Nəsimi rayonunda 2015-ci ilin yekunları müzakirə olunub

Bakı:

11 °C

87 %

3 m/s

Əlaqə

AZ RU EN

Ana səhifə / Sosial / Nəsimi rayonunda 2015-ci ilin yekunları müzakirə olunub

Nəsimi rayonunda 2015-ci ilin yekunları müzakirə olunub

03.02.2016 [09:30]

Dünən Nəsimi rayon İcra Hakimiyyətində 2015-ci ilin sosial-iqtisadi inkişaf istiqamətində görülmüş işlərə yekun vurulub və 2016-cı il üçün qarşıda duran vəzifələr müzakirə olunub.
Yığıncaqda Azərbaycan Respublikası Prezidenti Administrasiyasının məsul işçisi Tağı Tağıyev, Milli Məclisin deputatları Ziyad Səmədzadə, Məlahət İbrahimqızı, Asim Mollazadə, Azərbaycan Neft və Sənaye Universitetinin rektoru Mustafa Babanlı, Təhsil Problemləri İnstitutunun direktoru Qulu Novruzov, Heydər Əliyev Sarayının direktoru Fərhad Babayev, Heydər Əliyev İdman Arenasının direktoru Rafiq Behbudov və başqaları iştirak ediblər.
Hesabat yığıncağında məruzə ilə çıxış edən Nəsimi rayon İcra Hakimiyyətinin başçısı Asif Əsgərov ötən il Azərbaycan Respublikasının Prezidenti cənab İlham Əliyevin rəhbərliyi ilə respublikanın sosial-iqtisadi inkişafı sahəsində əldə olunmuş nailiyyətlər barədə məlumat verib, 2015-ci il ərzində rayonda görülmüş işləri təhlil edərək həlli vacib olan problemlərin aradan qaldırılması yollarından danışıb.
Qeyd olunub ki, 2015-ci ildə Nəsimi rayonunda nəzərə çarpacaq müsbət dəyişikliklər baş verib, ilin yekunlarına görə sənaye müəssisələri üzrə 427 milyon 500 min manatlıq və ya əvvəlki ilin müvafiq dövründə olduğundan 18 faiz çox məhsul istehsal edilib, nəqliyyat sektorunda fəaliyyət göstərən müəssisələr tərəfindən 370,9 milyon manatlıq nəqliyyat xidmətləri göstərilib.
2015-ci ildə Nəsimi rayonunda çalışan işçilərin sayı 145710 nəfər, orta aylıq əməkhaqqının məbləği isə 522,1 manat olub ki, bu da əvvəlki illə müqayisədə 4,5 faiz çoxdur. 2015-ci ildə rayonda hamısı daimi olmaqla 3229 yeni iş yeri açılıb.
Vurğulanıb ki, respublikamızın hər yerində olduğu kimi, Bakı şəhəri Nəsimi rayonunda da davamlı sosial-iqtisadi inkişafı, əhalinin rifah halının daha da yüksəlməsi təmin edilib, dinamik artım templəri üstünlük təşkil edib: “Azərbaycan Respublikasının Prezidenti cənab İlham Əliyevin Nəsimi rayonunda aparılan abadlıq və quruculuq işləri üzrə layihələrin icrası ilə bağlı tədbirlərdə şəxsən iştirakı rayonun həyatını daha əlamətdar edib”.
Sonra Azərbaycan Respublikası Prezidenti Administrasiyasının məsul işçisi Tağı Tağıyev çıxış edərək Prezident İlham Əliyevin rəhbərliyi ilə ötən il ölkədə əldə olunmuş nailiyyətlər və nəzərdə tutulmuş işlər barədə məlumat verib.
Yığıncağın sonunda iştirakçılar adından ölkə başçısı cənab İlham Əliyevə müraciət qəbul olunub.
Tədbirdə bu il yubileyləri keçiriləcək bir qrup ziyalıya və “İlin məktəbi”, “İlin müəllimi” müsabiqəsinin qaliblərinə rayon İcra Hakimiyyəti tərəfindən qiymətli hədiyyələr təqdim olunub.

Paylaş:

Baxılıb: 660 dəfə