Milli maraqlarımızın müdafiəsi...

Bakı:

26 °C

60 %

10 m/s

Əlaqə

AZ RU EN

Ana səhifə / MEDİA / Milli maraqlarımızın müdafiəsi...

Milli maraqlarımızın müdafiəsi...

22.02.2025 [10:36]

Gənclər arasındakı təbliğat qənaətbəxşdir

İctimai və dövlət maraqları müdafiə olunmasa, ölkənin suverenliyi və təhlükəsizliyi təhdid altına düşmüş olar. Bu maraqlarının qorunması hər bir cəmiyyətin başlıca məqsədlərindən biridir. Çünki hər iki amil bütöv bir toplum üçün həyati əhəmiyyət kəsb edir. Bu baxımdan, ictimai və dövlət maraqlarının müdafiəsi məsələləri daim aktuallığını qoruyur.

Dövlət maraqlarının, ictimai və milli maraqların təmin olunması məsələsi bizim üçün hər zaman ən qabaqcıl yerdə dayanır. Daha dəqiq desək, Azərbaycanda bu məsələ həmişə olduğu kimi, indi də prioritetdir. Onu da unutmaq lazım deyil ki, milli maraq Azərbaycan xalqının fundamental dəyər və məqsədlərini özündə birləşdirir. Bütün dünya ictimaiyyəti üçün sirr deyil ki, Azərbaycan cəmiyyəti ictimai maraq və dövlət marağı məfhumlarının mahiyyətini dərk edən, formalaşmış bir cəmiyyətdir.

İdeal cəmiyyətin formalaşması üçün...

Mövzu barədə fikirlərini “Yeni Azərbaycan”la bölüşən Milli Məclisin Hüquq siyasəti və dövlət quruculuğu komitəsinin üzvü Kamran Bayramov bildirib ki, ölkəmiz bəşəri və milli dəyərləri nəzərə alan, qoruyan və geniş miqyasda təbliğ edən ölkədir: “Xalqımızın dəyərləri, insan, cəmiyyət və dövlətin tərəqqisini təmin edən siyasi, iqtisadi, sosial və digər tələbatları ictimai və milli maraqlar məcmusudur. Azərbaycan cəmiyyəti yetkin bir cəmiyyətdir, ictimai maraq və dövlət marağı məfhumlarının mahiyyətini dərk edir, eləcə də bu mövqeyi ictimai, siyasi münasibətlərdə və dövlətlə əlaqələrində nümayiş etdirməyi bacarır. Məhz ideal cəmiyyətin formalaşması üçün həm dövlətin mənafeyinə zərər gəlməməsi, həm ictimai maraqların təmin edilməsi, həm də ortaq maraqların müəyyənləşdirilməsi tələb olunur. Ölkəmizdə belə bir mühitin formalaşdığının hər kəs şahididir”.

Hər kəs Vətən anlayışına həssas yanaşmalıdır

Deputatın sözlərinə görə, dövlətimiz ictimai asayişi təmin etdiyi, maraqlarımızı hər zaman qoruduğu kimi, vətəndaşlar da Vətənə bağlı olmalı, bu bağlılığı qətiyyən itirməməlidirlər: “Yalnız ölkə daxilində yaşayan vətəndaşlarımız deyil, ölkəmizin hüdudlarından kənarda olar həmvətənlərimiz özləri də Vətən anlayışına həssas yanaşmalı, Vətənlə bağlarını qətiyyən itirməməlidir. Yeri gəldiyi zaman ölkəmizin hüdudlarından kənarda yaşayan həmvətənlərimiz yaşadıqları, məskunlaşdıqları ölkələrdə Azərbaycan həqiqətlərinin çatdırılmasında səy və bacarıqlarını ortaya qoymalıdırlar və var güclərini buna sərf etməlidirlər. Bununla yanaşı həm ölkəmizdə yaşayan azərbaycanlılar, həm də ölkəmizin sərhədlərindən kənarda, xarici ölkələrdə olan həmvətənlərimiz daim öz övladlarını Vətənə bağlı olaraq yetişdirməlidirlər”.

Maarifləndirmə işi uğurla aparılıb

K.Bayramov qeyd edib ki, məhz 44 günlük savaşda torpaqlarımızın işğaldan azad edilməsi zamanı bir daha əmin olduq ki, vətəndaşlarımız ictimai və dövlət maraqlarının qorunmasına həssas yanaşırlar: “Həmin maraqlar uğrunda canından keçən oğullarımızın olması bunu bir daha təsdiq etdi. Azərbaycan xalqının oğul və qızları milli, ictimai və dövlət maraqları naminə vuruşmağa, bu yolda canını belə fəda etməyə qadirdirlər. Bu isə onu deməyə əsas verir ki, milli maraqlar, ictimai və dövlət maraqlarının qorunmasının vacibliyi istiqamətində ölkəmizdə davamlı şəkildə maarifləndirmə işi uğurla aparılıb və vətənpərvərlik ideologiyasının gənclər arasında təbliğatı yönündə nəticələr də qənaətbəxşdir. Belə məlum olur ki, xalqımıza, dövlətimizə, bizə məxsus olanın müdafiəsi, mühafizəsi üçün milli maraqların, ictimai və dövlət maraqlarının qorunması, təbliğatı bundan sonra da uğurla aparılmalıdır. İstər orta məktəbdə, istər ali məktəbdə, istərsə də hər hansı təhsil ocağında gənclərin vətənpərvərlik ruhunda tərbiyə alması, milli maraqların, ictimai və dövlət maraqlarının qorunması barədə kifayət qədər təbliğatn aparılması, bu istiqamətdə maarifləndirmənin həyata keçirilməsi öz aktuallığını qoruyur. Məhz elə bu təbliğat və maarifləndirmə, övladların vətənpərvərlik ruhunda tərbiyə edilməsi sayəsində Azərbaycan gəncləri Vətənin ərazi bütövlüyü uğrunda dövlət ətrafında birləşməyə, milli maraqları qorumağa hazır olublar. Bu hazırlıq bizə ən tez zamanda qələbə bəxş etdi və bütün dünya buna şahid oldu”.

Sahib

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “İctimai və dövlət maraqlarının müdafiəsi" istiqaməti üzrə hazırlanmışdır.

Paylaş:

Baxılıb: 460 dəfə