Qənimət Zahidin ictimai rəyi yanıltmaq və xalqı aldatmaq cəhdləri iflasa məhkumdur

Bakı:

19 °C

59 %

4 m/s

Əlaqə

AZ RU EN

Ana səhifə / Qənimət Zahidin ictimai rəyi yanıltmaq və xalqı aldatmaq cəhdləri iflasa məhkumdur

Qənimət Zahidin ictimai rəyi yanıltmaq və xalqı aldatmaq cəhdləri iflasa məhkumdur

28.05.2021 [10:07]

Pərviz Sadayoğlu

İşğaldan azad olunmuş torpaqlarımızın bərpası, orada aparılan yenidənqurma, abadlıq işləri, eləcə də Böyük Qayıdışın təmin olunması Azərbaycanın dövlət siyasətinin mühüm prioritetlərindən biridir. Həmin ərazilərdə artıq sürətli şəkildə və yeni texnologiyalara əsaslanan bərpa prosesinə başlanılıb. Xüsusi olaraq vurğulanmalıdır ki, istər işğal nəticəsində dəyən ziyanın hesablanması, istər həmin regionlara qayıdacaq insanların təhlükəsizliyinin təmin olunması üçün minaların təmizlənməsi, istərsə də yeni “Ağıllı kənd” və “Ağıllı şəhər” layihələrinin icrası paralel şəkildə aparılır. Bütün bunlar isə onu göstərir ki, Azərbaycan dövləti həmin torpaqların qısa zamanda yenidən dirçəldilməsi istiqamətində iradə nümayiş etdirir. Onu da qeyd edək ki, bu gün işğaldan azad edilmiş torpaqların abadlaşdırılması istiqamətində görülən işlərdə Azərbaycan şirkətləri ilə yanaşı, bir sıra xarici ölkələrin, müharibə dövründə Azərbaycanın yanında yer alan, dost münasibət göstərən və siyasi-mənəvi dəstəyini əsirgəməyən dövlətlərin şirkətləri də iştirak edir.
Təəssüfləndirici haldır ki, ermənipərəst mərkəzlərin əlaltısı qismində çıxış edən radikal müxalifət işğaldan azad edilmiş regionlarımızda aparılan məqsədyönlü fəaliyyətə kölgə salmaq, görülən işlərə çirkin kampaniyalarla qara yaxmaq üçün min bir yola baş vurmaqdadır. Antimilli ünsürlər sosial şəbəkələrdə ermənipərəst dairələrin tezislərini yaymaqla məşğuldurlar. Məsələn, xarici anti-Azərbaycan dairələrin təlimatları əsasında sosial şəbəkələrdə ölkəmizə qarşı yalan kampaniyası aparan Qənimət Zahid növbəti dəfə Şuşada aparılan bərpa-quruculuq işlərinə ləkə yaxmağa, beləliklə, şər-böhtan dolu erməni təbliğatına dəstək olmağa çalışıb.
Ümumiyyətlə, ömrünü, həyatını Azərbaycan dövlətinə, xalqına böhtan atmaqla keçirən, ermənipərəst qüvvələrin buyruq qulu olan radikal müxalifətin və xaricdə yaşayan yandaşlarının Vətən müharibəsi zamanı və ondan sonrakı dövrdə apardıqları qara piar kampaniyasından sonra yenidən bu cür antimilli mövqe nümayiş etdirmələri bir daha onların yeni sifarişlər aldığını təsdiqləyir. Görünür ki, xaricdəki ağaları onlara növbəti dəfə bölgədə gedən abadlıq işlərini və ermənilər tərəfindən dağıdılmış ərazilərin dirçəldilməsini hədəfə almağı tapşırıblar. Amma hər zaman olduğu kimi, onların ictimai rəyi yanıltmaq və xalqı aldatmaq cəhdləri fiaskoya məhkumdur. Azərbaycan xalqı dövlətimizin iradəsini, məqsədyönlü siyasətini görür çox yüksək dəyərləndirir. Qənimət Zahid və onun kimilərinin danışdığı yalanlar isə bumeranq effekti ilə onların özünə qarşı əks-arqumentə çevrilir.

Paylaş:

Baxılıb: 778 dəfə