YAP-ın yubileyi Qaradağ rayonunda böyük ruh yüksəkliyilə qeyd olunur

Bakı:

13 °C

94 %

4 m/s

Əlaqə

AZ RU EN

Ana səhifə / YAP xəbərləri / YAP-ın yubileyi Qaradağ rayonunda böyük ruh yüksəkliyilə qeyd olunur

YAP-ın yubileyi Qaradağ rayonunda böyük ruh yüksəkliyilə qeyd olunur

23.10.2012 [01:37]

Qaradağ rayonunda Yeni Azərbaycan Partiyasının (YAP) yaradılmasının 20-ci ildönümü böyük ruh yüksəkliyilə qeyd olunur. Rayon təşkilatının ayrı-ayrı ərazi ilk partiya təşkilatları müxtəlif tədbirlər keçirirlər. Belə tədbirlərdən biri Lökbatan qəsəbəsi 39 və 4 saylı uşaq xəstəxanalarında, həmçinin, Sahil qəsəbəsi B.Əliyev adına uşaq bağçasında təşkil olunub.
Tədbirlərdə çıxış edənlər bildiriblər ki, 1992-ci ildə 91 ziyalının Ulu öndər Heydər Əliyevə müraciəti təkcə həmin şəxslərin deyil, həm də ölkədə baş alıb gedən hakimiyyət böhranı nəticəsində yaranmış hərc-mərclikdən, özbaşınalıqdan cana doymuş bütöv bir xalqın Ümummilli liderə böyük ümidinin ifadəsi idi.
Bununla yanaşı, YAP-ın yarandığı dövrdə respublikanın ictimai-siyasi həyatında cərəyan edən hadisələri xatırladan çıxışçılar obyektiv səbəblərdən partiyanın təsis konfransının Bakıda deyil, Naxçıvanda keçirildiyini diqqətə çatdırıblar. Qeyd edilib ki, 1992-ci il noyabrın 21-də Azərbaycanın əksər bölgələrindən cəmiyyətin bütün təbəqələrini təmsil edən 550 nümayəndənin iştirakı ilə keçirilən təsis konfransında Ulu öndər Heydər Əliyev YAP-ın sədri seçilib. Bununla da ölkənin ictimai-siyasi həyatına Yeni Azərbaycan Partiyası adı altında qüdrətli bir təşkilat daxil olub.
Həmçinin vurğulanıb ki, 1993-cü ildə Ümummilli lider Heydər Əliyevin xalqın təkidli tələbi ilə hakimiyyətə qayıdışı ilə partiyanın həyatında yeni dövrün əsası qoyulub. Partiyanın statusu yeni şəraitə uyğun olaraq dəyişib, iqtidar partiyasına çevrilərək ölkənin siyasi həyatında mövqeyini möhkəmləndirib, kütləvi siyasi qüvvəyə çevrilərək ictimai həyatın bütün sahələrində tərəqqiyə nail olmaq məqsədi ilə yüksək fəallıq nümayiş etdirib. Qısa zamanda partiyanın şəhər və rayon təşkilatları təsis olunub.
Qeyd olunub ki, partiyanın 20 ildə qazandığı uğurların təməlində sözlə əməl birliyi dayanır. Dövlətə, xalqa xidməti fəaliyyətinin əsas prinsipi kimi qəbul edən YAP-ın cəmiyyətdə nüfuzunun artmasında, sıralarının genişlənməsində bu amilin rolu inkaredilməzdir. Partiyanın qüdrəti, şərəfi, sıralarının gündən-günə genişlənməsinin səbəbi ondadır ki, bu partiyanın yaradıcısı, ilk rəhbəri dahi şəxsiyyət, Azərbaycan xalqının xilaskarı Heydər Əliyev olub. Partiyanın nüfuzu ondadır ki, bu siyasi birliyə hazırda Heydər Əliyev ideyalarının layiqli davamçısı Prezident İlham Əliyev rəhbərlik edir.
Tədbirlərin sonunda partiyanın rayon təşkilatının fəallarına fəxri fərmanlar, habelə partiya sıralarına yeni daxil olanlara üzvlük vəsiqələri təqdim edilib.
RAMİL

Paylaş:

Baxılıb: 1426 dəfə