Saatlı seçiciləri Əhliman Əmiraslanova səs verəcəklər

Bakı:

24 °C

57 %

6 m/s

Əlaqə

AZ RU EN

Ana səhifə / YAP xəbərləri / Saatlı seçiciləri Əhliman Əmiraslanova səs verəcəklər

Saatlı seçiciləri Əhliman Əmiraslanova səs verəcəklər

15.10.2015 [10:25]

Yeni Azərbaycan Partiyasının 65 saylı Saatlı-Sabirabad-Kürdəmir Seçki Dairəsindən Milli Məclisə namizədi Əhliman Əmiraslanov Saatlı rayonunun Varxan kəndində seçicilərlə görüşüb
Yeni Azərbaycan Partiyasının (YAP) 65 saylı Saatlı-Sabirabad-Kürdəmir Seçki Dairəsindən Milli Məclisə seçkilərdə namizədi Əhliman Əmiraslanov seçiciləri ilə növbəti görüşünü Saatlı rayonunun Varxan kəndində keçirib. Rayon sakinlərinin böyük maraq göstərdiyi görüş yüksək əhval-ruhiyyə və qələbəliklə baş tutub.
Tədbiri giriş sözü ilə açan Yeni Azərbaycan Partiyası Saatlı rayon təşkilatının sədri Lütvəli Şıxəliyev bildirib ki, Yeni Azərbaycan Partiyası yarandığı vaxtdan ölkəmizdə keçirilən bütün seçkilərdə inamlı qələbə qazanıb. Ulu öndər Heydər Əliyev tərəfindən əsası qoyulan Yeni Azərbaycan Partiyası hər zaman xalqa xidmət prinsipini prioritet sayıb.
O, bütün seçiciləri bir daha akademik Əhliman Əmiraslanova səs verməyə çağırıb. Sonra çıxış edən YAP-ın 65 saylı Saatlı-Sabirabad-Kürdəmir Seçki Dairəsindən Milli Məclisə namizədi Əhliman Əmiraslanovun vəkilləri də ölkəmizdə əldə olunmuş iqtisadi nailiyyətlər, həyata keçirilən uğurlu siyasət, regionların inkişafı haqqında danışıb, həmçinin akademik Əhliman Əmiraslanovun həyat və fəaliyyəti haqqında məlumat veriblər.
Yeni Azərbaycan Partiyasının 65 saylı Saatlı-Sabirabad-Kürdəmir Seçki Dairəsindən Milli Məclisə namizədi Əhliman Əmiraslanov isə çıxışına onunla görüşə gəlmiş bütün seçicilərə təşəkkürünü bildirərək başlayıb. O, daha sonra ölkəmizdə həyata keçirilən siyasətin uğurlu nəticələrindən danışıb. Akademikin sözlərinə görə, əsası xalqımızın Ümummilli lideri Heydər Əliyev tərəfindən qoyulan və bu gün Prezident İlham Əliyevin davam etdirdiyi siyasi kurs Azərbaycana çox böyük uğurlar qazandırıb.
YAP-ın 65 saylı Saatlı-Sabirabad-Kürdəmir Seçki Dairəsindən Milli Məclisə namizədi Əhliman Əmiraslanov yenidən millət vəkili seçiləcəyi təqdirdə görəcəyi işlərdən də danışıb.
Sonra seçicilər çıxış edərək qeyd ediblər ki, bu illər ərzində Əhliman Əmiraslanov həmişə seçicilərinin dərdinə şərik olub. Mütəmadi olaraq seçiciləri ilə görüşlər keçirib, insanları narahat edən məsələlərin həllində onlara yaxından kömək göstərib. Görüşə toplaşanlar vurğulayıblar ki, Ə.Əmiraslanov dəfələrlə ağır xəstəliyi olan seçicilərin cərrahi əməliyyatını təşkil edib, aztəminatlı ailələrə köməyini əsirgəməyib. Görüşdə seçicilərin mövqeyi eyni olub - onlar birmənalı olaraq qarşıdan gələn parlament seçkilərində də öz deputatları Əhliman Əmiraslanova səs verəcəklərini deyərək ona uğurlar arzulayıblar.

Paylaş:

Baxılıb: 834 dəfə