Heydər Əliyev
yeni azerbaycan logo

Ana səhifə / Xəbər lenti / Onlar susurlarsa...

Onlar susurlarsa...

25.11.2022 [10:57]

Bu gün Qadın Zorakılığına Qarşı Beynəlxalq Mübarizə Günüdür

Səidə RƏHİMLİ

Qadınların cəmiyyətdəki rolu danılmazdır. Onlar həm bizləri yetişdirən ana, həm qayğımıza qalan yoldaş, həm də üzümüzü güldürən övladdırlar. Bir sözlə, qadınlar dünyamızı gözəlləşdirən, bizi biz edən varlıqlardır.

Çox təəssüf ki, dünyanın bir çox yerində dəyərli varlıqlarımız olan qadınlara yersiz bəhanələrin arxasına sığınaraq zorakılıq tətbiq edilir. Qadınlara qarşı haqsız yerə törədilən fiziki, psixoloji, sosial və cinsi zorakılıqlar bitmək bilmir. Hər gün mediadan qadına qarşı edilən zorakılıqlarla bağlı onlarla xəbər alırıq. Zorakılığa məruz qalmış qadının yaşadığı çarəsizliyi təsəvvür etmək belə çətin gəlir. Belə canilər dövlətimiz tərəfindən ən ağır şəkildə cəzalandırılırlar. Bəs zorakılığa məruz qalan, amma qorxub susan qadınlar? Onlara bunu edənlər nəyə görə cəzasız qalmalıdır?

Çox yaxını və ya heç tanımadığı şəxslər tərəfindən fiziki, psixoloji, sosial və cinsi zorakılığa məruz qalan qadınlar özlərini susmağa məcbur hiss edirlər. Onları susmağa məcbur edən səbəblər isə dəhşətlidir:

* maddi vəziyyətinin yaxşı olmaması - “susmayıb danışsam, məni evdən atsalar, nə edərəm?” - deyə düşünərək zorakılığa dözməli olurlar;

* ailədə və ya cəmiyyətdə rüsvay olması, el qınağı, xəcalət hissi - təəssüf ki, el qınağı bizi bir çox məsələdə geri salır və zorakılığa məruz qalmış qadınları da susmağa vadar edir;

* uşaqlar - analar onlar üçün hər cür çətinliyə sinə gərir və zorakılıqlara susmaq məcburiyyətində qalırlar. Analar övladlarına zərər gəlməsin deyə hər an canlarından keçməyə hazırdırlar;

* valideyn və ya yaxınlarının dəstək olmaması - hər qızın atası onun ilk qəhrəmanıdır. Amma bəzən bu qəhrəmanlar özləri nağılın düşmən obrazlarına çevrilirlər. “Ərindi, susmalısan”, “Ər evindən bundan sonra ancaq ölün çıxa bilər” - bunlar bir valideynin qurmalı olduğu cümlələr deyil. Heç bir qızın ilk qəhrəmanı belə dəyişməməlidir.

Bu səbəblər sırasında olan inamsızlıq, cəsarətsizlik, çarəsizlik - hər biri onları dözməyə və susmağa məcbur edir. Əsas da cinsi zorakılığa məruz qalan qadınların əksəriyyəti susmadıqları zaman bəzi “insanlar” tərəfindən mütləq günahlandırılırlar. Buna görə də cinsi zorakılığa məruz qalan qadınlar çox vaxt özlərinə qəsd edirlər.

Dinimizdə qadınlara verilən dəyər aşkardır: cənnət qadınların ayaqları altındadır. Bəs bu canilər qadınların cəmiyyətdəki rolunu, dinimizdə onlara verilən bu dəyəri niyə göz ardı edirlər? Onları əzməyə çalışaraq nə qazanırlar?

Qlobal problem olan qadın zorakılığına ictimaiyyətin diqqətini çəkmək, hökumət, beynəlxalq və qeyri-hökümət təşkilatlarını bu mövzuda müxtəlif tədbirlərin görülməsinə çağırmaq məqsədilə BMT-nin Baş Assambleyası 1999-cü ildən 25 noyabr tarixini Qadın Zorakılığına Qarşı Beynəlxalq Mübarizə Günü olaraq elan etdi. Azərbaycanda qadın zorakılığının qarşısının alınması ilə bağlı bir çox tədbirlər həyata keçirilir.

Zorakılığa məruz qalan hər bir qadın hüquqlarından xəbərdar olmalı, bu zaman kimə və hara müraciət edəcəyini bilməlidir. Qadınlarımız zorakılıqla üzləşən zaman ya müvafiq hüquq-mühafizə orqanına, ya Daxili İşlər Nazirliyinin 102 qaynar xəttinə müraciət etməli və yaxud da “mia.gov.az” saytına daxil olub onlayn şəkildə müraciət etməlidir. Ailə, Qadın və Uşaq Problemləri üzrə Dövlət Komitəsinin (012) 498 00 92 nömrəsinə də zəng etmək mümkündür.

Qadın zorakılığına qarşı olan bütün çıxışlarda tək bir şüar var - “Qadınlar, susmayın”. Susmayın ki, zorakılıq törədənlər cəzalandırılsın. Hər birinizin təhlükəsiz, zorakılıq olmayan həyatda yaşamaq hüququ var. Heç kimin bunu əlinizdən almasına icazə verməyin. Burada bizlərin də öhdəsinə mühüm bir vəzifə düşür: ətrafımızda şahid olduğumuz heç bir zorakılığa qarşı biganə qalmayaq. Onlar susursa, biz onların səsi olaq!

Paylaş:
Baxılıb: 171 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Daha 39 casus

01 Fevral 12:06  

Xarici siyasət

Analitik

Sosial

Xəbər lenti

Siyasət

Dördüncü səfər...

01 Fevral 10:18  

Xəbər lenti

Tariflər yeniləndi

31 Yanvar 16:53

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28