Şirvanda Yeni Azərbaycan Partiyası tərəfindən irəli sürülmüş namizədlərlə görüş keçirilib

Bakı:

11 °C

82 %

10 m/s

Əlaqə

AZ RU EN

Ana səhifə / YAP xəbərləri / Şirvanda Yeni Azərbaycan Partiyası tərəfindən irəli sürülmüş namizədlərlə görüş keçirilib

Şirvanda Yeni Azərbaycan Partiyası tərəfindən irəli sürülmüş namizədlərlə görüş keçirilib

06.12.2014 [12:49]

Dekabrın 23-də keçiriləcək bələdiyyə seçkiləri ilə əlaqədar təbliğat kampaniyası çərçivəsində Yeni Azərbaycan Partiyası (YAP) Şirvan şəhər təşkilatının Seçki Qərargahı tərəfindən bələdiyyəyə namizədliyi irəli sürülmüş şəxslərlə və partiya fəalları ilə görüş keçirilib. Görüşdə Milli Məclisin deputatı, YAP İdarə Heyətinin üzvü Arif Rəhimzadə, millət vəkili Rüstəm Xəlilov və YAP Mərkəzi Aparatının məsul işçisi Ramil Mirzəyev iştirak ediblər.
Tədbiri giriş sözü ilə açan YAP Şirvan şəhər təşkilatının sədri Əbülhəsən İbrahimov bələdiyyələrin yaranmasının təbii hüquqa və insan azadlığı prinsipinə əsaslandığını bildirib. Ə.İbrahimov Prezident İlham Əliyevin yürütdüyü milli maraqlarımıza xidmət göstərən siyasətin ölkəmizi regionun aparıcı dövlətinə çevirdiyini qeyd edib. Onun sözlərinə görə, bu inkişafdan Şirvan şəhərinə də böyük pay düşüb.
Çıxış edən millət vəkili Arif Rəhimzadə bələdiyyələrin yaranma tarixindən, formalaşmasından bəhs edib. Onun sözlərinə görə, Ümummilli liderimiz Heydər Əliyevin rəhbərliyi altında 1995-ci ildə qəbul olunan müstəqil Azərbaycanın ilk Konstitusiyasında keçmiş postsovet məkanı üçün tamamilə yeni olan hüquqi təsisat - yerli özünüidarə orqanları, qeyri-dövlət təşkilatı olan bələdiyyələr institutu təsis edilib: “Azərbaycan Respublikasının Konstitusiyasının 142-ci maddəsində bələdiyyələrin formalaşması və hüquqları müəyyən olunur. Göstərilir ki, yerli özünüidarəni həyata keçirən bələdiyyə seçkilər əsasında formalaşır. Bələdiyyələrə seçkilərin qaydaları və bələdiyyələrin statusu qanunla müəyyən edilir. Dekabrın 23-də biz növbəti dəfə bələdiyyə seçkilərində iştirak edəcəyik. Mən inanıram ki, hər zaman dövlətçiliyə sədaqəti ilə seçilən Şirvan seçiciləri bu dəfə də Yeni Azərbaycan Partiyasının namizədlərinə səs verəcək”.
Çıxış edən millət vəkili Rüstəm Xəlilov da bildirib ki, atılan addımlar, görülən tədbirlər vətəndaşlarımızın rifah halının inkişafına xidmət göstərir. Millət vəkili bildirib ki, bütün sahələrin paralel inkişaf etdirilməsi sayəsində ölkəmiz mühüm nailiyyətlər əldə edib. R.Xəlilov ölkəmizin istər siyasi, istərsə də iqtisadi cəhətdən son illərdə əldə etdiyi uğurlardan bəhs edib.
Daha sonra namizədləri maraqlandıran suallar cavablandırılıb.
Pərviz SADAYOĞLU

Paylaş:

Baxılıb: 930 dəfə