Tərtərli gənclər də hərtərəfli dövlət qayğısı ilə əhatə olunublar

Bakı:

11 °C

82 %

6 m/s

Əlaqə

AZ RU EN

Ana səhifə / YAP xəbərləri / Tərtərli gənclər də hərtərəfli dövlət qayğısı ilə əhatə olunublar

Tərtərli gənclər də hərtərəfli dövlət qayğısı ilə əhatə olunublar

04.02.2014 [09:19]

Tərtərdə 2 fevral - Gənclər Gününə həsr edilmiş ümumrayon toplantısı keçirilib. Yeni Azərbaycan Partiyası (YAP) Tərtər rayon təşkilatı Gənclər Birliyinin və rayon Gənclər və İdman İdarəsinin birgə təşkilatçılığı ilə keçirilən tədbirin iştirakçıları əvvəlcə Ümummilli lider Heydər Əliyevin Gənclər Mərkəzindəki büstü önünə gül dəstələri düzüb, xatirəsinə ehtiramlarını bildiriblər.
Sonra tədbir Gənclər Mərkəzinin iclas zalında davam etdirilib. Tədbiri giriş sözü ilə açan YAP Tərtər rayon təşkilatının sədri, rayon İcra Hakimiyyəti başçısının I müavini Ramiz Şabanov əsası Ulu öndər Heydər Əliyev tərəfindən qoyulmuş və Azərbaycan Prezidenti İlham Əliyev tərəfindən uğurla davam etdirilən dövlət gənclər siyasəti barədə məlumat verib, ölkəmizin sosial-iqtisadi, ictimai-mədəni, eləcə də idman həyatında gənclərin xüsusi önəm kəsb edən fəaliyyətindən söz açıb.
Daha sonra Gənclər və İdman İdarəsinin rəis əvəzi İsmayıl İsmayılov geniş məruzə ilə çıxış edib. O, qeyd edib ki, Azərbaycan gəncliyi həyatımızın bütün sahələrində mühüm qüvvəyə çevrilib. Eyni zamanda, Tərtər gəncləri də rayonun sosial-iqtisadi, ictimai-mədəni, idman həyatında böyük fəallıq göstərirlər. Tərtərli gənclərin hərtərəfli dövlət qayğısı ilə əhatə olunduğunu deyən natiq bildirib ki, Prezident İlham Əliyevin şəxsən iştirakı ilə bu rayonda Gənclər Mərkəzinin açılışı, dövlətimizin başçısının tərtərli gənclərlə görüşü onlara göstərilən qayğının bariz nümunəsidir.
Qeyd olunub ki, Tərtər rayonunda gənclər üçün süni örtüklü idman meydançaları tikilib istifadəyə verilib, əhalinin asudə vaxtının səmərəli təşkili üçün parklar və istirahət guşələri yaradılıb, Olimpiya İdman Kompleksinin inşasına başlanılıb. Ötən il rayon idmançılarından 6 nəfəri kikboksinq, 1 nəfəri boks üzrə Azərbaycan çempionu olub, bir nəfər qadın idmançı Şaolin Sanda idman növü üzrə dünya çempionu adına layiq görülüb.
Mərasimdə çıxış edənlər ölkəmizdə gənclərə göstərilən diqqət və qayğıya görə Prezident İlham Əliyevə minnətdarlıqlarını bildiriblər.
Daha sonra çıxış edən rayon İcra Hakimiyyətinin başçısı Ceyhun Cəfərov tədbir iştirakçılarını Gənclər Günü münasibətilə təbrik edib. Bildirilib ki, Ulu öndər Heydər Əliyevin əsasını qoyduğu və bu gün Prezident İlham Əliyev tərəfindən uğurla davam etdirilən dövlət gənclər siyasəti yeni mərhələyə qədəm qoyub. Gənclərin təhsili, vətənpərvərlik tərbiyəsi, gənclər təşkilatlarının formalaşması və fəaliyyəti diqqət mərkəzindədir.
Sonda rayonun ictimai-siyasi həyatında və idman sahəsində fərqlənən bir qrup gəncə fəxri fərmanlar, diplom və qiymətli hədiyyələr təqdim olunub.
NADİR

Paylaş:

Baxılıb: 1076 dəfə