Qazaxda Aprel döyüşləri şəhidlərinin xatirəsi ehtiramla yad edildi

Bakı:

16 °C

88 %

4 m/s

Əlaqə

AZ RU EN

Ana səhifə / YAP xəbərləri / Qazaxda Aprel döyüşləri şəhidlərinin xatirəsi ehtiramla yad edildi

Qazaxda Aprel döyüşləri şəhidlərinin xatirəsi ehtiramla yad edildi

03.04.2025 [17:51]

02 aprel 2025-ci il tarixdə YAP Qazax rayon təşkilatı Aparatında 2016-cı ildə Azərbaycanın hərb tarixinə qızıl hərflərlə yazılan, möhtəşəm qələbənin təməlinin qoyulduğu Aprel döyüşlərinin 9-cu ildönümü ilə əlaqədar tədbir keçirildi.

Tədbirdən əvvəl YAP Qazax rayon təşkilatının Aparat işçiləri və fəalları 2016-cı il Aprel döyüşləri zamanı şəhidlik zirvəsinə yüksəlmiş Qazax rayonunun 3 nəfər igid oğlunun - Fərəhli kəndindən kapitan Orucov Mühüd Qurban oğlunun, Yuxarı Salahlı kəndindən baş leytenant Namazov Elvin Məmməd oğlunun və Aslanbəyli kəndindən əsgər Əliyev Orxan Məhəmməd oğlunun uyuduğu qəbristanlıqlara baş çəkdilər, qəhrəman oğullarımızın qəbirlərini ziyarət edərək, məzarları önünə tər qərənfillər düzdülər.Müqəddəs şəhidlərimizin ruhuna dualar oxundu.

YAP Qazax rayon təşkilatının inzibati binasında davam etdirilən tədbirUlu Öndər Heydər Əliyevin və müqəddəs şəhidlərimizn əziz xatirəsinin bir dəqiqəlik sükutla yad edilməsi ilə başlandı.

YAP Qazax rayon təşkilatının sədri Anar Nəbiyev ətraflı məlumat verərək bildirdi ki, Aprel döyüşləri bütün dünyaya bir daha Azərbaycan Ordusunun gücünü, qüdrətini, Qələbə əzmini göstərdi və tezliklə tarixi ədalətin bərpa olunacağına böyük zəmin yaratdı. Bununla da, Möhtərəm Prezidentimiz, Müzəffər Ali Baş Komandanımız İlham Əliyev cənablarının əzmkar, qətiyyətli siyasəti, xüsusi sərkərdəlik qabiliyyəti, beynəlxalq aləmdəki nüfuzu, hörməti sayəsində Qüdrətli Azərbaycan Ordusu misilsiz Qələbəyə imza atdı. Bu Möhtəşəm Zəfərə xalqımız müqəddəs şəhidlərimizin canı bahasına, igid qazilərimizin qanı bahasına, qüdrətli ordumuzun rəşadəti, şücayəti sayəsində nail oldu.

Rayon təşkilatının sədri 9 il əvvəl Lələtəpədə ucaldılan üçrəngli bayrağımızın artıq işğaldan azad edilən bütün ərazilərimizdə doğma Qarabağımızda, Şuşada, Xankəndidə, Xocalıda, eləcə də digər ərazilərimizdə əzəmətlə dalğalanmasından və bu gün hər bir azərbaycanlının bundan sonsuz qürur və fərəh hissi keçirməsindən geniş bəhs etdi. A.Nəbiyev bildirdi ki, Aprel döyüşləri zamanı Qazax rayonunun 3 nəfər igid oğlu da müqəddəs şəhidlik zirvəsinə yüksəliblər. Öz canları, qanları bahasına şərəfli tarix yazan bu oğullar heç zaman unudulmayacaq və belə qəhrəman oğullarımızın keçdiyi şərəfli döyüş yolu bütün gənclərimizə, hər bir azərbaycanlıya bir örnəkdir. Rayon təşkilatının sədri çıxışının sonunda Möhtərəm Prezident, Müzəffər Ali Baş Komandan İlham Əliyev cənablarının rəhbərliyi ilə bundan sonra da ölkəmizin yeni - yeni nailiyyətlər, uğurlar, qələbələr qazanacağına böyük əminliyini bildirdi.

Tədbirdə çıxış edən partiya üzvləri Polad Ağakişiyev, Fərhad Qocamanov, Çingiz Məmmədov və başqaları canlarını vətən yolunda qurban vermiş igid şəhidlərimizin döyüş meydanında göstərdikləri qəhrəmanlıqlardan, onların keçdiyi şərəfli yoldan və Aprel döyüşlərində Böyük Zəfərin təməlinin qoyulmasından bəhs edərək bütün şəhidlərimizə rəhmət dilədilər.

Paylaş:

Baxılıb: 306 dəfə