Heydər Əliyev Bilkent universitetinə niyə gəlmişdi?

Bakı:

22 °C

53 %

2 m/s

Əlaqə

AZ RU EN

Ana səhifə / Xəbər lenti / Heydər Əliyev Bilkent universitetinə niyə gəlmişdi?

Heydər Əliyev Bilkent universitetinə niyə gəlmişdi?

28.04.2023 [11:19]

Bilkent Universitetinin rektoru: Heydər Əliyevin universitetimizdə İhsan Doğramacıya ucaltdırdığı heykəl bizim üçün ən böyük dəyərdir

“2023-cü il bizim üçün mühüm olan iki hadisəyə təsadüf edir. Bu il bir əsrdir ki, Osmanlı dövlətinin yerinə qüdrətli Türkiyə Cümhuriyyəti qurulub. İkinci önəmli hadisə də odur ki, Azərbaycanın qurucu liderlərindən biri Heydər Əliyev anadan olub”. Bu fikirləri “Yeni Azərbaycan” qəzetinin Türkiyə bürosuna Ankaradakı İhsan Doğramacı adına Bilkent Universitetinin rektoru, professor Abdurrahman Kürşat Aydoğan bildirib.

Rektor Türkiyə Cümhuriyyətinin qurulduğu 1923-cü ildə Heydər Əliyevin anadan olmasını “xoş təsadüf” adlandırıb: “Bundan 100 il öncə Osmanlı küllərindən Türkiyə doğuldu. Eyni ildə Azərbaycan Respublikasının lideri Heydər Əliyev doğulması xoş bir təsadüfdür. Bu təsadüf də bir zərurət yaradıb ki, hər iki qurucu liderin atdığı möhkəm təməllər sayəsində iki qüdrətli türk dövləti sarsılmaz qardaşlıq münasibətini bütün dünyaya nümayiş etdirir”.

Abdurrahman Kürşat Aydoğan Azərbaycana ilk dəfə 1992-ci ildə yeni müstəqillik qazandığında getdiyini bildirərək qeyd edib ki, 30 il sonra 2022-ci ildə Azərbaycana səfər edib, ölkədə xeyli inkişafa, tərərqqiyə şahid olub: “Gördüyüm mənzərəyə inanmadım. Həqiqətən qürur duydum. Əlbəttə bütün bunların arxasında güclü lider dayanır.

Heydər Əliyevin türk dünyası və ölkəsi üçün reallaşdırdığı bir çox böyük layihələri var. Amma məncə, Heydər Əliyevin ən dəyərli projesi dövlət adamı olaraq yetişdirdiyi Azərbaycan Respublikasının Prezidenti İlham Əliyevdir”.

Rektor Bilkent Universitetində Heydər Əliyevlə bağlı özəl bir xatirəni də bölüşüb: “Heydər Əliyevin universitetin qurucusu İhsan Doğramacı ilə yaxın dostluq münasibəti olub. Türkiyəyə hər gəldiyində universitetimizi ziyarət edərdi. Bir dəfə azərbaycanlı heykəltaraş Ömər Eldarova İhsan Doğramacının heykəlini düzəltdirib. Heykəli Ankaraya göndərib və deyib ki, heykəl universitetin layiqli bir yerində yer tutsun.

İhsan Doğramacı da heykələ baxır, bu sənət əsərinə heyran olur, sağlığında yox, o, həyatda olmayanda bu heykəlin qoyulmasını vəsiyyət edir. Heykəli münasib bir yerdə saxlayır. Heydər Əliyev heykəlin durumu ilə maraqlananda məlum olur ki, İhsan Doğramacı heykəli universitetdə müvafiq bir yerdə yerləşdirməyib. Heydər Əliyev prinsipiallıq nümayiş etdirir və deyir ki, bunun üçün Ankaraya gələcək.

26 iyun 2002-ci ildə Heydər Əliyev Bilkent Universitetinə gəldi və 3 metrəlik heykəl? universitetimizin həyətində ən görkəmli yerində yerləşdirtdi. Bu heykəl universitetimiz üçün ən dəyərli bir xairədir. Onu da bildirim ki, universitetimiz tərəfindən Heydər Əliyevə fəxri doktor adı da verilib”.

Sevil Hilalqızı Ünal,

Ankara

Paylaş:

Baxılıb: 472 dəfə