Böyük tarixi şəxsiyyət

Bakı:

22 °C

60 %

3 m/s

Əlaqə

AZ RU EN

Ana səhifə / YAP xəbərləri / Böyük tarixi şəxsiyyət

Böyük tarixi şəxsiyyət

11.12.2023 [10:41]

12 dekabr ulu öndər Heydər Əliyevin anım günüdür. Azərbaycan xalqı iyirmi il bundan öncə öz böyük oğlunu cismən itirmişdir. Lakin bu iyirmi ildə Heydər Əliyev siyasəti davam etdirilmiş, Azərbaycan uğurla inkişaf etmişdir.

Müstəqil Azərbaycan dövlətinin qurucusu, onun banisi olan Ulu öndər Heydər Əliyev böyük tarixi şəxsiyyətdir. 1991-ci ildə Sovet İttifaqının dağılması nəticəsində Azərbaycan dövlət müstəqilliyinə qovuşmasına baxmayaraq, 1993-cü ilə qədər Azərbaycana müstəqil dövlət demək olmazdı. Çünki, Müstəqil dövlətin bir neçə əlaməti Azərbaycanda yox idi.

Bu bir reallıqdır ki, 1993- cü ilə qədər müstəqil xarici siyasət apara bilməyən, müstəqil iqtisadiyyatı, demək olar ki, olmayan, ümumiyyətlə, iqtisadiyyat dağılmış vəziyyətdə olan Azərbaycan başqa dövlətlərin təsiri altında idi.

Məhz Ümummilli lider Heydər Əliyevin müdrikliyi, yürütdüyü düşünülmüş, uzaqgörən siyasəti nəticəsində Azərbaycan, sözün əsl mənasında, müstəqil dövlətə çevrildi. Bu gün Azərbaycan xalqı haqlı olaraq ulu öndər Heydər Əliyevi müasir , müstəqil Azərbaycan dövlətinin qurucusu kimi qəbul edir.

Müasir Azərbaycan dövlətini qurmaq, üzləşdiyi bütün bəlalardan xilas etmək Ümummilli lider Heydər Əliyevin tarix, xalq qarşısında gördüyü ən böyük xidmətdir.

1980-ci illərin əvvəllərində ulu öndərin sayəsində Azərbaycan sovet miqyasında ən qabaqcıl respublikaya çevrilmişdi. Xalqımız üçün ən ağır anlarda Heydər Əliyev hər zaman xalqın yanında olmuşdur. 1990-ci il 20 Yanvar faciəsinin səhəri günü o, heç kimdən, heç nədən çəkinməyərək, həyatını təhlükəyə ataraq öz haqq səsini ucaltmış, sovet rəhbərliyinin bu cinayətini pisləmiş, onu qınamışdır.

Müdrük Azərbaycan xalqı 1993-cü ildə ölkəmiz, xalqımız üçün ən ağır anlarda Heydər Əliyevə müraciət etmiş, onu hakimiyyətə dəvət etmişdir. Məhz ondan sonra Azərbaycanın sabitlik və inkişaf dövrü başlamışdır. Dövlətçiliyin əsasları qoyulmuş, müstəqil Azərbaycanın Konstitusiyası qəbul edilmiş, ciddi islahatlara start verilmiş , ölkəmiz beynəlxalq aləmdə öz möhkəm yerini tutmuşdur.

Sevindirici haldır ki, bu gün ulu öndərimizin əsasını qoyduğu siyasi kurs prezident, partiyamızın sədri cənab İlham Əliyev tərəfindən uğurla davam etdirilir. Məhz bu siyasi kursun dövrün tələblərinə uyğun olaraq uğurla həyata keçirilməsinin nəticəsidir ki, 27 sentyabr 2020- ci ildə başlanmış və cəmi 44 gün davam etmiş Vətən müharibəsində Azərbaycan şanlı zəfər əldə etdi. 30 ilə yaxın işgal altında olan torpaqlarımiz düşmən tapdağından azad edildi.

Bütün mənalı həyatını ölkəsinin tərəqqisinə, xalqının rifahının yüksəlməsinə həsr edən ulu öndərin Azərbaycan üçün gördüyü misilsiz xidmətləri Azərbaycan xalqı heç zaman unutmur və unutmayacaq. Nə qədər müstəqil Azərbaycan dövləti var, Azərbaycan xalqı yaşayır, ümummilli liderimiz Heydər Əliyevin əziz xatirəsi hər zaman qəlbimizdə yaşayacaqdır.

Sahib Şükürov

YAP Göyçay rayon təşkilatının sədri

Paylaş:

Baxılıb: 514 dəfə