Heydər Əliyev
yeni azerbaycan logo

Ana səhifə / Sosial / Dövlət İqtisad Universitetində Aziz Sancara həsr edilmiş konfrans keçirilib

Dövlət İqtisad Universitetində Aziz Sancara həsr edilmiş konfrans keçirilib

13.06.2017 [09:52]

Azərbaycan Dövlət İqtisad Universitetində (UNEC) 2015-ci ilin kimya üzrə Nobel mükafatçısı, ABŞ-ın Şimali Karolina Universitetinin professoru Aziz Sancara həsr edilmiş “Aziz Sancar: Bir Elm Fədaisinin Həyat Hekayəsi” adlı konfrans keçirilib.
APA-nın xəbərinə görə, konfransda görkəmli alimin həyat və yaradıcılığı haqda film nümayiş olunub.
UNEC rektoru, professor Ədalət Muradov bildirib ki, indiyə kimi UNEC-də bir çox Nobel mükafatçıları qonaq olsa da, A.Sancarın yeri tam başqadır: “Aziz Sancar Azərbaycana bir kimyaçı kimi yox, bir türk alim kimi dəvət olunub. Aziz Sancar elm sahəsində Nobel alan ilk türk alim kimi bizim üçün çox əzizdir”.
Rektor A.Sancarın Azərbaycana təhsil naziri Mikayıl Cabbarovun dəvəti ilə səfər etdiyini diqqətə çatdırıb.
Aziz Sancar Azərbaycan elm ictimaiyyəti qarşısında geniş nitqlə çıxış edib. Professor bildirib ki, onunla bərabər Nobel mükafatı qazanan digər 2 alimlə nə rəqabət aparıblar, nə də birgə əməkdaşlıq ediblər.
A.Sancar qeyd edib ki, Nobel mükafatı ala bilməyən görkəmli alimlər də bəşəriyyətə bir sıra töhfələr verib: “Süni intellekt sahəsində qeyri-səlis məntiq nəzəriyyəsinin yaradıcısı kimi dünyada məşhur olan Lütfi Zadəni (azərbaycanlı Lütfəli Rəhim oğlu Ələsgərzadə) nümunə göstərə bilərəm. O, Nobel almayıb. Bu, onun dəyərini azaltmır”.
Konfransda Azərbaycan dilinə tərcümə edilmiş “Aziz Sancarın Nobel Bioqrafiyası” adlı kitabçanın təqdimatı keçirilib. Ə.Muradov əlavə edib ki, kitabça forma və məzmun baxımından mükəmməl əsərdir.
Daha sonra A.Sancar sualları cavablandırıb.
Rektor qeyd edib ki, növbəti tədris ilində UNEC-də növbəti tədris ilində ən yaxşı tədqiqatçı üçün “Aziz Sancar mükafatı” təsis ediləcək, habelə Aziz Sancar adına laboratoriya yaradılacaq.
Sonda Aziz Sancara UNEC-in fəxri doktoru adı təqdim olunub.

Paylaş:
Baxılıb: 573 dəfə

Xəbər lenti

Hamısına bax

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31