Heydər Əliyev
yeni azerbaycan logo

Ana səhifə / YAP xəbərləri / Həsən Şirinov: Laçın rayonunun azad edilməsi Müzəffər Ali Baş Komandanın qətiyyətinin, Ordumuzun qüdrətinin göstəricisidir

Həsən Şirinov: Laçın rayonunun azad edilməsi Müzəffər Ali Baş Komandanın qətiyyətinin, Ordumuzun qüdrətinin göstəricisidir

10.12.2020 [09:11]

“Noyabrın 10-da imzalanmış üçtərəfli Bəyanatın tələblərinə uyğun olaraq dekabrın 1-də Laçın rayonu da Ermənistanın işğalçı silahlı qüvvələrindən təmizlənərək Azərbaycana qaytarıldı. Bununla da, Azərbaycan ərazi bütövlüyünü tam bərpa etdi. Ağdam və Kəlbəcərdən sonra Laçın rayonunun azad edilməsi müzəffər Ali Baş Komandanın qətiyyətinin, Ordumuzun qüdrətinin göstəricisidir. Bu uğurların hər biri Azərbaycan tarixinə qızıl hərflərlə həkk olunacaq”. Bu fikirləri qəzetimizə açıqlamasında Yeni Azərbaycan Partiyası (YAP) Goranboy rayon təşkilatı Gənclər Birliyinin sədri Həsən Şirinov deyib.
H.Şirinov bildirib ki, güclü Azərbaycan Ordusunun zərbələri nəticəsində darmadağın olan düşmən Kəlbəcər, Ağdam və Laçın rayonlarını tərk etməyə məcbur oldu. Bir güllə belə atılmadan geriyə qaytarılan tarixi ərazilərimiz həm də siyasi arenadakı mütləq qalibiyyətimizin göstəricisidir. “Biz bu tarixi qələbəni döyüş meydanında qazandıq. Bu sevinci bizə yaşatdığı üçün Ali Baş Komandan İlham Əliyevə və qəhrəman hərbçilərimizə minnətdarıq. Bu qələbədən sonra 1 milyondan çox insanın məcburi köçkün həyatına son qoyulur. Artıq onların doğma yurdları azaddır və bu insanlar öz torpaqlarına qayıdacaqlar. Dövlətimiz tərəfindən həmin torpaqlarda böyük quruculuq işləri həyata keçiriləcək və həmin insanlar öz yurdlarında firavan həyat sürəcəklər”, - deyə H.Şirinov qeyd edib.
MÜŞFİQƏ

Paylaş:
Baxılıb: 669 dəfə

Xəbər lenti

Hamısına bax

YAP xəbərləri

Xəbər lenti

Gündəm

Sosial

MEDİA

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31