Milli Televiziya və Radio Şurasının yaradılmasının 10-cu ildönümü ilə bağlı hesabat konfransı keçirilib

Bakı:

23 °C

78 %

10 m/s

AZ RU EN

Ana səhifə / Sosial / Milli Televiziya və Radio Şurasının yaradılmasının 10-cu ildönümü ilə bağlı hesabat konfransı keçirilib

Milli Televiziya və Radio Şurasının yaradılmasının 10-cu ildönümü ilə bağlı hesabat konfransı keçirilib

04.10.2012 [02:32]

Dünən Milli Televiziya və Radio Şurasının (MTRŞ) yaradılmasının 10-cu ildönümü ilə bağlı hesabat konfransı keçirilib.
AzərTAc xəbər verir ki, tədbir iştirakçıları əvvəlcə Fəxri Xiyabana gələrək xalqımızın Ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə gül dəstələri qoyublar.
Görkəmli oftalmoloq alim, akademik Zərifə xanım Əliyevanın da xatirəsi yad olunub, məzarı üzərinə tər çiçəklər düzülüb.
Şəhidlər Xiyabanına gələn qonaqlar Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, məzarları üzərinə gül düzüblər.
Tədbir Milli Televiziya və Radio Şurasında davam etdirilib. Şuranın sədri Nuşirəvan Məhərrəmli teleradio sahəsində görülmüş işlər və gələcək planlar barədə məlumat verib. Qeyd olunub ki, bu illərdə ölkədə fəaliyyət göstərən ümumrespublika yayımçısı olan telekanalların sayı 9-a, regional yayımçıların sayı 14-ə, radio yayımçılarının sayı 14-ə, kabel şəbəkəsi yayımçılarının sayı isə 13-ə çatdırılıb.
N.Məhərrəmli bildirib ki, ölkədə bütün telekanallarda filmlərin yalnız Azərbaycan dilində səsləndirilməsinin təmin olunması barədə qərarlar qəbul edilib. Bundan əlavə, milli-mənəvi dəyərlərin qorunmasına ardıcıl əməl edilib, milli teleserialların istehsalının stimullaşdırılması məqsədi ilə ölkədə yayımlanan bütün əcnəbi teleserialların yayımlanması dayandırılıb.
Prezident Administrasiyasının ictimai-siyasi məsələlər şöbəsinin müdir müavini Ərəstun Mehdiyev MTRŞ-ın 10 illik fəaliyyətini yüksək qiymətləndirib. Bildirilib ki, Şura “Televiziya və radio yayımı haqqında” Azərbaycan Respublikası Qanununun tətbiq edilməsi barədə dövlət başçısının 2002-ci il 5 oktyabr tarixli Fərmanı ilə yaradılıb. Yarandığı dövrdən bu günədək MTRŞ qanunvericiliklə ona verilmiş səlahiyyətlər daxilində öz fəaliyyətini qurub, televiziya və radio yayımlarının fəaliyyətini tənzimləyib, yayım zamanı ictimaiyyətin maraqlarını qoruyub, televiziya və radio yayımı sahəsində qanunvericiliyin icrasına nəzarəti həyata keçirib, beynəlxalq sahədə bir sıra teleradio qurumları ilə əməkdaşlıq edib. Şura bu müddət ərzində öz işini göstərə bilib, cəmiyyət tərəfindən qəbul olunub, qiymətləndirilib.
Ə.Mehdiyev “Azərbaycan Respublikası Milli Televiziya və Radio Şurasının üzvlərinə fəxri adların verilməsi haqqında” və “Azərbaycan Respublikası Milli Televiziya və Radio Şurası əməkdaşlarının “Tərəqqi” medalı ilə təltif edilməsi haqqında Azərbaycan Respublikası Prezidentinin sərəncamlarını oxuyub.
Tədbirdə çıxış edən Mətbuat Şurasının sədri Əflatun Amaşov, Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli Azərbaycanda televiziyanın və radionun sürətlə inkişaf etdiyini bildirib, bu yayım sahəsinin cəmiyyətdə, dövlətin həyatının bütün sahələrində öz yerini tutduğunu qeyd ediblər.
Bildirilib ki, MTRŞ bütövlükdə teleradio məkanında cəmiyyətimizin, ictimaiyyətin maraqlarının qorunması sahəsində mühüm tədbirlər həyata keçirilib. Şuranın üzvləri onların qarşısına qoyulmuş vəzifələrin öhdəsindən layiqincə gəliblər.
Sonda jurnalistləri maraqlandıran suallar cavablandırılıb.

Paylaş:

Baxılıb: 1916 dəfə