Yeni Azərbaycan Partiyası Balakən rayon təşkilatının XII hesabat konfransı keçirilib

Bakı:

22 °C

58 %

3 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Balakən rayon təşkilatının XII hesabat konfransı keçirilib

Yeni Azərbaycan Partiyası Balakən rayon təşkilatının XII hesabat konfransı keçirilib

13.08.2021 [09:21]

Avqustun 12-də Yeni Azərbaycan Partiyası (YAP) Balakən rayon təşkilatının videoformatda XII hesabat konfransı keçirilib.
Əvvəlcə Azərbaycanın xilaskarı və qurucusu, Yeni Azərbaycan Partiyasının yaradıcısı, Ulu Öndər Heydər Əliyevin və Azərbaycanın ərazi bütövlüyü uğrunda şəhidlik zirvəsinə ucalan Vətən oğullarının əziz xatirəsi bir dəqiqəlik sükutla yad edilib.
Konfransın gündəliyi təsdiq edildikdən sonra YAP Balakən rayon təşkilatının sədri Azad Balayev hesabat məruzəsi ilə çıxış edib. Azad Balayev hesabat dövründə Azərbaycanın uğurlarının zirvəsində dayanan tarixi Zəfərimizdən bəhs edərək bildirib ki, ölkə Prezidenti İlham Əliyevin Ali Baş Komandanlığı ilə rəşadətli Ordumuz 44 gün ərzində 30 illik işğala son qoydu, tariximizi şərəfləndirən, gələcəyimizə işıq salan böyük Qələbəyə imza atdı.
A.Balayev təşkilatın hesabat dövründə həyata keçirdiyi tədbirlərin xronologiyasını təqdim edərək vurğulayıb ki, hər bir mühüm hadisəyə, tarixi günə həsr olunan tədbirlərdə məqsəd onların bu günümüz üçün əhəmiyyətini təbliğ etmək, Azərbaycan tarixinin zənginliyini bir daha indiki və gələcək nəsillərə çatdırmaqdır. Təşkilat sədri qeyd edib ki, YAP Balakən rayon təşkilatı ölkədə keçirilən seçki proseslərində də fəal iştirakı ilə diqqətdə olub. Partiyanın hər bir üzvü Heydər Əliyev ideyalarının, ölkə Prezidenti, Yeni Azərbaycan Partiyasının Sədri cənab İlham Əliyevin Azərbaycana möhtəşəm uğurlar qazandıran, yeniliklərə, təkmilləşməyə yol açan siyasətinin təbliğatçısıdır.
Sonra YAP Balakən rayon təşkilatının Nəzarət-Təftiş Qrupunun sədri Turan Dibirovun hesabat məruzəsi dinlənilib.
Müzakirələr zamanı çıxış edən YAP Balakən rayon təşkilatının İdarə Heyətinin üzvü, Balakən Rayon İcra Hakimiyyətinin başçısı İslam Rzayev, Milli Məclisin deputatı Nəsib Məhəməliyev, rayon təşkilatının Qadınlar Şurasının sədri Züleyxa Dibirova, təşkilatın Gənclər Birliyinin sədri Nurlan Şibliyev hesabat dövrü ərzində görülən işlərdən bəhs ediblər.
Konfransda çıxış edən Yeni Azərbaycan Partiyasının Mərkəzi Aparatının Təşkilat şöbəsinin müdiri Əhliman Tağıyev bildirib ki, Ulu Öndər Heydər Əliyevin Azərbaycanın müstəqillik tarixində gördüyü işlər, Azərbaycanın ən yüksək zirvələri fəth etməsi üçün yaratdığı möhkəm təməl, həmçinin bu təməl üzərində ölkəmizin son 18 ildə ölkə Prezidenti cənab İlham Əliyevin rəhbərliyi ilə qazandığı uğurlar, tarixi Zəfərimiz bundan sonra da respublikamızın dayanıqlı inkişafını təmin edəcəkdir.
Ə.Tağıyev vurğulayıb ki, sözlə əməl birliyini, monolitliyini qoruyan Yeni Azərbaycan Partiyasının 29 ildə əldə etdiyi uğurların miqyası böyükdür. Partiyanın VII Qurultayında qəbul olunan qərarlar qarşıdakı dövrdə görüləcək işlərin aydın mənzərəsini yaradır. Partiyanın hər bir üzvü dövrün tələblərinə uyğun olaraq müəyyənləşdirilən hədəflərin gerçəkləşməsinə öz töhfəsini verməlidir.
YAP Balakən rayon təşkilatının fəaliyyətini müsbət qiymətləndirən Ə.Tağıyev təşkilata gələcək fəaliyyətində uğurlar arzulayıb.
Konfransda YAP Balakən rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 702 dəfə