Heydər Əliyev
yeni azerbaycan logo

Ana səhifə / YAP xəbərləri / Kubra Əliyarlı: Azərbaycan-Türkiyə birliyinin əbədiyyətə qədər davam edəcəyinə zərrə qədər şübhə yoxdur

Kubra Əliyarlı: Azərbaycan-Türkiyə birliyinin əbədiyyətə qədər davam edəcəyinə zərrə qədər şübhə yoxdur

17.12.2020 [09:16]

“Bu gün Azərbaycan xalqımızın, dövlətimizin və ordumuzun birliyinin və həmrəyliyinin təntənəsini qürurla yaşayır. Azərbaycan 30 ilə yaxındır ki, davam edən Ermənistanın işğalçılıq siyasətinə və vandalizminə son qoymaqla həm BMT Təhlükəsizlik Şurasının 4 qətnaməsini yerinə yetirdi, həm də regionu erməni faşizmindən xilas etdi. Ali Baş Komandan İlham Əliyevin rəhbərliyi ilə Azərbaycan xalqı və Ordumuz misli görülməmiş qəhrəmanlıq dastanı yazdı”. Bu fikirləri qəzetimizə açıqlamasında Yeni Azərbaycan Partiyası (YAP) Binəqədi rayon təşkilatının baş məsləhətçisi Kubra Əliyarlı deyib.
K.Əliyarlının sözlərinə görə, dekabrın 10-da Bakıda keçirilən tarixi qələbəmizə həsr olunmuş Zəfər paradı qələbəmizin miqyasını və əhəmiyyətini göstərmək baxımından mühüm əhəmiyyət daşıyır: “Bu zəfərimiz, həm də ona görə möhtəşəmdir ki, təkcə torpaqlarımızın azadlığı ilə deyil, mənəvi-psixoloji əhəmiyyəti ilə də fərqələnir. Uzun illər erməni terrorçuları tərəfindən məruz qaldığımız qətliam və soyqırımı aktlarının qisası alındı. Bu parad, tariximizə ilk Zəfər paradı kimi daxil olmaqla, Ordumuzun yenilməzliyini göstərdi. Artıq bütün dünya anladı ki, heç bir qüvvə bu məğrur xalqın iradəsini sındıra və onu yolundan döndərə bilməz”.
“Zəfər paradında Vətən müharibəsi dövründə ölkəmizə siyasi, mənəvi dəstəyini əsirgəməyən, haqq mübarizəmizdə yanımızda olan qardaş Türkiyə Respublikasının Prezidenti Rəcəb Tayyib Ərdoğan və Türkiyədən gələn nümayəndə heyətinin iştirakı iki ölkənin birliyinin göstəricisi olmaqla yanaşı, bu birliyin bundan sonra da uğurla davam etdiriləcəyinin bariz nümunəsidir. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğanın parad və iki ölkə arasında sənədlərin imzalanması mərasimindəki qətiyyətli açıqlamaları dövlətlərimizin bütün məsələlərdə yekdil mövqedən çıxış edəcəklərini sübut etdi. Bu reallıq bir daha göstərdi ki, Azərbaycan-Türkiyə birliyinin əbədiyyətə qədər davam edəcəyinə zərrə qədər şübhə yoxdur”, - deyə K.Əliyarlı bildirib.

Paylaş:
Baxılıb: 632 dəfə

Xəbər lenti

Hamısına bax

Siyasət

Gündəm

İqtisadiyyat

Analitik

Sosial

YAP xəbərləri

Gündəm

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31