Azərbaycan–Çexiya münasibətlərinin yeni mərhələyə keçidi

Bakı:

18 °C

77 %

2 m/s

Əlaqə

AZ RU EN

Ana səhifə / YAP xəbərləri / Azərbaycan–Çexiya münasibətlərinin yeni mərhələyə keçidi

Azərbaycan–Çexiya münasibətlərinin yeni mərhələyə keçidi

29.04.2026 [15:50]

İntiqam Quliyev

YAP Ağdam rayon təşkilatının sədr müavini

Aprelin 27-də Çex Respublikasının Baş naziri Andrey Babişin Azərbaycana rəsmi səfəri Azərbaycan–Çexiya münasibətlərinin keyfiyyətcə yeni mərhələyə keçdiyini nümayiş etdirdi. Qəbələdə baş tutan görüşlər, mətbuata bəyanatlar və biznes-forum çərçivəsində səsləndirilən fikirlər iki ölkə arasında siyasi dialoqun, iqtisadi əməkdaşlığın və strateji tərəfdaşlığın genişlənməsinə yönəlmiş konkret gündəliyi ortaya qoydu. Andrey Babişin Avropa İttifaqından kənara ilk rəsmi səfərini Azərbaycana etməsi Bakının Avropa üçün etibarlı tərəfdaş kimi artan rolunun göstəricisidir. Bu, ölkəmizin beynəlxalq arenada artan nüfuzunun, Prezident İlham Əliyevə göstərilən böyük etimadın nümayişidir. Bu reallıq hər zaman böyük qürur hissi ilə qeyd olunur ki, əgər əvvəlki illərdə Azərbaycan reallıqlarının beynəlxalq ictimaiyyətə çatdırılması üçün bu və ya digər ölkələrə səfərlər edilirdisə, bu gün Azərbaycanın müxtəlif mövzuda beynəlxalq tədbirlərə ev sahibliyi həqiqətlərimizin dünya ictimaiyyətinə çatdırılmasına geniş imkanlar yaradır. Prezident İlham Əliyevin Qəbələdə Çex Respublikasının Baş naziri Andrey Babiş ilə keçirdiyi təkbətək və geniş tərkibdə görüşlərdə, liderlərin mətbuata birgə bəyanatlarında ənənəvi sahələrlə yanaşı, yeni istiqamətlərdə də əlaqələrin qurulması geniş müzakirə edildi. Prezident İlham Əliyev vurğuladı ki, "İqtisadi sahədə görüləcək işlərlə bağlı konkret təkliflər var. Mən şadam ki, cənab Baş nazirlə birlikdə Azərbaycana Çexiyadan böyük qrup iş adamları gəlmişdir və bu gün keçiriləcək biznes-forumda həm yeni təmaslar qurulacaq, həm də mövcud layihələrlə bağlı fikir mübadiləsi aparılacaq. Bizim çox böyük ümidimiz ondan ibarətdir ki, ticarət dövriyyəmizi daha da yüksək səviyyəyə qaldıraq. Halbuki bu gün də ticarət dövriyyəmiz əhəmiyyətli dərəcədə artmışdır, 800 milyon dollardan çoxdur. Amma əgər biz ticarət dövriyyəsinin strukturuna baxsaq görərik ki, burada əsasən Azərbaycan neftinin ixracı gözə dəyir. Ona görə biz ticarət dövriyyəsinin daha tarazlı olmasını və strukturun təkmilləşdirilməsini arzulayırıq. Ümid edirəm ki, biz buna nail olacağıq. Çünki bu gün həm təkbətək görüşdə, həm heyətlərin iştirakı ilə apardığımız danışıqlarda bir çox konkret iqtisadi və sərmayə yönümlü layihələr müzakirə edilmişdir." Azərbaycanın iqtisadi və siyasi müstəqilliyi, ədalətə və beynəlxalq hüquqa söykənən siyasəti ölkəmizin beynəlxalq nüfuzunu şərtləndirən əsas amillərdəndir. Azərbaycan geniş coğrafiyada strateji tərəfdaş kimi qəbul edilir. Azərbaycanın Avropa ilə yeni mərhələyə daxil olan münasibətləri uğurla davam edir. Prezident İlham Əliyev çıxışında Azərbaycanın Avropanın enerji təhlükəsizliyində oynadığı rolu xüsusi vurğulayaraq ölkənin artıq bir sıra Avropa dövlətlərinə qaz ixrac etdiyini qeyd edib. Bu, Azərbaycanın enerji diplomatiyasının uğurunu və Avropa bazarında mövqelərinin möhkəmləndiyini göstərir.

Paylaş:

Baxılıb: 293 dəfə