YAP Zəngilan rayon təşkilatında müşavirə keçirilib

Bakı:

22 °C

83 %

6 m/s

Əlaqə

AZ RU EN

Ana səhifə / YAP xəbərləri / YAP Zəngilan rayon təşkilatında müşavirə keçirilib

YAP Zəngilan rayon təşkilatında müşavirə keçirilib

09.10.2026 [12:38]

Oktyabrın 6-da Yeni Azərbaycan Partiyası (YAP) Zəngilan rayon təşkilatında Yeni Azərbaycan Partiyasının VIII Qurultayında qarşıya qoyulan vəzifələr və Prezident, Yeni Azərbaycan Partiyasının Sədri İlham Əliyevin qurultaydakı çıxışından irəli gələn məsələlərlə bağlı müşavirə keçirilib.

Əvvəlcə xalqımızın Ümummilli Lideri Heydər Əliyevin büstü önünə gül dəstələri düzülüb, xatirəsi ehtiramla yad edilib.

Tədbirdə Ulu Öndər Heydər Əliyevin və ölkəmizin ərazi bütövlüyü, suverenliyi uğrunda canlarını qurban vermiş şəhidlərimizin əziz xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Müşavirəni giriş sözü ilə Yeni Azərbaycan Partiyasının Zəngilan rayon təşkilatının sədri Natiq Quluzadə açaraq VIII Qurultayın ölkənin ictimai-siyasi həyatında mühüm hadisə olduğunu bildirib. Sədr çıxışında Prezident İlham Əliyevin qurultayda səsləndirdiyi fikirlərin yeni siyasi mərhələdə qarşıda duran prioritetləri müəyyənləşdirdiyini diqqətə çatdırıb.

Qeyd olunub ki, Azərbaycanın ərazi bütövlüyünün və suverenliyinin tam bərpasından sonra ölkə yeni inkişaf mərhələsinə qədəm qoyub və bu mərhələdə dövlətçilik, milli həmrəylik, təhlükəsizlik, iqtisadi inkişaf və Böyük Qayıdış prosesinin davam etdirilməsi əsas istiqamətlər sırasındadır.

Sədr vurğulayıb ki, Yeni Azərbaycan Partiyasının qarşısında duran əsas vəzifələrdən biri qurultayda müəyyənləşdirilən istiqamətlərin yerlərdə ardıcıl şəkildə izah edilməsi və həyata keçirilməsinə fəal töhfə verməkdir.

Sonra Milli Məclisin deputatı İmamverdi İsmayılov isə çıxış edərək VIII Qurultayın əsas mesajları barədə fikirlərini bölüşüb. Deputat qeyd edib ki, qurultayda Azərbaycanın qarşısında duran yeni vəzifələr, ölkənin regional və beynəlxalq mövqeyi, sosial-iqtisadi inkişafı və gələcək prioritetləri ilə bağlı mühüm məsələlər diqqətə çatdırılıb.

Çıxışda xüsusilə dövlətçilik ənənələrinin qorunması, milli həmrəyliyin möhkəmləndirilməsi, gənclərin ictimai-siyasi proseslərdə fəal iştirakının təmin edilməsi və müasir informasiya mühitində düzgün kommunikasiya aparılmasının əhəmiyyəti vurğulanıb.

Daha sonra müşavirədə çıxış edən digər iştirakçılar Yeni Azərbaycan Partiyasının VIII Qurultayının qarşıya qoyduğu vəzifələr, ölkədə həyata keçirilən sosial-iqtisadi layihələr, Qarabağ və Şərqi Zəngəzurda aparılan bərpa-quruculuq işləri, Böyük Qayıdış proqramı və Azərbaycanın beynəlxalq mövqeyinin möhkəmləndirilməsi barədə fikirlərini bildiriblər.

Çıxış edənlər qeyd ediblər ki, yeni mərhələdə partiya fəallarının əsas vəzifələrindən biri cəmiyyətdə baş verən prosesləri düzgün izah etmək, ictimai maarifləndirmə işini gücləndirmək və vətəndaşlarla daha səmərəli ünsiyyət qurmaqdır.

Müşavirədə həmçinin ideoloji işin müasir dövrün tələblərinə uyğun qurulmasının, xüsusilə informasiya texnologiyalarının geniş yayıldığı şəraitdə gənclərlə işin daha çevik və müasir üsullarla aparılmasının vacibliyi qeyd olunub.

Bildirilib ki, Azərbaycan dövlətinin qarşısında dayanan yeni hədəflərin reallaşdırılması bütün sahələrdə fəallıq, məsuliyyət və koordinasiyalı fəaliyyət tələb edir.

İştirakçılar VIII Qurultayda müəyyənləşdirilən prioritetlərin rayon səviyyəsində həyata keçirilməsi ilə bağlı fikir və təkliflərini səsləndirib, qarşıda duran vəzifələr ətrafında geniş müzakirələr aparıblar.

Müşavirənin sonunda bildirilib ki, Yeni Azərbaycan Partiyasının hər bir üzvü və fəalı yeni mərhələdə qarşıya qoyulan vəzifələrin icrasına öz töhfəsini verməli, dövlətçilik və milli maraqlar ətrafında həmrəyliyi daha da gücləndirməlidir.

Tədbirin sonunda Yeni Azərbaycan Partiyasının Himni səsləndirilib.

Paylaş:

Baxılıb: 61 dəfə