Heydər Əliyev
yeni azerbaycan logo

Ana səhifə / Sosial / Qubadlılılar soyqırımı qurbanlarının xatirəsini anıblar

Qubadlılılar soyqırımı qurbanlarının xatirəsini anıblar

02.04.2019 [09:29]

Qubadlı rayon İcra Hakimiyyəti və Yeni Azərbaycan Partiyası (YAP) Qubadlı rayon təşkilatının birgə təşkilatçılığı ilə 31 Mart - Azərbaycanlıların Soyqırımı Gününə həsr olunmuş anım tədbiri keçirilib.
Tədbirdə çıxış edən rayon İcra Hakimiyyəti başçısının müavini, YAP Qubadlı rayon təşkilatının sədri Allahverdi Haxverdiyev 1918-ci ilin martında baş verən hadisələr haqqında geniş məlumat verərək bildirib ki, həmin hadisələr bolşeviklərin daşnaklarla birlikdə azərbaycanlılara qarşı həyata keçirdikləri soyqırımı siyasəti idi. 1918-ci il mart-aprel aylarında Bakı, Şamaxı, Quba, Lənkəran və digər ərazilərdə ermənilər on minlərlə azərbaycanlını qətlə yetiriblər. A.Haxverdiyev 1918-ci ilin mart ayında erməni daşnaklarının törətdikləri soyqırımına, erməni vəhşiliyinə dair məqamlara bir daha diqqət yönəldərək qeyd edib ki, Azərbaycan xalqının Ümummilli Lideri Heydər Əliyev tərəfindən imzalanmış “Azərbaycanlıların soyqırımı haqqında” 26 mart 1998-ci il tarixli Fərman xalqımıza qarşı törədilən bu cinayətə verilən ilk siyasi qiymətdir. Qeyd olunub ki, Azərbaycan həqiqətlərinin dünya ictimaiyyətinə çatdırılması istiqamətində Prezident İlham Əliyev tərəfindən ardıcıl və prinsipial siyasət həyata keçirilir.
Tədbirdə Bəhmən Mehdiyev adına Qubadlı şəhər 2 saylı tam orta məktəbin direktoru Yavər Məmmədov və məktəbin tarix müəllimi Ayna İsaqova “Ermənilərin törətdikləri vəhşiliklər” mövzusunda məruzə ilə çıxış ediblər. Çıxış edən Xıdırlı kənd tam orta məktəbinin direktoru Savalan İmanov da bildirib ki, 1918-ci ildə minlərlə dinc azərbaycanlı əhali yalnız milli mənsubiyyətinə görə ermənilər tərəfindən qətlə yetirilib.

Paylaş:
Baxılıb: 536 dəfə

Xəbər lenti

Hamısına bax
Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31