Qurtuluşdan başlanan yol

Bakı:

22 °C

68 %

3 m/s

Əlaqə

AZ RU EN

Ana səhifə / YAP xəbərləri / Qurtuluşdan başlanan yol

Qurtuluşdan başlanan yol

14.06.2023 [16:07]

Azərbaycanın siyasi təqvimində çox mühüm əhəmiyyət kəsb edən günlərdən biri və ən əhəmiyyətlisi 15 iyun tarixidir. Azərbaycanın uğurları, əldə etdiyi nailiyyətlər məhz bu tarixdən sonra başlayıb. Bu tarixdən sonra Azərbaycan üzləşmiş olduğu ağır vəziyyətdən, bütün çətinliklərdən xilas oldu. Müstəqilliyimiz möhkəmləndi, ölkəmiz dünyaya günəş kimi parlamağa başladı. 15 iyun tarixi Azərbaycanın xilas, qurtuluş tarixidir. 15 iyun tarixi eyni zamanda 27 sentyabr 2020-ci ildə başlanmış və cəmi 44 gün davam edən Vətən Müharibəsində qazandığımız tarixi Zəfərin təməlidir.

1992 - 93-cü illərə qısa nəzər salsaq görərik ki, Azərbaycan öz müstəqilliyini əldə etdiyi bir zamanda o dövrkü hakimiyyətin səriştəsizliyindən zorla düçar olduğumuz müharibədəki uğursuzluqlarımız, torpaqlarımızın işğalı,daxildə kürsü davası, vətəndaş müharibəsi təhlükəsi, bəzi xarici qüvvələrin havadarlığı ilə daxildə parçalanma təhlükəsi Azərbaycanı sanki siyasi xəritədən silinmək təhlükəsi ilə üz-üzə qoymuşdur. Belə çətin anlarda xalqımızın bir yolu vardı.Ulu öndərimiz Heydər Əliyevi Bakıya dəvət etmək və xalqı bu bəladan qurtarmaq. Məhz Ulu öndər Heydər Əliyevin 1993-cü il iyunun 9-da xalqın çağırışına səs verǝrǝk Bakıya gəlməsi, Azərbaycan ağırlıqlarını öz çiyinlərinə götürməsi Azərbaycanı mövcud təhlükədən xilas etdi. İyunun 15-də Milli Məclisdə Heydər Əliyev istefa vermiş İsa Qəmbərin yerinə parlamentin sədri seçildi. Beləliklə 15 iyun tariximizə Qurtuluş günü kimi yazıldı.

Ümummilli lider Heydər Əliyevin Azərbaycan rəhbərliyinə qayıdışı ilə ölkəmizdə siyasi sabitlik təmin olundu, cəbhədə atəşkəs əldə edildi, ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrdə dönüş yarandı.

Bu gün Ulu öndərin siyasi kursu Prezidentimiz cənab İlham Əliyev tərəfindən zamanın tələblərinə uyğun olaraq uğurla davam etdirilir və ölkəmiz sürətlə inkşaf edir, böyük nailiyyətlər, Zəfərlər əldə edir.

Ulu Öndər Heydər Əliyevin ən böyük arzusu Şuşanı, Qarabağı və Zəngəzuru azad görmək idi. Prezident, Müzəffər Ali Baş Komandan cənab İlhm Əliyevin rəhbərliyi ilə rəşadətli Azərbaycan ordusu 44 gün ərzində düşmən ordusunu darmadağın edərək, ulu öndərin və bütün Azərbaycan xalqının, bütün dünya azərbaycanlılarının arzusunu çin etdi. 44 günlük Vətən müharibəsi Azərbaycanın gücünün, qüdrətinin ən yüksək zirvəsi olaraq şanlı tariximizə yazıldı.

Bu bir reallıqdır ki, bu gün Azərbaycan Prezident cənab İlham Əliyevin rəhbərliyi ilə heç zaman olmadığı qədər güclüdür və müstəqil, azad, qalib Azərbaycan ümummilli lider Heydər Əliyevin görmək istədiyi Azərbaycandır.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 524 dəfə