Vardanyan gəldiyi yerə getdi...

Bakı:

14 °C

94 %

3 m/s

Əlaqə

AZ RU EN

Ana səhifə / Xəbər lenti / Vardanyan gəldiyi yerə getdi...

Vardanyan gəldiyi yerə getdi...

08.02.2023 [10:17]

Bundan sonra baş verəcək proseslər böyük maraq doğuracaq

Azərbaycanın Qarabağ iqtisadi bölgəsində, özünü Xankəndidəki qanunsuz rejimin “dövlət naziri” kimi təqdim edən rusiyalı milyader Ruben Vardanyan Moskvaya qaçıb. “Caliber”in bununa bağlı yaydığı məlumatda bildirilir ki, Vardanyan Moskvaya adi qaydada getməyib, o, Rusiya paytaxtına məhz qaçıb. İnformasiyaya əsasən, onu Rusiya hərbçilərinin təkrar emal üçün təhvil verilmiş tərli ayaq dolabları, “ətirli” alt paltarları və çirkli geyimləri ilə birlikdə sülhməramlılara məxsus yük maşınının kuzovunda Ermənistana aparıblar.

Bildirilib ki, Vardanyanın yalnız sülhməramlılara məlum olan bir növ xüsusi fetişi var. Onu Moskvaya köçürdülər, sonra Qarabağa atıblar. Beləliklə, “Vardanyan layihəsi”ni rəsmi olaraq uğursuz hesab etmək olar. Bütün bunlar ilk növbədə Azərbaycan xalqının, şəxsən Ali Baş Komandanın dəmir iradəsi sayəsində reallaşdı. Əgər Ruben Vardanyan Qarabağa başqa formada qayıtmaq qərarına gəlsə, o zaman bu, Bakı tərəfindən ordumuzun müvafiq ildırımsürətli hərəkətləri ilə qarşılanacaq.

Məsələ ilə bağlı fikirlərini “Yeni Azərbaycan”a bölüşən politoloq İlyas Hüseynov bildirib ki, Ruben Vardanyanın Rusiyaya gedişi də ilk növbədə qeyri-qanuni yollarla baş verib. Çünki Vardanyan Rusiya vətəndaşlığından imtina edib. Bununla bağlı da geniş müzakirələr keçirilmişdi: “Onun Rusiyaya bağlılığı vətəndaşlıqdan imtina yolu ilə inkar olunurdu. Burada müxtəlif mülahizələr irəli sürülür. Vardanyanın Rusiya planı olması ilə bağlı çox ciddi iddialar var və düşünürəm ki, o, birbaşa olaraq Kremldə olan qüvvələrə bağlıdır. Bu “səfərin” özü başdan-başa qeyri-qanuni xarakter daşıyır. Eyni zamanda, bundan sonra baş verəcək proseslər də böyük maraq doğuracaq. Onun Xankəndidən hansı yollarla çıxması da ciddi müzakirə mövzusudur. Yayılan məlumatlara görə, o, sülhməramlıların təminat yük maşınında bölgəni tərk edib. Regionda sabitliyə zərər gətirən, təhlükəsizliyə zərbə vuran şəxsin bu bölgəni tərk etməsinə yardımçı olmaq məsələsi də bir qədər müəmmalıdır. Digər tərəfdən, Rusiyanın Cənubi Qafqazda özəl maraqları var. Bu maraqların təmin olunmasında Vardanyan “xidmətlərini” təklif edir və bu planla da razılaşıb. İlin əvvəlindən Rusiyanın region ilə bağlı çox ciddi vasitəçilik təşəbbüslərinin şahidi oluruq. Rusiyanın xarici işlər naziri Sergey Lavrovla Azərbaycanın xarici işlər naziri Ceyhun Bayramov arasında təmasların qurulması, eləcə də Prezident Putinlə Paşinyan arasında telefon danışığının həyata keçirilməsi Rusiyanın vasitəçilik estafetini öz əlinə alması kimi izah olunur”, - deyə İ.Hüseynov bildirib.

Pərviz

Paylaş:

Baxılıb: 523 dəfə