“Alov Qoruyanlar”

Bakı:

15 °C

72 %

6 m/s

Əlaqə

AZ RU EN

Ana səhifə / İdman / “Alov Qoruyanlar”

“Alov Qoruyanlar”

19.05.2015 [09:59]

İlk Avropa Oyunlarının keçirilməsinə sayılı günlər qalıb. Hazırda ölkəmizdə bu idman yarışına ciddi hazırlıq işləri sürətlə davam edir və demək olar ki, dünya idman tarixində mühüm hadisə olacaq ilk Avropa Oyunlarına Azərbaycan tam hazırdır. İlk Avropa Oyunlarının Bakıda təşkili Azərbaycanın beynəlxalq nüfuzunun daha da artmasına, idman aləmində önəmli yer tutmasına şərait yaradacaq.
Sevindirici haldır ki, dünyanın diqqətini çəkən ilk Avropa Oyunlarını hazırda bütün ictimaiyyət nümayəndələri kimi gənclər, eləcə də, “Bakı-2015”in könüllüləri də səbirsizliklə gözləyirlər.
Ənənəmizə sadiq qalaraq “Yeni Azərbaycan” qəzetinin “Alov Qoruyanlar” adlı rubrikasında ilk Avropa Oyunlarında fəaliyyət göstərəcək növbəti könüllü gənclərimizi oxucularımıza təqdim edirik.
“İlk Avropa Oyunlarının ölkəmizdə keçirilməsi hər bir vətəndaşımız üçün qürur mənbəyidir”. Bunu qəzetimizə açıqlamasında Bakı Slavyan Universitetinin III kurs tələbəsi, “Bakı-2015”in könüllüsü Nurlan İsmayılov deyib. Onun sözlərinə görə, ilk dəfə keçiriləcək Avropa Oyunlarına ev sahibliyinin Azərbaycana həvalə edilməsi Avropa Olimpiya Komitəsinin ölkəmizə göstərdiyi etimadın nəticəsidir. Şübhəsiz ki, sözügedən beynəlxalq yarışın Azərbaycanda baş tutması ölkəmizin dünya miqyasında mövqeyinin güclənməsinə və beynəlxalq aləmdə öz müsbət imicini daha da möhkəmləndirməsinə xidmət göstərir: “Bu, doğrudan da, tarixi hadisədir. Çünki bu vaxta qədər Avropa Oyunları keçirilməyib və ilk Oyunların Bakıda keçirilməsi böyük tarixi hadisə olmaqla bərabər, ölkəmizin böyük uğurudur. Bu, eyni zamanda, ölkəmizə göstərilən yüksək etimaddır, üzərimizə düşən böyük məsuliyyətdir. Mən şübhə etmirəm ki, biz bu sınaqdan da uğurla və şərəflə çıxacağıq, bu Oyunları yüksək səviyyədə keçirəcəyik. Biz “Bakı-2015”in könüllüləri isə öz növbəmizdə, bu yarışlarda əlimizdən gələni etməyə çalışacağıq və ümid edirəm ki, işimizin öhdəsindən də layiqincə gələcəyik”.
“Birinci Avropa Oyunları Azərbaycanın nüfuzunun yüksəldilməsinə xidmət edir”. Bunu isə qəzetimizə açıqlamasında Bakı Slavyan Universitetinin III kurs tələbəsi, “Bakı-2015”in könüllüsü Arzu Ələkbərova deyib. O, ilk Avropa Oyunlarının ölkəmizdə təşkilini böyük tarixi uğurumuz kimi səciyyələndirib: “Birinci Avropa Oyunlarının keçirilməsi ilə bağlı qərar 2012-ci ilin dekabr ayında Avropa Olimpiya Komitəsinin Romada keçirilən 41-ci Baş Assambleyasında qəbul olunub. Avropa Olimpiya Komitəsinin üzvü olan 49 Milli Olimpiya Komitəsindən 48-nin iştirakı ilə keçirilən gizli səsvermədə Bakı ilk Avropa Oyunlarına ev sahibliyi hüququnu əldə edib. Bu da sözsüz ki, ölkəmizə göstərilən böyük etimaddır. Bu gün Azərbaycan regionun lider dövlətinə çevrilib və dünyanın sürətli inkişaf edən ölkələri sırasındadır. Bu da təbii ki, biz gəncləri sevindirir. Hər kəs kimi biz “Bakı-2015”in könüllüləri də ölkəmizin bu cür inkişafını gördükcə qürurlanırıq. Bakımızın belə bir mötəbər yarışa ev sahibliyi etməsi isə bizi daha da ruhlandırır.
Vüsalə CAVANŞİR

Paylaş:

Baxılıb: 1775 dəfə