Etibarlı beynəlxalq tərəfdaş

Bakı:

32 °C

43 %

6 m/s

Əlaqə

AZ RU EN

Ana səhifə / YAP xəbərləri / Etibarlı beynəlxalq tərəfdaş

Etibarlı beynəlxalq tərəfdaş

06.03.2026 [15:41]

Martın 3-də Bakı Konqres Mərkəzində Cənub Qaz Dəhlizi Məşvərət Şurası çərçivəsində nazirlərin 12-ci və Yaşıl Enerji Məşvərət Şurası çərçivəsində nazirlərin 4-cü iclasları keçirilib. Azərbaycan Respublikasının Prezidenti İlham Əliyev tədbirdə iştirak edərək geniş və məzmunlu çıxış edib. Bu toplantı Azərbaycanın enerji siyasətində strateji mövqeyini bir daha nümayiş etdirən mühüm beynəlxalq platforma kimi yadda qalıb.

Prezident İlham Əliyev çıxışında Cənub Qaz Dəhlizinin Avropanın enerji təhlükəsizliyinin təmin olunmasında oynadığı rolu xüsusi vurğulayıb. Bildirilib ki, Azərbaycan etibarlı tərəfdaş kimi qaz təchizatını davamlı və sabit şəkildə həyata keçirir. Enerji bazarlarında müşahidə olunan dəyişikliklər fonunda ölkəmizin təşəbbüsləri regional və qlobal əməkdaşlıq baxımından mühüm əhəmiyyət daşıyır.

Dövlət başçısı qeyd edib ki, Cənub Qaz Dəhlizi artıq uğurla fəaliyyət göstərən və bir çox ölkələrin enerji təhlükəsizliyinə töhfə verən strateji layihədir. Bu dəhliz yalnız iqtisadi deyil, həm də siyasi sabitlik və qarşılıqlı etimad platformasıdır.

Çıxışda Azərbaycanın bərpaolunan enerji sahəsində atdığı addımlar da diqqət mərkəzində olub. Prezident vurğulayıb ki, ölkəmiz yalnız ənənəvi enerji resursları ilə deyil, eyni zamanda yaşıl enerji layihələri ilə də beynəlxalq əməkdaşlığı genişləndirir. Xüsusilə külək və günəş enerjisi potensialının reallaşdırılması istiqamətində mühüm layihələr icra olunur.

Yaşıl Enerji Məşvərət Şurası çərçivəsində keçirilən 4-cü iclas Azərbaycanın enerji keçidində fəal iştirak etdiyini və regionda “yaşıl enerji mərkəzi”nə çevrilmək niyyətini göstərir. Prezident çıxışında Qarabağ və Şərqi Zəngəzurun yaşıl enerji zonası elan edilməsinin də bu strategiyanın tərkib hissəsi olduğunu bildirib.

Tədbir çərçivəsində müxtəlif ölkələrdən nazirlər və yüksək səviyyəli nümayəndələr iştirak ediblər. Bu isə Azərbaycanın enerji sahəsində etibarlı tərəfdaş kimi qəbul edildiyini bir daha sübut edir. Prezident İlham Əliyev əməkdaşlığın genişləndirilməsinin, yeni ixrac marşrutlarının və alternativ enerji layihələrinin əhəmiyyətini vurğulayıb.

Martın 3-də Bakıda keçirilən bu mühüm iclaslar Azərbaycanın enerji siyasətinin uğurlarını və gələcək hədəflərini aydın şəkildə ortaya qoydu. Prezident İlham Əliyevin çıxışı ölkənin həm ənənəvi, həm də yaşıl enerji sahəsində strateji baxışını nümayiş etdirdi. Azərbaycan bu gün təkcə enerji ixrac edən ölkə deyil, eyni zamanda enerji təhlükəsizliyi və yaşıl keçid prosesində mühüm rol oynayan etibarlı beynəlxalq tərəfdaşdır.

Çingiz İbrahimov

YAP Göyçay rayon təşkilatının əməkdaşı

Paylaş:

Baxılıb: 388 dəfə