Azərbaycan aqrar sahədə dayanıqlı inkişaf modelini formalaşdırır

Bakı:

25 °C

52 %

10 m/s

Əlaqə

AZ RU EN

Ana səhifə / Arxiv / Azərbaycan aqrar sahədə dayanıqlı inkişaf modelini formalaşdırır

Azərbaycan aqrar sahədə dayanıqlı inkişaf modelini formalaşdırır

01.06.2026 [17:16]

Mayın 25-də Prezident İlham Əliyevin sədrliyi ilə keçirilən kənd təsərrüfatı məsələlərinə həsr olunmuş müşavirədə ölkəmizdə aqrar siyasətin gələcək istiqamətləri elan edildi. Müşavirədə səsləndirilən fikirlər göstərir ki, Azərbaycan yaxın illərdə aqrar sahənin inkişafını iqtisadi siyasətin əsas istiqamətlərindən biri kimi davam etdirəcək. 2026−2030-cu illəri əhatə edən Yeni Dövlət Proqramı isə ölkənin ərzaq təhlükəsizliyinin gücləndirilməsi, kənd yerlərində rifahın yüksəldilməsi və ixrac potensialının artırılması baxımından mühüm mərhələ olacaq. Prezident İlham Əliyev öz çıxışında qlobal bazarlarda baş verən geosiyasi dəyişiklikləri fonunda qida təhlükəsizliyinin milli təhlükəsizliyin tərkib hissəsi olduğunu xüsusi vurğulamışdır. Ölkə rəhbəri qeyd etmişdir ki, Azərbaycan əsas ərzaq məhsulları ilə özünü təminetmə səviyyəsini maksimum dərəcəyə çatdırmalıdır. Xüsusilə taxılçılıq, heyvandarlıq və quşçuluq sahələrində yerli istehsalın artırılması, idxaldan asılılığın minimuma endirilməsi hökumət qarşısında mühüm vəzifə kimi qoyulmuşdur. Prezident ənənəvi kənd təsərrüfatı sahələrinin inkişafının həm daxili tələbatı ödəmək, həm də ölkəyə valyuta axınını təmin edən qeyri-neft ixracını stimullaşdırmaq baxımından əhəmiyyətini diqqətə çatdırmışdır.

Müşavirədə dövlət başçısının toxunduğu ən əsas məsələlərdən biri qlobal iqlim dəyişiklikləri şəraitində su ehtiyatlarından qənaətlə və səmərəli istifadə edilməsi olmuşdur. Prezident cənab İlham Əliyevin kənd təsərrüfatı məsələlərinə həsr olunmuş geniş tərkibli müşavirədəki proqram xarakterli çıxışı ölkənin aqrar sektorunun mövcud vəziyyətini təhlil etmək, qarşıda duran vəzifələri müəyyənləşdirmək və gələcək inkişaf trayektoriyasını cızmaq baxımından müstəsna əhəmiyyət kəsb edir. Prezidentin çıxışında qida təhlükəsizliyinin təmin edilməsi, işğaldan azad olunmuş ərazilərin aqrar potensialının dövriyyəyə cəlb edilməsi, su ehtiyatlarından səmərəli istifadə və subsubsidiyalaşdırma sisteminin təkmilləşdirilməsi kimi qlobal və regional çağırışlara cavab verən fundamental məsələlər ön plana çəkilmişdir. Prezident cənab İlham Əliyevin müşavirədəki çıxışı bir daha göstərdi ki, Azərbaycan kənd təsərrüfatının inkişafına artıq yalnız sosial və iqtisadi sahə kimi deyil, milli inkişaf strategiyasının əsas sütunlarından biri kimi yanaşır.

Prezident İlham Əliyev müşavirədə dünyada baş verən iqtisadi və iqlim dəyişikliklərinin kənd təsərrüfatına təsirindən də geniş bəhs etmişdir. Azərbaycanın da bu istiqamətdə mühüm addımlar atdığı və ərzaq təhlükəsizliyinin təmin olunmasının dövlət siyasətinin prioritet istiqamətlərindən biri olduğu vurğulanmışdır.

İntiqam Quliyev

YAP Ağdam rayon təşkilatının sədr müavini

Paylaş:

Baxılıb: 349 dəfə