Heydər Əliyev
yeni azerbaycan logo

Ana səhifə / Xarici siyasət / Böyük Britaniyadan Rusiyaya müharibə anonsu

Böyük Britaniyadan Rusiyaya müharibə anonsu

19.07.2022 [10:32]

Müharibə olacaq?

N.DİLQƏMLİ

Artıq beş aydır davam edən Rusiya-Ukrayna müharibəsi fonunda Rusiyaya qarşı aqressiya artmağa davam edir. Belə ki, Şərqi Avropada davam edən müharibə Qərblə Kreml arasında olan münasibətləri daha da gərginləşdirir. Baş verənlərin nəticəsi olaraq rəsmi Moskvanın Avropada sülh və sabitliyi təhdid etməsi səbəbilə Britaniya və müttəfiqləri Rusiyaya qarşı müharibə elan edirlər.

Bir neçə gün bundan öncə Britaniya HHQ komandanı Maykl Uiqston da öz açıqlamasında Rusiya ilə Britaniya arasında yarana biləcək hərbi toqquşmadan söz açıb. O bildirib ki, Böyük Britaniya Rusiya ilə mümkün münaqişəyə hazır olmalıdır.

M.Uiqston onu da qeyd edib ki, hərbi ssenari o halda mümkündür ki, Rusiya Britaniya ərazisinə və ya NATO üzvü olan dövlətlərdən birinə hücum etsin. HHQ komandanı çıxışı zamanı Rusiyanın bəzi Avropa ölkələri üçün də təhlükə yarada biləcəyini də deyib. 

Xarici mediada yayılan məlumatlarda bildirilir ki, Britaniya qoşunları məhz bu təhlükəyə hazır olmaq üçün artıq təlim keçir. Bununla yanaşı, London Rusiya ilə birbaşa toqquşmaya getməyəcəyinə və yalnız qaçındırma tədbirləri ilə kifayətlənəcəyinə ümid edir.

Siyasi analitiklər hesab edirlər ki, hazırda Britaniyanın Rusiyaya birbaşa olaraq hücum etməsi bir o qədər də real görünmür.

“Bundan əvvəl də müharibə haqqında bəyanatların səsləndirilməsi faktları olub. Baş verənlər ondan xəbər verir ki, Britaniya indiki çağırışlara hazırdır. Və bu, eyni zamanda, Britaniyanın Rusiya ilə birbaşa müharibəyə hazır olduğunu özündə əks etdirən mesajdır”.

Bu fikirləri “Yeni Azərbaycan” qəzetinə açıqlamasında politoloq İlqar Vəlizadə səsləndirib. Onun sözlərinə görə, iki ölkə arasında dəfələrlə fərqli səbəblərdən qarşılıqlı müharibə ittihamları olub: “Bildiyimiz kimi, Britaniya Ukraynaya silah-sursat verir. Bu da təbii ki, Rusiyanı qıcıqlandırır. Bu səbəbdən də Kreml öz bəyanatlarında Britaniyanın Ukraynaya silah yardımında çərçivələri aşacağı halda müharibənin baş verəcəyini diqqətə çatdırıb. Yəni ittihamlar, bəyanatlar qarşılıqlı səsləndirilir”.

“Britaniya-Rusiya müharibəsi NATO-Rusiya müharibəsi deməkdir. Düşünürəm ki, NATO da bu ssenarini həyata keçirməkdə ehtiyatlanır. İndiki şəraitdə Britaniya-Rusiya müharibəsi real görünmür” - deyə İ.Vəlizadə bildirib. 

Paylaş:
Baxılıb: 161 dəfə
Multi-media

Xəbər lenti

Hamısına bax

Xəbər lenti

Xəbər lenti

Sosial

Xəbər lenti

Sümük köçü

17 Avqust 10:47

İqtisadiyyat

Sosial

İqtisadiyyat

Prezident bu gün

Prezident bu gün

17 Avqust 10:15

Xəbər lenti

Neft ucuzlaşıb

16 Avqust 12:18

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31