Gədəbəydə “Heydər Əliyev İli” çərçivəsində silsilə tədbirlər davam edir

Bakı:

26 °C

62 %

10 m/s

Əlaqə

AZ RU EN

Ana səhifə / YAP xəbərləri / Gədəbəydə “Heydər Əliyev İli” çərçivəsində silsilə tədbirlər davam edir

Gədəbəydə “Heydər Əliyev İli” çərçivəsində silsilə tədbirlər davam edir

02.03.2023 [15:04]

01 mart 2023-cü il tarixdə Yeni Azərbaycan Partiyası Gədəbəy rayon təşkilatı tədbirlər planına uyğun olaraq İsalı kənd ərazi partiya təşkilatında “Heydər Əliyev İli” çərçivəsində “Heydər Əliyev Azərbaycan xalqının xilaskarı və müstəqil Azərbaycanın memarıdır.” Mövzusunda görüş keçirildi.

Görüşü giriş sözü ilə açan YAP Gədəbəy rayon təşkilatının sədri Rüstəm Nağıyev qeyd etdi ki, Prezident İlham Əliyevin Sərəncamı ilə 2023-cü il ölkəmizdə “Heydər Əliyev İli” elan olunub. Sonra rayon təşkilatının sədri Ulu Öndər Heydər Əliyevin parlaq və şərəfli həyat yolu, dövlətçilik fəaliyyəti, azərbaycançılıq ideologiyası, Azərbaycanın hər sahə üzrə inkişafı istiqamətində göstərdiyi əvəzsiz xidmətləri tədbir iştirakçılarının diqqətinə çatdırıb. Rüstəm Nağıyev çıxışında bildirdi ki, fenomen tarixi şəxsiyyət olan dahi Heydər Əliyev Azərbaycan xalqının xilaskarı və müstəqil Azərbaycanın memarıdır. Azərbaycanda ötən əsrin sonlarına yaxın siyasi təlatümlərin hökm sürdüyü, xaos, apatiya, vətəndaş qarşıdurmasının baş verdiyi zamanda xalq məhz öz xilaskarına Ümummilli Lider Heydər Əliyevə üz tutaraq nicat yoluna çıxdı. Azərbaycan xalqı öz böyük oğlu Heydər Əliyevi yalnız siyasi lider kimi deyil, həm də milli dövlətçilik ideologiyasının şəriksiz müəllifi kimi qəbul edir. Çünki Heydər Əliyev siyasi kursundan kənarda Azərbaycan dövlətçiliyi yoxdur və elə bütün bunlara görə Azərbaycan xalqının da xoşbəxtliyi ondadır ki, məhz 1993-cü ilin iyununda ölkə rəhbərliyinə yenidən dünya şöhrətli siyasətçi, dünyəvi və hüquqi dövlət quruculuğu sahəsində zəngin biliyə, böyük dövlətçilik təcrübəsinə malik, hadisələri qabaqcadan görməyi və qətiyyətlə adekvat tədbirlər həyata keçirməyi bacaran bir şəxsiyyət gəldi. Azərbaycan xalqı və dövləti var olduğu müddətdə əvəzedilməz şəxsiyyət olan Ulu Öndər Heydər Əliyevin əziz xatirəsi də xalqımızın qəlbində var olacaq, daim hörmətlə anılacaqdır.

Görüşdə İsalı kənd ərazi partiya təşkilatının sədri Asəf Qurbanov vurğulayıb ki, Heydər Əliyev yolu bundan sonra da Azərbaycana daha möhtəşəm uğurlar qazandıracaq.Qalib Azərbaycan Ümummilli Liderin görmək istədiyi Azərbaycan kimi sözünün imzası qədər əhəmiyyətini təkmil inkişaf modeli ilə bir daha təsdiqləyəcək. Həyatının yeni dövrünü yaşayan Azərbaycana bu gün beynəlxalq baxış ən yüksək səviyyədədir. Tarixi ədaləti bərpa edən Azərbaycan dünyaya çatdırdı ki, beynəlxalq hüquq əsasdır. Dövlətlərarası münasibətlərdə etimad mühitinin yaradılmasında bu faktorun rolu böyükdür. Azərbaycan tarixi Zəfərimizin fonunda gələcəyə doğru böyük inamla addımlayır.

YAP Gədəbəy rayon təşkilatının Veteranı Mirbəşir Manafov bildirdi ki, bu gün ulu öndər Heydər Əliyev siyasəti Prezident İlham Əliyev tərəfindən uğurla davam etdirilir. Cənab prezident İlham Əliyev ölkə başçısı seçildiyi ilk gündən apardığı uğurlu siyasət və gələcəyə istiqamətlənmiş addımlar nəticəsində Azərbaycan 44 günlük Vətən müharibəsində möhtəşəm qələbəyə imza ataraq, ərazi bütövlüyümüzü bərpa etdi.

Mövzu ətrafında çıxış edənlər qeyd ediblər ki, hazırda Ümummilli Liderimizin uzaqgörən və düzgün siyasəti Ölkə Prezidenti, Müzəffər Ali Baş Komandan cənab İlham Əliyev tərəfindən peşəkarcasına davam etdirilir ki, bu müdrik siyasət də bizim xoşbəxt və firavan gələcəyimizi layiqincə təmin edir.

Paylaş:

Baxılıb: 603 dəfə