Güclü liderliyin möhtəşəm təcəssümü

Bakı:

8 °C

87 %

1 m/s

Əlaqə

AZ RU EN

Ana səhifə / YAP xəbərləri / Güclü liderliyin möhtəşəm təcəssümü

Güclü liderliyin möhtəşəm təcəssümü

22.12.2025 [15:12]

Azərbaycanın müasir tarixində mühüm mərhələ hesab olunan 2020-ci il Zəfəri Prezident İlham Əliyevin uzun illər ərzində həyata keçirdiyi düşünülmüş siyasətin, güclü liderliyinin və qətiyyətli diplomatik fəaliyyətinin məntiqi nəticəsi kimi dəyərləndirilir. Bu Qələbə təkcə hərbi müstəvidə deyil, həm də siyasi, diplomatik və ideoloji sferada Azərbaycanın gücünü və möhtəşəm dövlət iradəsini göstərdi.

Prezident İlham Əliyevin ardıcıl və məqsədyönlü siyasəti ölkəmizin bütün sahələrdə möhkəmlənməsinə zəmin yaratdı. Ordu quruculuğuna ayrılan xüsusi diqqət, müdafiə sənayesinin inkişafı, hərbi hazırlığın gücləndirilməsi, iqtisadi dayanıqlığın təmin olunması və müasir idarəçilik modeli Azərbaycanı hərbi-siyasi reallıqlarda üstün mövqeyə çıxardı. Bu əsaslar 44 günlük Vətən müharibəsində əldə edilən Zəfərin ən mühüm dayaqlarından biri oldu.

Eyni zamanda, Prezident İlham Əliyevin Qələbə diplomatiyası Azərbaycanın haqq səsinin dünyaya çatdırılmasında həlledici rol oynadı. Dövlət başçısı illər boyunca beynəlxalq tribunalarda, ikitərəfli görüşlərdə və dünya mediasına verdiyi müsahibələrdə Azərbaycanın mövqeyini aydın və prinsipial şəkildə ifadə etdi. Müharibə dövründə də onun apardığı diplomatik xətt informasiya mübarizəsində böyük üstünlüklər qazandırdı. Dünya ictimaiyyəti Azərbaycanın haqq işini daha aydın gördü və ədalətli mövqeyimizi qəbul etdi.

Bu Qələbənin əsas sütunlarından biri həm də xalq-iqtidar birliyi oldu. Prezident İlham Əliyev illər ərzində cəmiyyətdə birliyi və həmrəyliyi gücləndirmiş, milli iradəni vahid məqsəd ətrafında birləşdirmişdi. Vətən müharibəsi zamanı bu birlik ən yüksək səviyyədə özünü göstərdi, xalq Ali Baş Komandana sarsılmaz dəstək nümayiş etdirdi və Azərbaycan əsgəri bu güclü iradəni döyüş meydanlarında Zəfərə çevirdi.

Müharibədən sonra dövlət başçısının həyata keçirdiyi siyasət regionda yeni reallıq formalaşdırdı. Qarabağ və Şərqi Zəngəzurda aparılan genişmiqyaslı yenidənqurma işləri, Böyük Qayıdış prosesinin başlanması, yeni iqtisadi və nəqliyyat xəritəsinin qurulması Azərbaycanı bölgənin aparıcı gücü kimi daha da möhkəmləndirdi. Prezident İlham Əliyevin sülh təşəbbüsləri, regional əməkdaşlıq modelləri və beynəlxalq platformalarda sərgilədiyi fəal diplomatik mövqe müharibədən sonrakı dövrdə də ölkəmizin nüfuzunu artırdı.

Bütün bu proseslər göstərir ki, Prezident İlham Əliyevin rəhbərliyi ilə əldə olunan Zəfər təkcə bir hərbi nəticə deyil, milli iradənin, dövlətçinin uzaqgörən siyasətinin və güclü liderliyin möhtəşəm təcəssümüdür. Bu Qələbə Azərbaycan dövlətçiliyinin tarixinə qızıl hərflərlə yazılmış bir dönəm kimi düşmüşdür və Prezident İlham Əliyevin apardığı ardıcıl siyasət sayəsində bu gün ölkəmiz daha qüdrətli, daha nüfuzlu və daha dayanıqlı inkişaf yolundadır.

Sahib Şükürov

YAP Göyçay rayon təşkilatının sədri

Paylaş:

Baxılıb: 380 dəfə