Fəzail Ağamalı: Prezident İlham Əliyevin rəhbərliyi ilə həyata keçirilən dərin islahatlar kursu ölkəmizin hərtərəfli inkişafına xidmət edir

Bakı:

20 °C

83 %

3 m/s

AZ RU EN

Ana səhifə / Siyasət / Fəzail Ağamalı: Prezident İlham Əliyevin rəhbərliyi ilə həyata keçirilən dərin islahatlar kursu ölkəmizin hərtərəfli inkişafına xidmət edir

Fəzail Ağamalı: Prezident İlham Əliyevin rəhbərliyi ilə həyata keçirilən dərin islahatlar kursu ölkəmizin hərtərəfli inkişafına xidmət edir

09.01.2021 [09:28]

"Azərbaycanda Prezident İlham Əliyevin rəhbərliyi ilə həyata keçirilən dərin islahatlar kursu ölkəmizin hərtərəfli inkişafına xidmət edir. Bu islahatlar müasir dövrdə ölkəmizdə iqtisadi inkişafın, siyasi plüralizmin daha yüksək səviyyəyə çatmasında vacib rol oynayır. Bu mənada, yeni siyasi münasibətlərin, hakimiyyətlə siyasi partiyalar arasında siyasi dialoqun qurulması da ölkəmizin siyasi sistemində yeni keyfiyyət dəyişikliyi yaratmaqdadır. Cənab Prezident 2020-ci ilin yekunlarına həsr olunmuş müşavirədə də məsələyə toxunaraq siyasi münasibətlərin əhəmiyyətini vurğulayıb". Bu fikirləri qəzetimizə açıqlamasında Ana Vətən Partiyasının (AVP) sədri, millət vəkili Fəzail Ağamalı deyib.

Fəzail Ağamalı bildirib ki, ölkəmizdə islahatlar 2018-ci il prezident seçkilərindən sonra daha geniş vüsət almağa başladı: "2019-cu ildə də geniş sosial-iqtisadi, hüquqi, struktur və kadr islahatları həyata keçirildi. 2020-ci ilin parlament seçkiləri isə siyasi islahatların və siyasi münasibətlərin inkişafı baxımından mühüm əhəmiyyət kəsb edir. Əlbəttə, yaradılmış bu mühit siyasi partiyaların üzərinə ciddi məsuliyyət də qoyur. Bu məsuliyyəti bölüşərək hər kəs öz imkanları daxilində dövlətçiliyimizə, onun siyasi sisteminə özünün töhfəsini verəcəkdir".

Partiya sədrinin sözlərinə görə, ölkədə mövcud olan demokratik mühit respublikamızın inkişafına etibarlı zəmin yaradır: "İslahatlar çərçivəsində Prezident Administrasiyasında Siyasi partiyalar və qanunvericilik hakimiyyəti ilə əlaqələr şöbəsi yaradıldı. Cənab Prezidentin tapşırığı ilə şöbənin müdiri Ədalət Vəliyev siyasi partiyaların rəhbərləri ilə mütəmadi olaraq görüşür. Bu da genişmiqyaslı iqtidar-müxalifət dialoqunun ciddi göstəricisidir. Amma özünü bu prosesdən kənarda qoyan dairələr də oldu. Daha çox radikal, anarxist, inkarçı mövqedə dayananlar, əslində, "beşinci kolon" rolunu oynayanlar bu prosesdən kənarda qaldılar. Biz 44 günlük Vətən müharibəsində siyasi partiyaların həmrəyliyini müşahidə etdik. Radikallar istisna olmaqla 50 siyasi partiya vahid mövqedən çıxış edərək Ali Baş Komandana və ordumuza birmənalı dəstəyini nümayiş etdirdi. Amma antimilli şura yenə də bu həmrəylikdən kənarda qaldı. Bununla da onlar ermənipərəst qüvvələrin əlində alət olduqlarını göstərmiş oldular. Bu ünsürlərin müharibədə qazandığımız parlaq qələbəyə bu günədək kölgə salmaq cəhdləri bunu təsdiqləyir. Radikallar bu davranışları ilə satqın olduqlarını təsdiqləyirlər".

"Əminəm ki, bundan sonra da normal, sivil, Azərbaycan dövlətçiliyinə və milli maraqlara söykənən iqtidar-müxalifət münasibətləri daha yüksək səviyyədə olacaq", - deyə AVP sədri vurğulayıb.

NARDAR

Paylaş:

Baxılıb: 626 dəfə