Mingəçevirlilər Prezident İlham Əliyevin namizədliyini dəstəkləyirlər

Bakı:

24 °C

75 %

10 m/s

Əlaqə

AZ RU EN

Ana səhifə / YAP xəbərləri / Mingəçevirlilər Prezident İlham Əliyevin namizədliyini dəstəkləyirlər

Mingəçevirlilər Prezident İlham Əliyevin namizədliyini dəstəkləyirlər

18.09.2013 [10:42]

Mingəçevir şəhərində seçicilərlə görüş keçirilib
Dünən Yeni Azərbaycan Partiyası tərəfindən Azərbaycan Respublikasının Prezidentliyinə namizəd irəli sürülmüş cənab İlham Əliyevin Mingəçevir şəhəri üzrə Seçki Qərargahının təbliğat-təşviqat qrupunun üzvləri, YAP şəhər təşkilatının sədri Cavanşir Yusubov və Əyyub Əyyubov N.B.Vəzirov küç.ev 14-ün qarşısında həmin ərazidə yaşayan sakinlərlə görüş keçirib. Təbliğat qrupunun üzvləri YAP-ın prezidentliyə namizədi cənab İlham Əliyevin ölkədə apardığı uğurlu siyasət nəticəsində əldə edilən uğurlardan danışaraq, hamını 9 oktyabr 2013 cü il tarixdə seçkilərə dəvət edərək, cənab İlham Əliyevə səs verməyə çağırdılar.
Cavanşir Yusubov prezident seçkilərinin əhəmiyyətindən danışaraq bildirib ki, Azərbaycanda mühüm siyasi proseslə bağlı geniş təbliğat-təşviqat işləri aparılmaqdadır: “Bu gün ölkədə hərtərəfli inkişaf müşahidə olunur. Cənab İlham Əliyevin rəhbərliyi ilə həyata keçirilən sosial-iqtisadi islahatlar nəticəsində Azərbaycanın hər bir guşəsi abadlaşır, gözəlləşir. Məhz, ölkədə gedən abadlıq-quruculuq prosesinin tərkib hissəsi kimi Mingəçevirdə də böyük işlər görülür. Şəhərimizdə yollar salınır, geniş quruculuq işləri həyata keçirilir. Bununla yanaşı, Mingəçevirdə yeni iş yerləri açılır, məktəblər, səhiyyə ocaqları tikilir, yeni müəssisələr işə salınır. Bütün bunlar insanların maddi rifahının yüksəlməsinə, rahatlığını təmin etməyə hesablanıb. Məhz bunların əsas səbəbkarı Prezident İlham Əliyevdir”.
C.Yusubovun fikrincə, 9 oktyabrda keçiriləcək prezident seçkilərinin qalibi məhz cənab İlham Əliyev olacaq. Çünki, dövlət başçısının təsdiqlədiyi “Regionların sosial-iqtisadi inkişafı Dövlət Proqramı” çərçivəsində ölkədə genişmiqyaslı abadlıq-quruculuq işləri aparılmağa başlandı. Həyata keçirilmiş məqsədyönlü siyasət nəticəsində Azərbaycanın iqtisadiyyatı dünyada analoqu olmayan templə inkişaf edir: “Artıq bu faktı beynəlxalq qurumlar da bəyan edirlər. Bəzi dairələr bu uğurlara kölgə salmağa çalışıblar. Amma bu gün ölkədə yeni sosial obyektlərin, müəssisələrin açılması, insanların rifah halının yüksəlməsi ortaya atılan əsassız informasiyaları məhv edən tutarlı arqumentlər, əyani sübutlardır”.
Görüşdə çıxış edən təşviqat qrupunun üzvü Əyyub Əyyubov isə bildirib ki, 9 oktyabr tarixi xalqımızın həyatında əlamətdar bir gün olacaq: “Çünki, həmin gün müstəqil Azərbaycanın azad xalqı səs verərək növbəti beşillikdə kimin rəhbərliyi ilə irəli gedəcəyini müəyyənləşdirəcək. Amma düşünürəm ki, Mingəçevir sakinləri öz seçimlərini hələ 1993-cü ildə ediblər. Bunu 2003-cü ildə də Ulu öndər Heydər Əliyev siyasətinin layiqli davamçısı Prezident İlham Əliyevə səs verməklə təkrar ediblər. Əminəm ki, mingəçevirlilər 9 oktyabrda da seçimlərini düzgün edəcəklər”.
Daha sonra görüş iştirakçıları adından Ballı Məmmədova və Qurban Ələkbərov çıxış edərək artıq seçimlərini etdiklərini və 9 oktyabrda cənab İlham Əliyevə səs verəcəklərini vurğulayıblar.
Nardar BAYRAMLI

Paylaş:

Baxılıb: 1365 dəfə