Rəşad Abbaszadə: Ermənistan qlobal xarakter daşıyan təşəbbüsə qarşı çıxmaqla dünya dövlətləri arasında bir daha özünün mənfur simasını göstərmiş oldu

Bakı:

10 °C

87 %

7 m/s

AZ RU EN

Ana səhifə / YAP xəbərləri / Rəşad Abbaszadə: Ermənistan qlobal xarakter daşıyan təşəbbüsə qarşı çıxmaqla dünya dövlətləri arasında bir daha özünün mənfur simasını göstərmiş oldu

Rəşad Abbaszadə: Ermənistan qlobal xarakter daşıyan təşəbbüsə qarşı çıxmaqla dünya dövlətləri arasında bir daha özünün mənfur simasını göstərmiş oldu

29.07.2020 [09:14]

“Ötən ilin sonlarından dünyada yayılan COVID-19 infeksiyası təəssüf ki, ölkəmizdən də yan keçmədi. Lakin cənab Prezident İlham Əliyevin və Birinci vitse-prezident Mehriban xanım Əliyevanın məsələyə ilk gündən həssas reaksiyaları, həyata keçirilən tədbirlər göstərdi ki, dövlətimiz insanların sağlamlığı üçün lazım olan bütün addımları atır. Təsadüfi deyil ki, pandemiya əleyhinə həyata keçirdiyi mübarizə tədbirlərinə görə beynəlxalq səviyyədə təqdir olunan Azərbaycan dövləti koronavirusun qarşısının alınmasında yalnız ölkə miqyaslı nəaliyyətləri ilə örnək olmaqla kifayətlənmədi. Virusun qlobal problemə çevrilməsini nəzərə alaraq onunla mübarizədə beynəlxalq əməkdaşlığı, həmrəyliyi zəruri hesab edən Prezident İlham Əliyev BMT Baş Assambleyasının dövlət və hökümət başçıları səviyyəsində videkonfrans vasitəsilə xüsusi sessiyasının keçrilməsi təklifini irəli sürdü və bu təklif çox müsbət qarşılandı”.
Bu fikirləri Yeni Azərbaycan Partiyası (YAP) Gənclər Birliyi Ofisinin koordinatoru Rəşad Abbaszadə deyib.
R.Abbaszadə bildirib ki, bu təşəbbüs əsasında BMT Baş Assambleyasının koronavirus pandemiyasına qarşı mübarizədə beynəlxalq əməkdaşlığın gücləndirilməsinə həsr olunmuş xüsusi sessiyasının keçirilməsi barədə tarixi qərar qəbul edildi. Qərarın qəbuluna dünyanın 130 dövlətinin dəstək verməsi bir tərəfdən Azərbaycan Prezidentinin təklifinin qlobal əhəmiyyətini, digər tərəfdən beynəlxalq ictimaiyyətin ölkəmizə, dövlət rəhbərimizə olan böyük inamının göstəricisidir. Təşəbbüsə qarşı çıxan yeganə dövlət işğalçı Ermənistan oldu.
“Prezidentimizin rəhbərliyi ilə dövlətimizin beynəlxalq aləmdə uğurlarını gözü götürməyən düşmənlərimiz son günlərdə təcavüzkar mahiyyətini gizlətməyərək növbəti təxribata əl atdılar. İyul ayının 12-dən başlayaraq Ermənistan silahlı qüvvələri atəşkəs rejimini kobud şəkildə pozaraq Azərbaycan silahlı qüvvələrinin Tovuz rayonu istiqamətində mövqelərinin artilleriya qurğularından atəşə tutmuş, həmçinin sərhəd bölgəsindəki dinc əhalinin yaşayış məntəqələrini hədəfə almışlar. Şanlı Ordumuz bu təxribatlara rəşadətlə cavab verib və düşməni ağır itkilərlə geri çəkilməyə məcbur edib. Təəccüblü deyil ki, Ermənistanın son təcüvüzü Azərbaycan ictimaiyyətini hiddətləndirdi. Sosial şəbəkələrdə hərbi əməliyyatlara başlamaq, sıravi vətəndaşların toplanaraq cəbhə bölgəsinə getmək kimi çağırışları səsləndi. Bu, insanların vətənpərvərlik hissinin yüksək səviyyədə olduğunu göstərsə də unutmayaq ki, bu gün Azərbaycan güclü orduya malikdir və Azərbaycan Ordusu Ali Baş Komandanın əmri ilə qarşısına qoyulan istənilən vəzifəni yerinə yetirməyə, o cümlədən torpaqlarımızı işğaldan azad etməyə hazırdır”, -deyə R.Abbaszadə qeyd edib.

Paylaş:

Baxılıb: 674 dəfə