Xocalı soyqırımı qurbanlarına vəfa borcumuz sonsuzdur

Bakı:

22 °C

59 %

11 m/s

Əlaqə

AZ RU EN

Ana səhifə / YAP xəbərləri / Xocalı soyqırımı qurbanlarına vəfa borcumuz sonsuzdur

Xocalı soyqırımı qurbanlarına vəfa borcumuz sonsuzdur

27.02.2021 [09:29]

Elmar Məmmədov

Yeni Azərbaycan Partiyası Gənclərlə iş qrupunun rəhbəri

Azərbaycanın tarixində şanlı qələbələrlə yanaşı, hüznlü günləri də az olmayıb. Tariximizə faciə kimi daxil olan bu günlər kiçikdən böyüyə hər birimizin ürəyində dərin yaralar açıb desək, yanılmarıq. Xalqımızın başına gətirilən belə müsibətlərdən biri də yaxın tariximizə soyqırımı kimi daxil olmuş Xocalı faciəsidir. Erməni qəsbkarlarının Xocalıda əliyalın insanlara qarşı törətdikləri vəhşiliklər əlbəttə ki, faciədən daha çox soyqırımıdır. Xocalı soyqırımı nəinki azərbaycanlılara bütövlükdə insanlığa qarşı törədilmiş bəşəri cinayət, XX əsrin silinməz ləkəsidir.

Məlum olduğu kimi, ermənilər tarixən təkcə bizlərə qarşı deyil, bütün türk dünyasına qarşı torpaq iddiaları ilə çıxış etmişlər. Bu tarix heç bir sözün ifadə edə bilmədiyi bir anlama şahidlik edən, bəşəriyyətin zamanın sonunadək ən böyük utanc duyacağı dəhşətlərin, foto və videolentlərini görənlərin baş verdiyinə inanmaq istəmədiyi faciənin tarixin yaddaşına qara hərflərlə yazdığı bir gündür. Həmin gün insanlıqdan çıxmış, qandan bəslənən murdar qonşularımız qanlı havadarlarının köməyi ilə Azərbaycan türklərinə, xocalılara qarşı növbəti insanlıq dramı yaşatdılar. Erməni terror birləşmələri Rusiyaya məxsus 366-cı motoatıcı diviziya ilə birlikdə 7 min əhalisi olan Xocalı şəhərinə hücum etdilər. Köməksiz vəziyyətdə qalmış insanlara qarşı xüsusi qəddarlıq və amansızlıqla soyqırım aktı törətdilər.

Dünyada qəbul olunmuş beynəlxalq konvensiyalar, ümumbəşəri qanunlar Xocalı qətliamı kimi soyqırımları pisləyir, yolverilməz olduğunu bildirir. Dünya artıq qəbul edir ki, Xocalı faciəsi təkcə Azərbaycan xalqına qarşı deyil, həm də bütün bəşəriyyətə qarşı yönəldilmiş cinayətdir. Bu cinayət cəzasız qalmamalıdır. Ermənistanın hərbi-siyasi təcavüzü dünya ictimaiyyəti tərəfindən ittiham edilməlidir. Beynəlxalq təşkilatlar, dünya dövlətlərinin parlamentləri Ermənistan Respublikasının Azərbaycan torpaqlarında törətdiyi hərbi cinayətə - Xocalı faciəsinə əsl soyqırımı hadisəsi kimi beynəlxalq siyasi-hüquqi qiymət verməlidirlər.

Artıq o gün gəldi ki, Ermənistan otuz iki ildən bəri Azərbaycan xalqına gətirdiyi faciələrin və torpaq işğalının bədəlini ödədi. Əliqanlı qatillər döyüş meydanında Azərbaycan əsgərinin “dəmir yumruğ”u ilə Xocalıda törətdikləri vəhşiliklərə görə cavab verdilər. 44 gün davam edən müharibədə qalib gələn Azərbaycan Ordusu Ermənistan silahlı birləşmələrini darmadağın etməklə 29 il bundan əvvəl qətlə yetirilən 613 Xocalı sakininin qisasını aldı. Şanlı Vətən müharibəsində XXI əsrin müharibəsinin döyüş taktika və strategiyasını çaldığı zəfərlə nümayiş etdirən Azərbaycan Ordusu havadarları hesabına Xocalıda qətliam törədən erməni vəhşilərini it kimi qovdu. Bir gündə Xocalını qana boyayan, şəhəri yandırıb külə döndərən erməni vəhşiləri Ali Baş Komandan İlham Əliyevin bu sözlərini heç vaxt unutmayacaqlar: «44 günlük müharibənin hər bir günü zəfər günü idi. Hər gün biz qabağa gedirdik. Bir gün belə geri addım atmadıq. Bu, müharibələrdə çox nadir hallarda müşahidə edilən bir mənzərədir.»

Bəli, Prezident, Ali Baş Komandan İlham Əliyevin, Heydər Əliyev Fondunun Xocalı həqiqətlərinin beynəlxalq ictimaiyyətə çatdırılması istiqamətində apardıqları təbliğatı döyüş meydanında, düşməni təslimçiliyə məcbur etməklə davam etdirən, «qana-qan» deyən Azərbaycan əsgərlərinin işğaldan azad edilmiş ərazilərdə dalğalandırdıqları üçrəngli bayraqlarımız soyqırımı qurbanlarına xalqımızın vəfa borcudur. Ancaq qisas bununla bitmir. İnşallah Xocalıda vəhşilik edənlərin hamısı haqlı cəzalarına yetişəcəklər. Buna az qalıb. Biz Azərbaycan gəncləri olaraq erməni vandallarının bu antiinsani əməllərini heç vaxt unutmamalı, soyqırımı qurbanlarının xatirəsini daim uca tutmalıyıq.

Paylaş:

Baxılıb: 743 dəfə