Fəxrəddin Vəliyev: Prezident İlham Əliyevin təşəbbüsünün dəstəklənməsi dövlətimizin beynəlxalq aləmdə böyük diplomatik uğurudur

Bakı:

22 °C

59 %

3 m/s

AZ RU EN

Ana səhifə / YAP xəbərləri / Fəxrəddin Vəliyev: Prezident İlham Əliyevin təşəbbüsünün dəstəklənməsi dövlətimizin beynəlxalq aləmdə böyük diplomatik uğurudur

Fəxrəddin Vəliyev: Prezident İlham Əliyevin təşəbbüsünün dəstəklənməsi dövlətimizin beynəlxalq aləmdə böyük diplomatik uğurudur

30.07.2020 [10:06]

“Azərbaycan hər zaman qlobal çağırışlara öz töhfəsini verib, həmçinin pandemiya ilə mübarizədə qlobal həmrəyliyin nümunəsini göstərib. Belə ki, dövlətimiz tərəfindən Ümumdünya Səhiyyə Təşkilatına 10 milyon ABŞ dolları həcmində könüllü ianə ayrılıb, 30-dan artıq dövlətə humanitar yardım göndərilib”.
Bu fikirləri Yeni Azərbaycan Partiyası (YAP) Şəmkir rayon təşkilatının sədri Fəxrəddin Vəliyev deyib.
F.Vəliyev bildirib ki, Prezident İlham Əliyevin BMT Baş Assambleyasının COVID-19-a qarşı mübarizəyə həsr olunmuş xüsusi sessiyasının keçirilməsi təşəbbüsünün dünyanın 130-dan çox dövləti tərəfindən dəstəklənməsi dövlətimizə və onun başçısına beynəlxalq miqyasda olan ehtiramın göstəricisidir. Bu məsələdə eyni zamanda, Prezident İlham Əliyevin beynəlxalq aləmdəki nüfuzu, şəxsiyyəti böyük rol oynayır. Başqa sözlə desək, dünyanın 130-dan çox dövlətinin BMT Baş Assambleyasının xüsusi sessiyasının təşkil olunması təşəbbüsünü dəstəkləməsi dövlətimizin beynəlxalq aləmdə böyük diplomatik uğurudur.
“Qoşulmama Hərəkatının Sədri kimi Prezident İlham Əliyevin təşəbbüsü ilə 2020-ci il mayın 4-də keçirilən Qoşulmama Hərəkatının “COVID-19-a qarşı birlikdəyik” mövzusunda onlayn Zirvə görüşü zamanı irəli sürülən BMT Baş Assambleyasının xüsusi sessiyasının təşkil olunması təşəbbüsü reallığa çevrilib. Qoşulmama Hərəkatının onlayn Zirvə görüşündə Prezident İlham Əliyev koronavirus pandemiyasının bütün dünya dövlətlərinə mənfi təsir göstərdiyini xatırladaraq, bu bəlanın və onun fəsadlarının aradan qaldırılması Hərəkata üzv dövlətlərin və bütün bəşəriyyətin qarşısında duran ən vacib problem olduğunu vurğuladı. Dövlət başçısı qlobal həmrəyliyin nümunəsi kimi, pandemiya ilə mübarizə məqsədilə BMT Baş Assambleyasının dövlət və hökumət başçıları səviyyəsində videokonfrans vasitəsilə xüsusi sessiyasının keçirilməsi təklifini də irəli sürdü. Koronavirus infeksiyası bütün bəşəriyyəti təhdid etməkdə davam edir. Ən inkişaf etmiş ölkələr belə bu təhlükənin qarşısında aciz durumda qalıb. Bu baxımdan, Azərbaycan Prezidentinin təşəbbüsü olduqca aktualdır. İnanırıq ki, dünya dövlətlərinin birliyi və məsuliyyəti sayəsində bu qlobal bəladan qısa zamanda qurtulacağıq”, - deyə təşkilat sədri vurğulayıb.

Paylaş:

Baxılıb: 625 dəfə