Məqsəd Azərbaycanda qlobal kriptovalyuta birjasının açılışına nail olmaqdır...

Bakı:

19 °C

55 %

3 m/s

Əlaqə

AZ RU EN

Ana səhifə / Xəbər lenti / Məqsəd Azərbaycanda qlobal kriptovalyuta birjasının açılışına nail olmaqdır...

Məqsəd Azərbaycanda qlobal kriptovalyuta birjasının açılışına nail olmaqdır...

12.03.2024 [11:29]

Bu gün bütün dünyada olduğu kimi Azərbaycanda da kriptovalyuta sektoruna maraq artmaqdadır. Təbii ki, bunun səbəbi ABŞ tərəfindən ETF- lərin qəbulu ilə Bitcoin- in dəyərinin təxminən 3 dəfə artması, kriptovalyuta sektoruna yeni yüksəlişin gəlməsi ilə bağlıdır. Azərbaycan istifadəçiləri çox zaman təcrübəsizlikdən tələskənlik edərək, ciddi pul itkilərinə səbəb olurlar. Onlar çox vaxt arxasında layihə olmayan kriptovalyutalara yatırım edir və yaxud da, məşhur olan, qiyməti artıq kifayət qədər yüksəlmiş və şişmiş koinlərə maraq göstərirlər.

"İnternetin qızılı anlandırılan “Bitcoin”in zaman- zaman dəyər qazanmasının əsas səbəbi ondan sonra yaranan “alternativ coin”lərin BTC- dən rezerv kimi istifadə etməsidir. Bu gün 2,5 trilyon dollarlıq sektorun 52%-i Bitcoin-in payına düşür. Hazırda, minlərlə “altcoin” olmasına baxmayaraq, onlardan yalnız 1700 ədədinin layihəsinin bazar dəyəri milyon dollardan artıqdır". Bu fikirləri "Yeni Azərbaycana"-a açıqlamasında kriptovalyutalar üzrə təlimçi və ekspert, ATC Launchpad kriptovalyutasının yaradıcısı Ömər Qurbanəli deyib.

O, açıqlamasında həmçinin bildirir ki, Altcoinlər bir növ “start up” şirkətlərin hissə sənədi olaraq görülür. "Altcoinləri cəzb edən onların layihələrinin gündəm olmasıdır. Məsələn, 2021- ci ildə Metaverse mövzusu gündəm idisə, hazırda bunu süni intellekt əvəzləyib. Arxasında, texnoloji və iqtisadi yeniliyə, həllə bağlı olan kriptovalyutalar sağlam hesab edilirlər. Yerli yatırımçıları ən çox narahat edən səbəblərdən biri də Azərbaycanda Türkiyə və Gürcüstandakı kimi online və offline exchange-lərin olmamasıdır. Təbii ki, sektor böyüməkdə olduğundan, bu sahədə də irəliləyişlər var. Bütün bu kimi hallarla bağlı vaxtaşırı maarifləndirici tədbirlər keçirilir, media üzərindən məlumatlar yayılır".

Qeyd olunur ki, ATC Launchpad kriptovalyutası ötən gün 500 mindən artıq üzvü olan, Toobit birjasına daxil oldu. Qısaca olaraq, ATCP adlandırılan bu “Binance Smart Chain” tokeni ötən il maksimal sayı 1 milyard ədəd olaraq yaradılıb və PancakeSwap mərkəziyyətsiz birjasına daxil olub. Bu ilin 5 mart tarixindən isə artıq mərkəzi birjalara “listing” olunma mərhələsinə qədəm qoydu. Layihənin əsas məqsədi startap layihələrinin dəstək olaraq birlikdə böyüməkdir. Hazırda, təxminən 20 layihənin bu ekosistemə daxil olacağı görünür.

Mütəxəssis bildirir ki, layihənin məqsədi, Azərbaycanda qlobal kriptovalyuta birjasının açılışına nail olmaqdır. O, vurğulayır ki, ATC Launchpad ekosisteminə daxil olan layihələr Azərbaycana xaricdən investisiyaların da təşviqinə gətirib, çıxara bilər:" Hazırda, birjada bir ədəd ATCP=0,0005 $ dəyərindədir. Ümid edirik ki, azad edilmiş torpaqlarımızda müasir texnologiyalara dair, həmçinin, bu gün dünya gündəmini zəbt edən süni intellektə aid qlobal layihələr də, ATC Launchpad üzərindən həyata keçiriləcək. ATCP həmçinin yatırımçılarına bu sektoru öyrənmək və yeni çıxan tokenlərdən portfel yaratmaq imkanı da verəcəkdir".

Havar Şəfiyeva

Paylaş:

Baxılıb: 870 dəfə