Şəmkirdə YAP-ın yaranmasının 21-ci ildönümü ilə bağlı tədbir keçirilib

Bakı:

10 °C

93 %

6 m/s

Əlaqə

AZ RU EN

Ana səhifə / YAP xəbərləri / Şəmkirdə YAP-ın yaranmasının 21-ci ildönümü ilə bağlı tədbir keçirilib

Şəmkirdə YAP-ın yaranmasının 21-ci ildönümü ilə bağlı tədbir keçirilib

19.11.2013 [09:10]

Yeni Azərbaycan Partiyasının (YAP) yaranmasının 21-ci ildönümü münasibətilə Şəmkir rayon İcra Hakimiyyəti və YAP Şəmkir rayon təşkilatının birgə təşəbbüsü ilə geniş tədbir keçirilib. Tədbiri giriş sözü ilə açan YAP Şəmkir rayon təşkilatının sədri Fəxrəddin Vəliyev bildirib ki, Azərbaycanın dövlətçilik tarixində böyük şəxsiyyətlər, yaşadıqları dövrün reallıqlarını dərk edərək xalqımızın milli maraqlarını ən yüksək səviyyədə qorumağa çalışan dövlət xadimləri olub: “Təbii ki, onların hər biri bu və ya başqa şəkildə Azərbaycan dövlətinin daha da möhkəmləndirilməsinə, xalqımızın firavan gələcəyinə yönəlmiş xidmətlər göstərmişlər və tarixin sınaqlarından ləyaqətlə çıxmışlar. Amma onların heç birini Azərbaycan xalqının Ümummilli lideri, dahi şəxsiyyət Heydər Əliyevlə müqayisə etmək mümkün deyildir. Çünki, Ulu öndər Heydər Əliyev bir sıra siyasi xadimlərin edə bilmədiyini və edə bilməyəcəyini gerçəkləşdirmiş, əməlləri, fəaliyyəti ilə ən yeni tariximizin parlaq, işıqlı səhifəsini yaratmışdır”.
Sonra F.Vəliyev rayon təşkilatı haqqında ümumi məlumat verərək bildirib ki, bu gün Yeni Azərbaycan Partiyası Şəmkir rayon təşkilatının 125 ilk partiya təşkilatında 9829 nəfər üzvü var ki, onların da 3845 nəfəri gənclər, 4970 nəfəri isə qadınlardır.
Sonra çıxış edən YAP Şəmkir rayon təşkilatı sədrinin müavini, rayon Təhsil şöbəsinin müdiri Məcid Şıxlıniski, YAP Şəmkir rayon təşkilatı İdarə Heyətinin üzvü, Şəmkir rayon Gənclər və İdman idarəsinin rəisi Pərvin Gözəlov, YAP Şəmkir rayon təşkilatı Şurasının üzvü, rayon Mədəniyyət və Turizm idarəsinin müdiri Qüdrət Əliyev, YAP Şəmkir rayon təşkilatı Qadınlar Şurası sədrinin müavini, Əməkdar müəllim Sona Əliyeva, Şəmkir rayon Heydər Əliyev Mərkəzinin direktoru Məleykə Əlizadə və digərləri vurğulayıblar ki, YAP xalqın istək və arzularının təcəssümü, yekdil iradəsinin ifadəsi kimi tarixi bir zərurətdən yaranıb, vətənpərvərlik, əqidə birliyi, dövlət müstəqilliyi və suverenlik, azərbaycançılıq ideyalarının möhkəm təməli üzərində qurulub inkişaf edib.
Tədbirdə çıxış edən Şəmkir rayon İcra Hakimiyyətinin başçısı Nazim Veysov bildirib ki, YAP zamanın tələbi ilə yaranıb: “Ümummilli liderimiz Heydər Əliyevin rəhbərliyi ilə yaranan YAP qısa müddət sonra iqtidar partiyasına çevrildi. 1993-cü ildə Azərbaycan Prezidenti seçilən Ulu öndər Heydər Əliyev dövlətçilik təcrübəsindən istifadə edərək, ölkədə ictimai-siyasi sabitliyi təmin etdi, vətəndaş müharibəsinin qarşısını aldı və müstəqil Azərbaycanın tərəqqisinin əsasını qoydu. Bu gün Ulu öndərin siyasi kursunun YAP Sədri, Prezident İlham Əliyev tərəfindən davam etdirilməsi nəticəsində, Azərbaycan yeni-yeni uğurlar əldə edir”.
N.Veysov hazırda Prezident İlham Əliyevin rəhbərliyi ilə ölkədə bütün sahələrin, o cümlədən, təhsil və elmin özünün yeni inkişaf mərhələsini yaşadığını bildirib: “Ulu öndər Heydər Əliyevin rəhbərliyi ilə yaranmış YAP-ın ötən 21 il ərzində dövlətçiliyimizin möhkəmlənməsində, Azərbaycan cəmiyyətinin inkişafında və yeniləşməsində müstəsna xidmətləri olub. YAP hər zaman Azərbaycan dövlətçiliyinə, Ümummilli liderimiz Heydər Əliyevə və Onun ideyalarına sadiq olub”.

Paylaş:

Baxılıb: 1179 dəfə