Qubadlı rayonunun gələcək inkişafı

Bakı:

24 °C

73 %

5 m/s

Əlaqə

AZ RU EN

Ana səhifə / YAP xəbərləri / Qubadlı rayonunun gələcək inkişafı

Qubadlı rayonunun gələcək inkişafı

21.10.2026 [14:33]

İntiqam Quliyev

YAP Ağdam rayon təşkilatının sədr müavini

2020-ci il sentyabrın 27-də başlayan Vətən müharibəsi Azərbaycanın ərazi bütövlüyünün bərpası yolunda dönüş nöqtəsi oldu. Müzəffər Ali Baş Komandan, Prezident İlham Əliyevin rəhbərliyi ilə Azərbaycan Ordusu cəbhənin bütün istiqamətlərində uğurlu hərbi əməliyyatlar həyata keçirdi. Rəşadətli ordumuzun qəhrəmanlığı sayəsində şəhər və kəndlərimiz bir-birinin ardınca işğaldan azad edildi, xalqımızın uzun illər davam edən torpaq həsrətinə son qoyulmağa başlandı.

44 günlük müharibəsi yenilməz Azərbayan Ordusu Müzəffər Ali Baş Komandan İlham Əliyevin rəhbərliyi ilə hər günü tariximizə Zəfər səhifəsi kimi yazaraq xalqımızı, daha da ruhlandırır, ərazi bötüvlüyümüzün bərpa olunacağına, soydaşlarımızın torpaq həsrətinə son qoyulacağına inamı artırırdı. İşğaldan azad edilən Cəbrayıl, Füzuli, Zəngilan şəhərlərinin ardınca Qubadlı şəhəri 2020-ci ilin 25 oktyabrında rəşadətli ordumuz tərəfindən mənfur düşmənlərdən təmizləndi. Qazanılan şanlı Qələbə böyük qəhrəmanlığın, şücaətin, torpaq, Vətən sevgisinin sayəsində, neçə-neçə Vətən övladlarının şəhidlik zirvəsinə ucalması ilə əldə edildi.

Qarabağ münaqişəsinin həllini 30 ilə yaxın uğursuz vasitəçilik missiyasını yerinə yetirən ATƏT-in Minsk qrupundan gözlədik. Lakin Azərbaycan dövləti yalnız gözləməklə kifayətlənmədi. Həm iqtisadi qüdrətini artıraraq bütün sahələrdə, o cümlədən ordu quruculuğunda davamlı uğurlara imza atdı, eyni zamanda diplomatik mübarizədə qələbəmizi təmin etmək üçün real həqiqətlərə, tarixi faktlara əsaslanan təbliğatını uğurla davam etdirdi. Ölkəmizə qarşı qərəzli mövqe nümayiş etdirən bəzi dünya güclərinə cavab olaraq bildirildi ki, Azərbaycan beynəlxalq hüquqa, BMT Nizamnaməsinə uyğun olaraq beynəlxalq səviyyədə tanınan öz ərazisində müharibə apardı.

Qubadlının azad edilməsi əməliyyatı bir neçə gün çəkdi. Şəhərdə ermənilər güclü istehkamlar qurmuş, yüksəkliklərdə düşmənin hərbi birləşmələri yerləşmişdi. Qubadlını azad etmək üçün ilk növbədə strateji yüksəkliklər götürülməli idi. Çünki düşmən bu yüksəkliklərdən, əlverişli movqelərdən istifadə edərək ordumuzun irəliləməsinə maneə yaradirdilar. Ona görə Qubadlı əməliyyatı xüsusi peşəkarlıq və fədakarlıq tələb edirdi. Azərbaycan Ordusu bu peşəkarlığı, fədakarlığı göstərib. İlk növbədə, şəhərə hakim olan yüksəkliklər, ətrafda yerləşən kəndlər, o cümlədən Xanlıq, Padar, Sarıyataq kəndləri və strateji yüksəklikləri işğaldan azad edildi. Ondan sonra oktyabrın 25-də Azərbaycan Silahlı Qüvvələri şəhəri düşməndən təmizlədi. Ali Baş Komandan cənab İlham Əliyevin rəhbərliyi ilə müzəffər Ordumuz Qubadlı şəhərini işğaldan azad etməklə şanlı qələbəmizin yeni bir tarixini yazdı.

Qubadlı rayonunun gələcək inkişafı, infrastrukturun yenidən qurulması, yolların çəkilməsi, yaşayış məntəqələrinin bərpası və sakinlərin doğma yurdlarına qayıtması dövlət siyasətinin mühüm istiqamətlərindəndir. Böyük Qayıdış proqramı çərçivəsində həyata keçirilən tədbirlər işğaldan azad olunmuş torpaqlarımızda yeni həyatın başlanmasına xidmət edir.

Paylaş:

Baxılıb: 20 dəfə

Xəbər lenti

Hamısına bax