Heydər Əliyev
yeni azerbaycan logo

Ana səhifə / YAP xəbərləri / Şuşa Bəyannaməsi - Azərbaycanla Türkiyənin qardaşlığı barədə tarixi sənəd

Şuşa Bəyannaməsi - Azərbaycanla Türkiyənin qardaşlığı barədə tarixi sənəd

12.06.2024 [11:43]

Məlum olduğu kimi, 2021-ci il iyunun 15-də Şuşada Azərbaycanla Türkiyə arasında Bəyannamə imzalandı. Bu sənəd tarixi sənəd idi, Azərbaycanla Türkiyənin qardaşlığını bir daha təsdiqləyən sənəd idi. Bu tarixi sənədlə – Şuşa Bəyannaməsi ilə iki qardaş ölkə arasında tarixi münasibətlərin yeni mərhələsinin əsası qoyuldu. Tarixi gündə imzalanan tarixi sənəd bir millət, iki dövlət arasında mənəvi birliyin bəyannaməsi kimi qəbul edildi. Siyasətçilər Şuşa Bəyannaməsini mühüm sənəd adlandırır. Müttəfiqlik münasibətlərinin geostrateji əhəmiyyətini artırdığına görə, qardaşlığın yeni tarixi mərhələsi olduğuna görə, bu iki dövlət arasında münasibətlərin bütün müstəvilərdə davamlı inkişafını təmin etdiyinə görə.

      Qeyd edək ki, Bəyannamə Türkiyə və Azərbaycan arasındakı müttəfiqlik münasibətlərinin bütün əməkdaşlıq sahələrini, o cümlədən ölkələrimiz arasında müttəfiqlik əlaqələri siyasət, beynəlxalq müstəvidə birgə əməkdaşlığı, iqtisadiyyatı, enerji təhlükəsizliyini, mədəniyyəti, təhsili, ordu quruculuğunu və digər strateji sahələri də əhatə edir. Bəyannamədə xalqlarımızın böyük liderləri Mustafa Kamal Atatürk və Heydər Əliyevin kəlamları öz əksini tapıb. XX əsrin əvvəllərində Mustafa Kamal Atatürk demişdir ki, “Azərbay-canın sevinci sevincimiz, kədəri kədərimizdir”. XX əsrin sonlarında isə Ulu Öndər Heydər Əliyev demişdir ki, “Türkiyə və Azərbaycan bir millət, iki dövlətdir”. Bu Bəyannamə mahiyyəti etibarilə hərbi əməkdaşlıq sənədidir.  Bəyannamə müdafiə sahəsində əməkdaşlıq və qarşılıqlı hərbi yardım məsələlərini də əhatə edir ki, bu da tarixi baxımdan qardaşlığın ruhunu müəyyənləşdirir. Bəyannamə həm də sabahalrın əməkdaşlıq sənədidir. Azərbaycanla Türkiyə bundan sonra da bir-birinin təhlükəsizliyini təmin edəcək. Müdafiə sənayesi sa¬hə¬sində əlaqələrin inkişafı ölkələrin hərbi qüdrətini artıracaq. İkinci Qarabağ müharibəsində pilotsuz uçuş aparatları böyük rol oynadı. Azərbaycan bu prosesdə istehsal mərkəzi kimi inkişaf edəcək. Bəyannamədə həm də iki dövlətin silahlı qüvvələrinin müasir tələblərə uyğun olaraq yenidən forma¬laş-dırılması və modernləşdirilməsi istiqamətində birgə səylərin göstərilməsi, müdafiə qabiliyyətlərinin və hərbi təhlükəsizliyin möhkəmləndirilməsinə yönələn tədbirlərin həyata keçirilməsi, iki ölkənin silahlı qüvvələrinin birlikdə fəaliyyət qabiliyyətinin artırılması, müasir texnologiyalara əsaslanan silah və sursatların idarə olunmasında dönməz əməkdaşlıq, səlahiyyətli strukturların  və qurumların əlaqəli fəaliyyətinin təmin edilməsi də nəzərədə tutulub.

        Yeri gəlmişkən, Şuşa Bəyannaməsi imzalanarkən Azərbaycan Prezidenti İlham Əliyev bu siyasi aktın tarixi əhəmiyyətini vurğulayaraq dedi: “Tarixi Qars müqaviləsi düz yüz il əvvəl imzalanıb. Bu da böyük rəmzi məna daşıyır. Yüz ildən sonra azad edilmiş Şuşa şəhərində müttəfiqlik haqqında imzalanmış Birgə Bəyannamə bizim gələcək iş birliyimizin istiqamətini göstərir. Bəyannamədə bir çox önəmli məsələlər öz əksini tapır. Beynəlxalq müstəvidə birgə əməkdaşlıq, fəaliyyətimiz, siyasi əlaqələr, iqtisadi ticarət əlaqələri, mədəniyyət, təhsil, idman, gənclər siyasəti, demək olar ki, bütün sahələr əhatə olunur. Cənub Qaz Dəhlizinin Türkiyə, Azərbaycan, dünya üçün önəmi göstərilir. Hər bir məsələ çox böyük önəm daşıyır”.

        Onu da qeyd edək ki, 2022-ci il iyunun 15-də Şuşa Bəyannaməsinin birinci ildönümü münasibətilə Şuşa şəhərində “Azərbaycan-Türkiyə strateji müttəfiqlik münasibətləri Qafqaz və region üçün sülh və sabitlik mənbəyidir” mövzusunda beynəlxalq konfrans keçirildi. Konfransda dövlət rəsmiləri ilə yanaşı Azərbaycanda fəaliyyət göstərən 40-a yaxın siyasi partiyanın rəhbərləri də iştirak etdi. Tədbirdə Azərbaycan Respublikasının Prezidenti cənab İlham Əliyevin konfrans iştirakçılarına müraciəti Azərbaycanla Türkiyə arasında qardaşlığın mənəvi bağlılıq olduğunu da ifadə etdi.

Anar Süleymanov,

Yeni Azərbaycan Partiyası Göygöl rayon təşkilatı üzrə 3 nömrəli “Magistral avtomobil yollarının istismarı” MMC ərazi partiya təşkilatının sədri

Paylaş:
Baxılıb: 115 dəfə

Xəbər lenti

Hamısına bax

Xəbər lenti

İqtisadiyyat

Xəbər lenti

Xəbər lenti

Xəbər lenti

Siyasət

“Triumf yolu”..

13 İyul 11:00

MEDİA

Uğurlu yoldayıq...

13 İyul 10:55

Xarici siyasət

İqtisadiyyat

Xəbər lenti

İqtisadiyyat

Gündəm

Gündəm

Gündəm

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31