Heydər Əliyev
yeni azerbaycan logo

Ana səhifə / YAP xəbərləri / Qərbi Azərbaycana qayıdışımız reallaşacaq

Qərbi Azərbaycana qayıdışımız reallaşacaq

28.12.2022 [13:19]

Cari ilin dekabr ayının 24-də cənab Prezident İlham Əliyev Qərbi Azərbaycan İcmasının inzibati binasında yaradılan şəraitlə tanış olub və Qərbi Azərbaycandan olan bir qrup ziyalı ilə görüşüb. Prezident İlham Əliyev bir daha adəti üzrə ad günündə xalqın nümayəndələri ilə bir yerdə oldu. Keçirilən görüşdə erməni vandallarının Azərbaycan xalqına qarşı törətdikləri cinayətlərdən söz açan dövlət başçımız Qərbi Azərbaycana qayıtmağın zəruriliyini vurğulayıb. Ölkə başçısı bununla bağlı bütöv bir konsepsiya ortaya qoyub.

Dövlət başçımız Qərbi Azərbaycan torpaqlarına qayıdacağımızın anonsunu verir, dünyaya bir daha haqqın, ədalətin, yeni mübarizənin mesajlarını göndərir və Qərbi Azərbaycan icmasının yığıncağında qətiyyətlə bildirir ki, biz mütləq ata-baba torpaqlarımıza geri qayıdacağıq. Çünki Qərbi Azərbaycan bizim tarixi torpaqlarımızdır. Bunu tarixi sənədlər, xəritələr, keçmişimiz təsdiq edir. Ermənilər bu torpaqlara sonradan gəliblər və 1918-ci ildə bu torpaqlar üzərində qondarma erməni dövləti yaratmışlar. Həmin dövrdən başlayaraq onlar 1918-1920, 1948-1953, 1988-1992-ci illərdə azərbaycanlıları zor gücünə öz ata-baba torpaqlarından çıxarmış, tarixi-dini, mədəni abidələrimizi məhv ediblər. Yüzlərlə yaşayış məsgənlərimizin, abidələrimizin adı, ünvanı onlar tərəfindən dəyişdirilibdir.

1918-ci ildə yeni yaradılmış Azərbaycan Xalq Cümhuriyyəti özünün ilk qərarlarından birində tarixi şəhərimizi – İrəvanı Ermənistana faktiki olaraq bağışlamışdır. Dövlət başçısı bildirir ki, bu, bağışlanmaz bir addım, xəyanət və cinayət idi. Xalqımız bunu bilməlidir. “Tariximizdə şanlı səhifələr də olub, əfsuslar olsun ki, qara səhifələr də olub” bildirən dövlət başçımız onu da vurğulayıb ki, Azərbaycan Xalq Cümhuriyyətinin yaradılması, qısamüddətli fəaliyyəti haqqında mən dəfələrlə öz fikirlərimi bildirmişdim. Azərbaycan Demokratik Respublikasının qurucularının fəaliyyətini yüksək qiymətləndirmişdim. Bu, doğrudan da dünya miqyasında, müsəlman aləmində ilk respublika idi. Baxmayaraq ki, cəmi iki il yaşadı. Ancaq, eyni zamanda, tariximizin qara səhifələrini də unutmamalı, ört-basdır etməməliyik: “Birincisi, tarixi həqiqət təhrif olunmuş formada təqdim edilməməlidir. İkincisi, bu faciəvi hadisə hamımız üçün dərs olmalıdır.”

Qərbi Azərbaycan tarixi Azərbaycan torpağıdır və həmin torpaqların hər qarışı bizə məxsusdur. Gələcək zamanlarda biz Qərbi Azərbaycana qayıdacağıq. Azərbaycan bu prosesi sülh yolu ilə həyata keçirəcək. Bu məqsədə çatmaq üçün bey­nəlxalq hüququn imkanlarından da maksimum istifadə edəcək. Prezidendimizin qətiyyəti, xalqımızın və dövlətimizin əzmi onu göstərir ki, Azərbaycan gec-tez bu istəyinə də nail olacaq, in­sanlarımızın Qərbi Azərbaycana qayıdışı reallaşacaq. Xalqımı­zın üç əsrdir pozulan hüquqları təmin olunacaq, tarixi ədalət öz yerini tutacaq. Bu uğur Vətən müharibəsindəki şanlı qalibiy­yətimizin siyasi-diplomatik, mə­dəni-ideoloji müstəvidəki dava­mı olacaq. Qərbi Azərbaycan İcmasının üzvləri ilə görüşdə dövlət başçısı kifayət qədər ciddi yol xəritəsi ortaya qoydu. Bu öz növbəsində Qərbi Azərbaycan məsələsində tarixi dönüş, beynəlxalq hüquq çərçivəsində BMT Nizamnaməsinə əməl etməklə sülh şəraitində Qərbi Azərbaycanın fəthi deməkdir. Görüşdə Azərbaycan Prezidenti bir nüansı da qeyd etdi ki, Qərbi Azərbaycan İcmasının hazırda fəaliyyət göstərəcəyi binada yerləşmiş qarabağlılar artıq Qarabağa ya qayıdıblar, ya da qayıtmağa hazırlaşırlar. Burada yerləşən Qərbi azərbaycanlılar da qayıdacaqlar. Bu günə qədər verdiyi hər bir vədə əməl edən Prezident İlham Əliyevin bu vədinin də reallaşacağına ən kiçik şübhə yoxdur. Gün gələcək bu mötəbər görüşlər Qərbi Azərbaycan torpaqlarında baş tutacaq, bizlər öz doğma torpaqlarımızda azad, firavan ömür sürəcəyik.

Varis Rüstəmov,

YAP Sabirabad rayon təşkilatının sədri

Paylaş:
Baxılıb: 73 dəfə

Xəbər lenti

Hamısına bax

Siyasət

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28