30 illik yol uğurlu gələcəyimizin təqdimatıdır

Bakı:

22 °C

65 %

5 m/s

Əlaqə

AZ RU EN

Ana səhifə / YAP xəbərləri / 30 illik yol uğurlu gələcəyimizin təqdimatıdır

30 illik yol uğurlu gələcəyimizin təqdimatıdır

28.11.2022 [10:22]

Cəmiyyətin avanqard qüvvəsi olan Yeni Azərbaycan Partiyası təsis olunmasının 30 illiyini qeyd etdi. Dövlət başçısı, Yeni Azərbaycan Partiyasının Sədri İlham Əliyev noyabrın 21-də bu münasibətilə keçirilən tədbirdəki çıxışında bir daha 30 illik yolu təhlil edərək bildirdi ki, partiyamızın yaranması tarixi hadisə idi. O vaxt gənc Azərbaycan çətin günlər yaşayırdı. Müstəqilliyimizin bərpasının birinci ili çox ağır keçmişdi. Belə bir vəziyyətdə Azərbaycanın görkəmli nümayəndələri, vətənpərvər, ölkənin gələcəyini düşünən insanlar nicat yolunu Heydər Əliyevin simasında gördü və məhz buna görə Ulu Öndərə müraciət ünvanladılar. Bu müraciəti ünvanlayan məşhur “91-lər” öz tarixi missiyasını şərəflə yerinə yetirdilər. Çünki məhz bu müraciət əsasında, bu müraciətə cavab olaraq Yeni Azərbaycan Partiyasının təsis konfransı Naxçıvanda keçirildi. Təsis konfransında ölkəmizin bütün bölgələrindən 500-dən çox nümayəndə iştirak etdi və onların tarixi qərarları ölkəmizin yeni səhifəsinin açılmasına gətirib çıxardı.

YAP-ın təsis konfransından yeddi ay sonra ulu öndər Heydər Əliyev xalqın təkidli tələbi ilə hakimiyyətə qayıtdı. Bu mühüm hadisə həm ölkəmizin, həm də Yeni Azərbaycan Partiyasının həyatında yeni bir mərhələnin başlanğıcı oldu. Ümummilli Liderin adını daşıyan partiya yarandığı gündən ümumxalq partiyası kimi tanındı. Partiyada müxtəlif kateqoriyadan olan insanların təmsil olunması onun xalqın partiyası kimi təqdimatında əhəmiyyətli rol oynayır.

Ulu öndər Heydər Əliyevin hakimiyyətə qayıdışından sonra Azərbaycan yenidən quruldu. Ölkəmizdə sabitlik yarandı. Azərbaycan qısa müddətdə sabitlik diyarına çevrilməklə iqtisadi inkişafın təmin olunmasına yol açdı. Ümummilli Lider bildirirdi ki, sabitlik olmadan hansısa sosial-iqtisadi layihələri həyata keçirmək qeyri-mümkündür. 1994-cü il sentyabrın 20-də ulu öndər Heydər Əliyevin böyük səyləri nəticəsində “Əsrin müqaviləsi” imzalandı. Ümummilli Liderin müəllifi olduğu neft strategiyası dövlətimizin müstəqilliyinin qarantına çevrilməklə yanaşı, ölkəmizin dünya iqtisadi məkanına inteqrasiyasını, xalqımızın rifahının artması üçün çox önəmli xarici sərmayələrin cəlb olunmasını təmin etdi. İqtisadi və siyasi müstəqilliyimiz təmin edildi. Bir sözlə, 1993-2003-cü illər tariximizə sabitlik, inkişaf dövrü kimi yazıldı.

Azərbaycanın hər bir uğurunda öz payı olan Yeni Azərbaycan Partiyasının Proqramında əksini tapan bütün müddəalar reallığa çevrildi. Belə ki, dövlət müstəqilliyimiz möhkəmləndi, demokratik, hüquqi, dünyəvi dövlət quruldu, vətəndaşların dinc və firavan həyatı təmin olundu. Bu addımların əsasında partiyanın dəyişməz olan prinsipləri- dövlətçilik, azərbaycançılıq, vətəndaş həmrəyliyi və sosial ədalət prinsipləri dayanır.

Son 19 ildə Prezident İlham Əliyev ulu öndər Heydər Əliyevin siyasi kursunu uğurla davam etdirərək tariximizə Zəfər səhifəsini yazdı. Dövlət başçısı ata vəsiyyətini yerinə yetirdiyi üçün özünü xoşbəxt hiss etdiyini bildirdi.

Tarixi Zəfərimiz həm ölkəmizin, həm də Yeni Azərbaycan Partiyasının qarşısında yeni imkanlar açır. Dövlət başçısı İlham Əliyevin yubiley tədbirində qeyd etdiyi kimi, Qarabağı, Şərqi Zəngəzuru yenidən qururuq. Həyatımızda və ölkəmizin həyatında tamamilə yeni dövrdür. Bu quruculuq işlərində hər birimiz böyük həvəslə, bir məqsədlə iştirak edirik ki, keçmiş köçkünləri tezliklə öz dədə-baba torpaqlarına qaytaraq, dağılmış şəhər və kəndləri tezliklə bərpa edək və bütün dünyaya bir daha göstərək ki, biz böyük xalqıq. Bu gün nəinki Azərbaycan vətəndaşları, bütün dünya azərbaycanlıları başını dik tutub. Üzümüz ağ, alnımız açıqdır. Müzəffər xalq, qalib dövlətik və bu, əbədi olacaq!

Etibar Hacıyev

YAP Ağstafa rayon təşkilatının sədri

Paylaş:

Baxılıb: 544 dəfə