YAP Nəsimi rayon təşkilatı parlament seçkilərinə hazırlıq işlərini davam etdirir

Bakı:

11 °C

93 %

3 m/s

Əlaqə

AZ RU EN

Ana səhifə / YAP xəbərləri / YAP Nəsimi rayon təşkilatı parlament seçkilərinə hazırlıq işlərini davam etdirir

YAP Nəsimi rayon təşkilatı parlament seçkilərinə hazırlıq işlərini davam etdirir

22.09.2015 [10:22]

Ölkəmizdə aparıcı siyasi qüvvə olan Yeni Azərbaycan Partiyasının (YAP) bütün yerli qurumları kimi, Nəsimi rayon təşkilatı da noyabrın 1-də keçiriləcək növbəti parlament seçkilərinə hazırlıq işlərini intensiv şəkildə davam etdirir. Dünən rayon təşkilatında seçkilərə hazırlıq çərçivəsində partiyanın 21 saylı Nəsimi 1-ci Seçki Dairəsindəki müşahidəçiləri və məşvərətçi səs hüquqlu üzvləri ilə görüş keçirilib.
Qeyd edək ki, YAP Nəsimi rayon təşkilatı özündə 26 mindən artıq partiya üzvünü birləşdirir. Onlardan 12500-nü qadınlar, 13 min nəfərini isə gənclər təşkil edir. Rayon təşkilatında qeydiyyatda olan partiya üzvlərinin hamısı qarşıdan gələn seçkilərlə bağlı böyük fəallıq göstərərək tədbirlərdə yaxından iştirak edirlər. Nəsimi rayonunda Milli Məclisə seçkilərlə bağlı iki tam (21, 22 saylı) və bir qarışıq (23 saylı Nəsimi-Səbail) seçki dairəsi, həmçinin 78 seçki məntəqəsi fəaliyyət göstərir. Hazırda rayon üzrə ümumilikdə 87 mindən artıq seçici qeydiyyatdadır.
Beləliklə, dünən keçirilən görüşdə qeyd olunduğu kimi, 21 saylı Nəsimi 1-ci Seçki Dairəsi rayondakı 1-5-ci mikrorayonları əhatə edir. Bu dairə üzrə 29 məntəqə yaradılıb. Bəhs olunan dairə üzrə bütövlükdə 39 minə yaxın seçici qeydiyyatdadır. Tədbiri açan YAP Nəsimi rayon təşkilatının sədri, millət vəkili Məlahət İbrahimqızı respublikamızın inkişafı və ölkəmizin nüfuzunun daha da artması baxımından qarşıdan gələn seçkilərin mühüm önəm daşıdığını, bu seçkilərin şəffaf, tam demokratik şəraitdə keçməsi üçün partiyamızın müşahidəçilərinin və məşvərətçi səs hüquqlu üzvlərinin də üzərinə böyük məsuliyyət düşdüyünü vurğulayıb.
Tədbir iştirakçılarını səmimi fikir mübadiləsinə, açıq dialoqa dəvət edən təşkilat sədri əvvəlki seçkilərdə radikal siyasi qruplaşmalardan olan müşahidəçilərin və məşvərətçilərin neqativ hallara yol verdiklərini xatırladıb. “Əlbəttə, belə qeyri-etik davranışlar, normal seçki prosesinə müdaxilə etmək həmişə öz siyasi mübarizəsini sağlam rəqabət üzərində quran YAP təmsilçilərinə yad olan xüsusiyyətlərdir. Ancaq partiyamızı, Nəsimi rayon təşkilatını təmsil edən müşahidəçilər və məşvərətçi səs hüquqlu üzvlər hər hansı neqativ hala qarşı barışmaz mövqe ortaya qoymalıdırlar. Normal seçki prosesinə bu və ya digər şəkildə müdaxilə qətiyyən yolverilməzdir. Buna görə də seçki günü sizlər sayıqlığınızı ikiqat artırmalısınız, partiyamızın ənənəsinə xas olan tərzdə etik normalar çərçivəsində seçkiləri müşahidə etməlisiniz”, - deyə M.İbrahimqızı vurğulayıb.
M.İbrahimqızı çıxışında həmçinin diqqəti hazırda qlobal miqyasda cərəyan edən proseslərə yönəldib. “Hazırda dünya miqyasında milli mənafedən çıxış edən dövlətlərə təzyiq göstərilməsi halları getdikcə artır və Azərbaycan da bu cəhətdən istisna deyil. Ölkəmizdə həyata keçirilən məqsədyönlü siyasət sayəsində Azərbaycanın böyük uğurlara imza atması bizə qarşı bir sıra hallarda müəyyən dairələrdən gələn təzyiq və manipulyasiya cəhdləri ilə müşayiət olunur. Bu kimi hallar da qarşıdan gələn seçkilərdə bizi daha diqqətli olmağa sövq edir”, - deyə M.İbrahimqızı çıxışını yekunlaşdırıb.
Mübariz ABDULLAYEV

Paylaş:

Baxılıb: 795 dəfə