Azərbaycan Avropanın və Asiyanın mühüm nəqliyyat və logistika mərkəzlərindən biridir

Bakı:

11 °C

87 %

1 m/s

Əlaqə

AZ RU EN

Ana səhifə / YAP xəbərləri / Azərbaycan Avropanın və Asiyanın mühüm nəqliyyat və logistika mərkəzlərindən biridir

Azərbaycan Avropanın və Asiyanın mühüm nəqliyyat və logistika mərkəzlərindən biridir

05.07.2022 [17:15]

Azərbaycan Respublikasının nəqliyyat sektorunda son illər bir sıra irimiqyaslı infrastruktur layihələri həyata keçirilmişdir. Bakı Beynəlxalq Dəniz Ticarət Limanı kompleksinin, müasir hava limanlarının, Şərq-Qərb və Şimal-Cənub nəqliyyat dəhlizləri istiqamətində beynəlxalq əhəmiyyətli avtomobil yollarının tikintisi və dəmir yolu xətlərinin yenilənməsi ölkənin xarici iqtisadi əlaqələrinin genişlənməsində mühüm rol oynayır.

Strateji baxımdan mühüm geosiyasi məkanda - Şərqdən Qərbə və Şimaldan Cənuba uzanan çox mühüm beynəlxalq nəqliyyat-kommunikasiya dəhlizlərinin kəsişməsində yerləşməsi Azərbaycanı əsrlər boyu transmilli dünya güclərinin xüsusi maraq dairəsində saxlamışdır. Yeri gəlmişkən, Prezident İlham Əliyev iyunun 29-da Aşqabadda Xəzəryanı Dövlətlərin Dövlət Başçılarının VI Zirvə Toplantısında bildirdi ki, bu gün Azərbaycan Avropanın və Asiyanın mühüm nəqliyyat və logistika mərkəzlərindən biridir: "Ölkəmiz Şərq-Qərb və Şimal-Cənub beynəlxalq nəqliyyat dəhlizlərinin inkişafında mühüm rol oynayır. Biz Transxəzər beynəlxalq nəqliyyat marşrutunun səmərəli istifadəsinə səy göstəririk. Bu marşrut Xəzəryanı dövlətlərin nəqliyyat potensialından maksimum dərəcədə istifadə etməyə imkan verəcək və nəqliyyat infrastrukturunun inkişafına dair yeni layihələrin həyata keçirilməsinə şərait yaradacaqdır".

44 günlük Vətən Müharibəsində qazanılan Parlaq qələbədən sonra Azərbaycan Cənubi Qafqazda yeni reallıqlar yaradıb. Bu relallıqların da ən mühümü tərkib hissəsindən biri də Zəngəzur dəhlizinin açılması olacaqdır. Zəngəzur dəhlizinin açılması ilə Avropa və Asiya olkələrinin yeni, daha səmərəli nəqliyyat dəhlizindən istifadə etmək imkanları yaranacaq. Bu da regionda yerləşən dövlətlərin iqtisadiyyatına müsbət təsir göstərəcək və regionda sülhün bərqərar olmasına şərait yaradacaqdır. Nəticədə Cənubi Qafqaz daha tez inkişaf edəcək, bölgəmiz sülh və əməkdaşlıq məkanına çevriləcəkdir.

Dünyanın ən sürətlə inkişaf edən iqtisadiyyatlarından birinə çevrilməklə Azərbaycan özünün regional və qlobal aparıcı qüvvələr üçün dəyərli tərəfdaş olduğunu sübut etmişdir. Azərbaycan böyük beynəlxalq layihələrin – Şimal-Cənub və Şərq-Qərb nəqliyyat dəhlizləri layihələrinin tərəfdaşı olmaqla öz tarixində yeni əsrarəngiz bir səhifə açmağa hazırdır. Heç şübhəsiz, hər iki layihə qonşu dövlətlərlə və beynəlxalq tərəfdaşlarla əldə olunan sıx əməkdaşlıq sayəsində ölkə iqtisadiyyatına mühüm dividendlər qazandıracaq.

İsmayıl İbrahimov

Yeni Azərbaycan Partiyası Hacıqabul rayon təşkilatının əməkdaşı

Paylaş:

Baxılıb: 594 dəfə