YAP Gənclər Birliyi "Sabaha inamla" layihəsi çərçivəsində ilk dəfə olaraq humanitar aksiya keçirib

Bakı:

21 °C

58 %

1 m/s

AZ RU EN

Ana səhifə / Siyasət / YAP Gənclər Birliyi "Sabaha inamla" layihəsi çərçivəsində ilk dəfə olaraq humanitar aksiya keçirib

YAP Gənclər Birliyi "Sabaha inamla" layihəsi çərçivəsində ilk dəfə olaraq humanitar aksiya keçirib

29.04.2009 [16:31]

Məqsəd ulu öndərimiz Heydər Əliyevdən qalan xeyirxahlıq ənənələrinin davam etdirilməsidir
Aprelin 28-də Yeni Azərbaycan Partiyasının Nərimanov rayon təşkilatında baş tutan tədbiri YAP-ın Gənclər Birliyinin sədri Ramil Həsənov açaraq qeyd edib ki, “Sabaha inamla” layihəsi ümummilli lider Heydər Əliyevin anadan olmasının 86-cı ildönümünə həsr olunub. Kimsəsiz, ahıl və xəstə insanlara məhz belə bir vaxtda qayğı göstərilməsinin xeyli vacib olduğunu söyləyən Gənclər Birliyinin sədri “Sabaha inamla” pilot layihəsi çərçivəsində Bakının 11 rayonunda, Sumqayıt şəhərində və Abşeron rayonunda, eləcə də, respublikanın digər bölgələrində humanitar aksiyaların keçiriləcəyini bildirib. Onun sözlərinə görə, partiyanın Gənclər Birliyinin rəhbərliyi və fəal iştirakı ilə keçiriləcək aksiyalar zamanı ahıl və kimsəsiz insanlara ərzaq və dərman preparatları paylanılacaq. Bundan başqa, iki nəfərdən ibarət qruplar bir gün ərzində əvvəlcədən müəyyənləşdirilmiş siyahı üzrə ahıl və kimsəsizlərə qulluq göstərəcək, onların ev işləri ilə məşğul olacaqlar.
Aksiyanın humanitar xarakter daşıdığını vurğulayan Ramil Həsənov aksiya zamanı fərqlənən gənclərə Yeni Azərbaycan Partiyasının diplomlarının və xüsusi pul mükafatlarının təqdim olunacağını da bildirib. Daha sonra o, Nərimanov rayonunda artıq bu aksiyanın başlandığını qeyd edib. Rayon üzrə yüzdən çox kimsəsiz və ahıl insanlara 116 nəfər YAP fəalının qayğı göstərəcəyini vurğulayan Ramil Həsənov bu cür insanlara dəstək verilməsini ulu öndərimiz Heydər Əliyevdən qalan xeyirxah ənənə kimi dəyərləndirib: “Məqsədimiz ulu öndərimiz Heydər Əliyevdən qalan xeyirxahlıq ənənələrini davam etdirməkdir”.
YAP Nərimanov rayon təşkilatının sədri Təmraz Tağıyev Yeni Azərbaycan Partiyasının qurucusu Heydər Əliyevin ölkə vətəndaşlarına, xüsusilə də, ahıl və kimsəsiz insanlara böyük diqqətlə yanaşdığını xatırladaraq bunun bütün xalqımız üçün nümunə olduğunu deyib. Humanitar aksiyaların bundan sonra da davam etdiriləcəyini vurğulayan T.Tağıyev qeyri-hökumət təşkilatlarını, eləcə də, gənclər təşkilatlarını bu aksiyaya qoşulmağa çağırıb. Daha sonra, tədbir Nərimanov rayon sakini “Yazıçı” nəşriyyatının sabiq əməkdaşı Tatyana Apişovanın mənzilində davam etdirilib. Ona ərzaq və dərman preparatlarından ibarət olan bağlama təqdim olunub. YAP-ın Nərimanov rayon Gənclər Birliyinin iki üzvü isə gün ərzində T.Apişovaya qulluq göstərib.
BAHAR

Paylaş:

Baxılıb: 1437 dəfə