YAP İsmayıllı rayon təşkilatında “dəyirmi masa” keçirilib

Bakı:

25 °C

69 %

10 m/s

Əlaqə

AZ RU EN

Ana səhifə / YAP xəbərləri / YAP İsmayıllı rayon təşkilatında “dəyirmi masa” keçirilib

YAP İsmayıllı rayon təşkilatında “dəyirmi masa” keçirilib

28.01.2014 [09:05]

Yeni Azərbaycan Partiyası (YAP) İsmayıllı rayon təşkilatı Bizlan kənd ərazi ilk partiya təşkilatında “dəyirmi masa” keçirilib.
Tədbiri giriş sözü ilə açan YAP Bizlan ilk partiya təşkilatının sədri Şahbəndər Əmrahıyev Prezident İlham Əliyevin hakimiyyətdə olduğu 10 il ərzində ölkəmizdə bütün sahələrdə inkişafın əldə olunduğunu, Azərbaycanın dünyanın ən sürətlə inkişaf edən ölkələrindən birinə çevrildiyini, o cümlədən, dövlətimizin beynəlxalq aləmdə, dünya birliyində mövqelərinin daha da möhkəmləndiyini önə çəkib. Ş.Əmrahıyev bu uğurların Ulu öndər Heydər Əliyev siyasi kursunun Prezident İlham Əliyev tərəfindən uğurla, parlaq şəkildə davam etdirilməsinin nəticəsində əldə edildiyini vurğulayıb.
Daha sonra çıxış edən YAP İsmayıllı rayon təşkilatının sədri Əzizə Vahabova bildirib ki, Azərbaycan son illər ərzində yerləşdiyi regionun lider dövləti olması ilə yanaşı, dünyada çox böyük nüfuz qazanıb və sürətli inkişaf edən ölkələr sırasına daxil olub. O deyib ki, Azərbaycanın inkişaf strategiyası Ümummilli lider Heydər Əliyev tərəfindən formalaşdırılıb və bu strateji kursu uğurla davam etdirən Prezident İlham Əliyev ölkənin sürətli tərəqqisini təmin edib: “2013-cü ildə də Prezidentimizin rəhbərliyi ilə Azərbaycanın dinamik inkişafı davamlı oldu. Arxada qoyduğumuz il Azərbaycan üçün xarici siyasət prioritetlərinin həyata keçirilməsi baxımından da kifayət qədər uğurlu il oldu. Bu dövrdə Azərbaycan nəinki beynəlxalq əlaqələrini daha da genişləndirdi, həmçinin, regional və dünya miqyasında ölkəmizin milli maraqlarının effektiv şəkildə təmin edilməsi istiqamətində qətiyyətli addımlar atıldı. Cənab Prezident İlham Əliyevin apardığı məqsədyönlü daxili və xarici siyasət müstəqillik və suverenlik prinsiplərinə əsaslanır. Cənubi Qafqaz iqtisadiyyatının 80 faizini təşkil edən Azərbaycan iqtisadiyyatı regionda liderdir”.
Bildirilib ki, ötən il keçirilən prezident seçkilərində Yeni Azərbaycan Partiyası tərəfindən namizədliyi irəli sürülmüş Prezident İlham Əliyev səslərin 84, 54 faizini qazanaraq növbəti 5 il üçün Azərbaycan Respublikasının Prezidenti seçilib.
Daha sonra çıxış edən Bizlan kənd orta məktəbinin direktoru Tofiq Məmmədov qeyd edib ki, məhz Azərbaycan xalqının alternativsiz lideri cənab İlham Əliyevin rəhbərliyi ilə həyata keçirilən müstəqil siyasətin nəticəsidir ki, bu gün Azərbaycan heç bir xarici qüvvədən asılı deyil, öz enerji, ərzaq və hərbi təhlükəsizliyini təmin etmək iqtidarındadır. Tədbirin sonunda partiya sıralarına yeni üzvlər qəbul olunub.
Pərviz SADAYOĞLU

Paylaş:

Baxılıb: 1288 dəfə