkdaşın müraciətini nəzərə alaraq Hövsan qəsəbəsi Şakir Ziyadov küçəsi 1 ünvanında yeni ərazi partiya təşkilatının yaradılması haqqında müvafiq əmr imzalayıb. Əmrə əsasən, yeni ərazi partiya təşkilatında YAP Suraxanı rayon təşkilatının sədrinin və nümayəndələrinin iştirakı ilə yığıncaq keçirilib.

Yığıncağı giriş sözü ilə açan “Bakı Hövsan Beynəlxalq Ticarət Dəniz Limanı” ASC-nin baş direktoru Rəşad Daşdəmirov deyib ki, Yeni Azərbaycan Partiyasının Sədri, Prezident, Ali Baş Komandan İlham Əliyevin torpaqlarımızın işğaldan azad edilməsində oynadığı müstəsna rol partiyanın nüfuzunu daha da artırıb. O qeyd edib ki, “Bakı Hövsan Beynəlxalq Ticarət Dəniz Limanı” ASC-nin sıralarında olan YAP üzvləri, eyni zamanda, partiya üzvü olmayan, lakin hakim partiyanın siyasətini dəstəkləyən əməkdaşlar var. R. Daşdəmirov qeyd edib ki, həmin əməkdaşlar YAP Suraxanı rayon təşkilatının nəzdində Hövsan qəsəbəsi Şakir Ziyadov küçəsi 1 ünvanında yerləşən ərazi partiya təşkilatının yaradılması məqsədilə müraciət ediblər.

Yığıncaqda çıxış edən YAP Suraxanı rayon təşkilatının sədri V.Seyidov “Bakı Hövsan Beynəlxalq Ticarət Dəniz Limanı” ASC-də fəaliyyət göstərən əməkdaşların hər birinə bu təşəbbüs üçün öz dərin minnətdarlığını bildirib. Yerli təşkilatın sədri VII qurultayından bu günə qədər YAP Suraxanı rayon təşkilatında görülmüş işlər barədə ətraflı məlumat verib.

Daha sonra ərazi partiya təşkilatının sədri və sədr müavininin seçilməsi məsələsi müzakirə olunub. Səsvermə nəticəsində Rəşad Rasim oğlu Daşdəmirov ərazi partiya təşkilatının sədri və Əlimirzə Akif oğlu Hüseynov sədr müavini seçilib.

Paylaş
Baxılıb: 120 dəfə

Xəbər lenti

Hamısına bax

Məqsəd keyfiyyətdir

02 Dekabr 11:00

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31