Rediküllərin şərçi dəstəsi...

Bakı:

21 °C

59 %

2 m/s

Əlaqə

AZ RU EN

Ana səhifə / Xəbər lenti / Rediküllərin şərçi dəstəsi...

Rediküllərin şərçi dəstəsi...

13.10.2023 [11:36]

Sosial şəbəkələrdə Fransanı və Ermənistanı müdafiə etmək tapşırığı alıb

2020-ci il Vətən müharibəsi dövründə, eləcə də, 2023-cü il antiterror tədbirləri vaxtı Azərbaycan xalqı və dövləti ilə birgə olmağı bacarmayan, xalqa qarşı cəbhə açan redikül müxalifət bu gün də antimilli mahiyyətini davam etdirir. İndiki mərhələdə dağıdıcı rediküllərin əsas hədəfi sülh prosesidir - Azərbaycanın diplomatik masada qazandığı üstünlük, aparılan uğurlu xarici siyasət nəticəsində erməni yalanlarının ard-arda ifşası redikülləri “hərəkətə gətirib”.

Əslində bu cür prosesin başlayacağı gözlənilən idi. Bütün hallarda Ermənistanı və onun havadarlarını, ən əsası da Fransanı “qorumaq” üçün canfəşanlıq göstərən rediküllər budəfəki fürsəti də qaçıra bilməzdilər - onlar üçün yeni qazanc fürsəti yaranıb. AXCP sədri Əli Kərimlinin başçılıq etdiyi “Fransanı müdafiə dəstəsi” yenidən iş başındadır. Sosial şəbəkələrdə adı heç kimə bəlli olmayan, amma özünü “siyasətçi” profili ilə qələmə verən Kərimlinin paydaşları Fransanı müdafiə edir, Azərbaycanı Qranada görüşündən imtina etdiyi üçün hədəfə alır, Ermənistanın Bişkek görüşündə iştirak etməməsinə isə haqq qazandırırlar. “Arqumentlər” isə dəyişməzdir - guya biz “qlobal məkandan qaçırıq”. Maraqlıdır ki, antimilli xarakterli satqınlar dəstəsi bu kimi fikirləri “ixrac” edərkən bir anlıq da olsun milli maraqları düşünürlərmi? Onlar üçün əsas olan maddi gəlirdir - bu bəllidir, amma Ermənistanın siyasi oyunlarına haqq qazandırmaq üçün dəridən-qabıqdan çıxan birisi hansı mənəvi haqla adını azərbaycanlı qoya bilər, özünü azərbaycanlı saya bilər? Əli Kərimlinin nəzarətində olan sosial şəbəkə dəstəsinin yaxdığı şərlər və ya postların məzmununa diqqət yetirdikdə, qonların hamısının bir “qəlibdən” çıxdığını görməmək mümkün deyil. Bu postlarda, şərhlərdə yer alan “fikirlər” isə təəssüf ki, sosial şəbəkələrin erməni seqmentinin də ən “sevimli mövzularıdır”. Başqa sözlə, direktivlərin eyni “siyasi mətbəxdə” hazırlanması şübhəsizdir.

Əli Kərimlinin “şərçi dəstəsi”nin ən fəallarından olan Tofiq Yaqublu isə bir az da qabağa gedərək Vivek Qanapati Ramasvaminin ermənilərin Gəncə və Bərdəyə atdığı raketlərin çoxsaylı insan ölümünə səbəb olduğunu göstərən videokadrlara istinad edərək, bunu Azərbaycanın ermənilərə qarşı etdiyi iddiası ilə bağlı onu müdafiə edib - bildirib ki, “həmin görüntülərə görə onu qınamaq absurddur”. Sən demə burada Ramasvamilik “bir iş yox imiş” - günah proqramın təşkilatçılarının məsuliyyətsizliyindən ibarət imiş. Tofiq Yaqublunun “düşüncəsinə” görə, burada hər hansı bir qəsd yoxdur - yəni, ortada erməni barmağı yoxdur. Bəs belədirsə, niyə Ramasvami çıxıb təkzib vermədi, Azərbaycan xalqından, Gəncədə və Bərdədə ermənilərin qana boyadığı günahsız insanların yaxınlarından, xalqından üzr istəmədi? Demək ki, məsələ qəsddir - Tofiq Yaqublunun Ramasvamini, Əli Kərimlinin Makronu, Paşinyanı müdafiə etdiyi qədər qəsddir...

MƏNSUR

Paylaş:

Baxılıb: 424 dəfə