Heydər Əliyev
yeni azerbaycan logo

Ana səhifə / YAP xəbərləri / Gənclərə olan etmad

Gənclərə olan etmad

01.02.2024 [11:06]

Ölkəmizdə gənclər siyasətinin əsası ümummilli lider Heydər Əliyev tərəfindən qoyulmuşdur. Dahi şəxsiyyət hər zaman gənc nəslə xüsusi diqqət və qayğı göstərmiş, gəncləri  Azərbaycanın gələcəyi adlandırmışdır. Ulu öndərin gənclərlə bağlı imzaladığı bir çox sənədlər respublikanın ictimai-siyasi həyatında gənclərin daha fəal iştirakı üçün şərait yaratmış, gənclər siyasətinin məqsəd, prinsip və istiqamətlərini, habelə təşkilati-hüquqi əsaslarını müəyyən etmişdir. Məlum olduğu kimi MDB məkanında və Şərqi Avropa ölkələri arasında ilk dəfə olaraq Gənclər Günü ölkəmizdə təsis edilmişdir ki, bu günün təsis edilməsi də məhz ümummlilli lider Heydər Əliyevin adı ilə bağlıdır. Belə ki, 2 fevral 1997-ci il tarixində imzalanmış Sərəncama əsasən fevralın 2-si Azərbaycan Gəncləri Günü elan edilmişdir.

1999-cu il iyulun 29-da imzalanan “Dövlət gənclər siyasəti haqqında” Fərman müstəqil dövlətimizdə gənclərin hərtərəfli inkişafı üçün daha əlverişli şərait, cəmiyyətin həyatında onların fəal iştirakının təmin edilməsi üçün siyasi, sosial-iqtisadi və hüquqi baza yaratmış, gənclərin dövlət quruculuğu işinə geniş cəlb olunmasına və ictimai-siyasi fəallığının artmasına kömək etmişdir. 2002-ci il 9 aprel tarixində “Gənclər siyasəti haqqında” Azərbaycan Respublikasının Qanunu qəbul edilmişdir. Bu Qanun Azərbaycan Respublikasında gənclər siyasətinin məqsədlərini, prinsiplərini, istiqamətlərini, təşkilati-hüquqi əsaslarını müəyyən edir və bu sahədə yaranan münasibətləri tənzimləyir.

Ulu Öndər Heydər Əliyevin azərbaycançılıq ideologiyasının mühüm istiqamətini təşkil edirdi. Ulu Öndər Heydər Əliyevin “Hər bir xalqın, hər bir millətin, hər bir ölkənin gəncləri onun həm bu günüdür, həm də sabahıdır, ümididir” fikri dövlət gənclər siyasətinin fəlsəfi və ideoloji əsası olmaqla daim aktualdır və gəncləri Azərbaycanın sabahı naminə səfərbər edir.

Prezident İlham Əliyev ulu öndərin gənclər siyasətini ölkəmizdə uğurla davam və inkişaf etdirərək  yüksək intellektli, müasir dünyagörüşlü, vətənpərvər ruhlu gənc nəslin yetişdirilməsini təmin etmişdir. Ölkə başçısının gənclərin potensialının gerçəkləşməsinə, onların vətənpərvər, savadlı kadr kimi yetişməsinə, gənc ailələrin sosial təminatına yönələn tədbirləri dövlətin uzaqgörən siyasətinin göstəricisi kimi qiymətləndirilməlidir. Mütəmadi olaraq təkmilləşdirilən gənclər siyasəti gənc nəslin ictimai-siyasi həyatdakı rolunun artmasına, ölkənin aparıcı qüvvəsinə çevrilməsinə, bütövlükdə, kreativ gəncliyin formalaşmasına şərait yaradıb. Həmçinin kadr təyinatları zamanı gənclərə böyük üstünlük verilməsi dövlətimizin gənclərə olan etmadının göstəricisidir. Bir sözlə, gənclər siyasəti ölkədə həyata keçirilən dövlət siyasətinin mühüm tərkib hissəsidir.

Vətənə bağlılıq, Vətənə sevgi, Vətən maraqlarını, dövlət maraqlarını hər şeydən üstün tutmaq hər bir gəncin borcudur. 2020-ci ildə 44 günlük Vətən müharibəmiz də sübut etdi ki, Azərbaycanda gənclər yüksək vətənpərvərlik ruhunda tərbiyə olunublar və torpağa, Vətənə bağlı gənclərdirlər. Gənclər bundan sonra da mütləq vətənpərvərlik əsasında tərbiyə almalıdırlar. Həyata keçirilən dövlət gənclər siyasətinin əsas hədəflərindən biri də məhz budur.

Əlişah Rəcəbov

YAP Ağdaş rayon təşkilatının sədri

Paylaş:
Baxılıb: 139 dəfə

Xəbər lenti

Hamısına bax

Xəbər lenti

Xəbər lenti

181-ci üzv

02 Mart 11:10

Xəbər lenti

MEDİA

Sosial

Analitik

Xəbər lenti

Xəbər lenti

Xəbər lenti

Xəbər lenti

Xəbər lenti

Sosial

Analitik

Gərginlik artır

01 Mart 11:10

Xəbər lenti

Xəbər lenti

MEDİA

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31