Heydər Əliyev
yeni azerbaycan logo

Ana səhifə / YAP xəbərləri / YAP “Yedinaya Rossiya” Partiyasının 20 illik yubileyinə həsr olunan videokonfransda təmsil olunub

YAP “Yedinaya Rossiya” Partiyasının 20 illik yubileyinə həsr olunan videokonfransda təmsil olunub

01.12.2021 [17:29]

Dekabrın 1-də Rusiyanın “Yedinaya Rossiya” Partiyasının 20 illik yubileyinə həsr olunan “XXI əsrin qlobal çağırışları: partiyalararası ölçü” mövzusunda videokonfrans keçirilib.

Asiya, Avropa, Afrika və Latın Amerikası ölkələrinin aparıcı siyasi partiyalarının rəhbər şəxslərinin iştirak etdiyi tədbirdə Yeni Azərbaycan Partiyası Sədrinin müavini, Azərbaycan Respublikası Baş nazirinin müavini Əli Əhmədov çıxış edib.

Əli Əhmədov əvvəlcə Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin yubiley münasibətilə “Yedinaya Rossiya” Partiyasının sədri, Rusiya Federasiyası Təhlükəsizlik Şurasının sədrinin  müavini Dmitri Medvedyevə ünvanladığı təbrik məktubunu səsləndirib.

Videokonfransda çıxış edən Ə.Əhmədov qlobal təhlükələrə qarşı mübarizənin ən səmərəli yolunun beynəlxalq əməkdaşlıq çərçivəsində olduğunu qeyd edib. Onun sözlərinə görə, XXI əsrin qlobal çağırışlarına münasibətdə partiyalararası dialoq zəruri konsensusa və beynəlxalq əməkdaşlığa nail olmaq üçün yaxşı vasitə ola bilər.

COVİD-19 pandemiyası ilə mübarizə sahəsində Azərbaycanda yetkin əhalinin 80 faizinin peyvənd olunduğunu nəzərə çatdıran Ə.Əhmədov Azərbaycanın işğaldan azad olunmuş ərazilərində aparılan bərpa, yenidənqurma və regionda daimi sülhün təmin olunması istiqamətində görülən işlərdən geniş bəhs edib.

Qeyd edək ki, videokonfransa YAP Mərkəzi Aparatının 20 nəfər əməkdaşı qoşulub.

 

Paylaş
Baxılıb: 197 dəfə

Xəbər lenti

Hamısına bax

Siyasət

Siyasət

Sosial

Xəbər lenti

Yeni texnologiyalar

Xəbər lenti

Siyasət

Müsahibə

Xarici siyasət

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31