Heydər Əliyev
yeni azerbaycan logo

Ana səhifə / YAP xəbərləri / Heydər Əliyev və Azərbaycanın milli maraqlarına əsaslanan dövlət siyasəti

Heydər Əliyev və Azərbaycanın milli maraqlarına əsaslanan dövlət siyasəti

10.05.2024 [20:14]

10 may 2024-cü il tarixdə Yeni Azərbaycan Partiyası Ağstafa rayon təşkilatının və Ağstafa rayon İcra Hakimiyyətinin birgə təşkilatçılığı ilə Ulu Öndər Heydər Əliyevin anadan olmasının 101-ci ildönümü ilə əlaqədar“Heydər Əliyev və Azərbaycanın milli maraqlarına əsaslanan dövlət siyasəti” mövzusunda tədbir keçirilib.

Tədbirdə YAP Ağstafa rayon təşkilatının sədri Etibar Hacıyev, Ağstafa RİH başçısı Seymur Orucov, şəhid ailələrinin üzvləri, qazilər, idarə, müəssisə və təşkilatların məsul şəxsləri, rayon ziyalıları və ictimaiyyət nümayəndələri iştirak ediblər.

İlk öncə Heydər Əliyev Mərkəzinin qarşısında Ümummilli Liderin abidəsi ziyarət edilərək önünə gül dəstələri düzülüb.

Daha sonra mərkəzdə tədbir iştirakçılarına müstəqil Azərbaycan dövlətinin memarı, Ümummilli Lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib, onlar eksponat, fotoşəkil və kitablarla tanış olublar.

Tədbirə başlamazdan öncə Ümummilli Lider Heydər Əliyevin və ölkəmizin azadlığı və suverenliyi uğrunda canlarını fəda edən şəhidlərimizin xatirəsi bir dəqiqəlik sükutla yad edilib.

Azərbaycan Respublikasının Dövlət Himni səsləndirilib. Sonra Ulu Öndərin keçdiyi şərəfli ömür yolundan və xalq qarşısında misilsiz tarixi xidmətlərindən bəhs edən film nümayiş etdirilib.

Tədbiri giriş sözü ilə açan Ağstafa rayon İcra Hakimiyyətinin başçısı Seymur Orucov Ümummilli Lider Heydər Əliyevin respublikamıza rəhbərlik etdiyi dövrlərdə Azərbaycanın milli maraqlarını hər zaman uca tutduğunu söyləyərək qeyd edib ki, son dərəcə təcrübəli dövlət başçısı və müdrik siyasi xadim özünün zəngin dövlətçilik təcrübəsinə əsaslanaraq dövlətimizin yürütdüyü yeni xarici siyasət nəticəsində Azərbaycan beynəlxalq aləmdəki təcrid vəziyyətdən çıxarıldı, ölkəmiz haqqında yaradılmış mənfi ictimai rəyə son qoyuldu, xalqımızın haqq işi dünya ictimaiyyətinə olduğu kimi çatdırılaraq respublikamız ətrafındakı informasiya blokadası tamamilə aradan qaldırıldı. Azərbaycan Respublikasının Prezidenti, Ali Baş Komandan İlham Əliyev müqəddəs ata vəsiyyətini yerinə yetirərək otuz ilə yaxın düşmən tapdağı altında qalmış torpaqlarımızı işğaldan azad edilməsi ilə yazılan xalqımızın tarixi Zəfəri məhz Ulu Öndər Heydər Əliyev siyasətinin təntənəsidir.

Tədbirdə çıxış edən digər natiqlər – YAP Ağstafa rayon təşkilatının sədri Etibar Hacıyev, Ağstafa rayon Heydər Əliyev Mərkəzinin direktoru Ləman Cəlilova, Tatlı kənd tam orta məktəbin direktor müavini Aqşin Quliyev və Yaradullu ümumi orta məktəbin müəllimi Şəfəq Cəlilova geniş məruzələrlə çıxış edərək Ümummilli Lider Heydər Əliyevin müasir müstəqil Azərbaycanın quruculuğuna verdiyi misilisiz töhfələrdən söz açıblar.

Tədbirin sonunda bir qrup şəxsə YAP Ağstafa rayon təşkilatının Fəxri Fərmanları və yeni partiya üzvlərinə üzvlük vəsiqələri təqdim olunub.

Paylaş:
Baxılıb: 142 dəfə

Xəbər lenti

Hamısına bax

Ədəbiyyat

Mədəniyyət

Siyasət

Siyasət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31