Hacıqabul seçiciləri cənab İlham Əliyevi seçib

Bakı:

11 °C

87 %

2 m/s

Əlaqə

AZ RU EN

Ana səhifə / YAP xəbərləri / Hacıqabul seçiciləri cənab İlham Əliyevi seçib

Hacıqabul seçiciləri cənab İlham Əliyevi seçib

26.09.2013 [10:52]

YAP Hacıqabul rayon təşkilatının təbliğat-təşviqat qrupu seçicilərlə növbəti görüşünü keçirib
Yeni Azərbaycan Partiyası (YAP) Hacıqabul rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində seçicilərlə növbəti görüş rayonun Şorbaçı, I Paşalı və II Paşalı kəndlərində keçirilib.
Tədbirdə çıxış edən YAP Hacıqabul rayon təşkilatının sədri Hafiz Bəşirov partiyamızın prezidentliyə namizədi cənab İlham Əliyevin Azərbaycanın inkişafı, tərəqqisi naminə gördüyü işlərdən danışıb. YAP rayon təşkilatının sədri bildirib ki, son 10 ildə ölkə rəhbərinin xalqa verdiyi hər bir vədi konkret əməli işlə həyatda öz əksini tapıb: “Ölkə iqtisadiyyatının inkişafını qarşıya məqsəd qoyan cənab İlham Əliyevin imzaladığı regionların sosial-iqtisadi inkişafına dair Dövlət proqramları bölgələrin tərəqqisinə, işsizliyin, yoxsulluğun azaldılmasına, qeyri-neft sektorunun inkişafına mühüm zəmin yaratdı. Dövlət proqramlarının uğurlu icrası nəticəsində bir milyondan artıq yeni iş yeri açılıb. Son 10 ildə yoxsulluğun həddi minimal səviyyəyə enib. Aparılan quruculuq, abadlıq işləri, açılan müəssisələr ölkə iqtisadiyyatının inkişafına yol açmaqla yanaşı, vətəndaşların maddi rifahının da yüksəlməsinə şərait yaradıb. Ölkədə yeniliyin şahidi olan xalq həyata keçirilən siyasətin gələcəyinə böyük inam bəsləyərək, cənab İlham Əliyevi dəstəkləyir, qarşıdakı prezident seçkilərində də bir daha bu etimadı göstərərək, Azərbaycanın çiçəklənməsinə və inkişafına, qüdrətli bir dövlətə çevrilməsinə səs verəcək”.
Çıxış edən YAP Hacıqabul rayon təşkilatının Gənclər Birliyinin sədri Saleh Ələsgərov qeyd edib ki, Ulu öndər Heydər Əliyevin əsasını qoyduğu inkişafın, tərəqqinin milli-mənəvi dəyərlərimizin qorunması istiqamətində mühüm addımların atılması nəticəsində Azərbaycan çətinliklə əldə etdiyi müstəqilliyini saxladı. O, bildirib ki, əməkhaqlarının və pensiyaların müntəzəm artımı vətəndaşlarımızın sosial vəziyyətinin yüksəlişinə yol açıb: “Bu da ailələrin gəlirlərinin artmasına gətirib çıxarır. Bu faktı da qeyd etmək lazımdır ki, cənab İlham Əliyev iqtisadi inkişafın Azərbaycan modelini yaradıb. İlk dəfə olaraq Azərbaycanda sosial siyasət proqramlar üzrə həyata keçirilir. Təkcə təhsillə bağlı bir çox proqram qəbul olunub. Ona görə də, xalqımız Azərbaycanı dünyaya tanıdan liderə səs verəcəyini artıq 2003-cü və 2008-ci illərdə sübut edib və əminəm ki, 9 oktyabr prezident seçkilərində cənab İlham Əliyev növbəti dəfə Prezident seçiləcək”.
Görüşdə çıxış edən kənd sakinləri hər bir seçicini seçkilərdə fəal iştirak etməyə və cənab İlham Əliyevə səs verməyə çağırıblar.

Paylaş:

Baxılıb: 1007 dəfə